ವಾಚಕರ ವಾಣಿ | ಹೊಸ ಪಿಂಚಣಿ ಯೋಜನೆ: ಸಂಕಷ್ಟ ನೀಗಲಿ

ಮಾಸಿಕ ₹ 15 ಸಾವಿರಕ್ಕಿಂತ ಹೆಚ್ಚು ಮೂಲವೇತನ ಪಡೆಯುತ್ತಿರುವ ಹಾಗೂ ‘ನೌಕರರ ಪಿಂಚಣಿ ಯೋಜನೆ- 1995’ರ ಅಡಿಯಲ್ಲಿ ಬಾರದ ಸಂಘಟಿತ ವಲಯದ ನೌಕರರಿಗೆ ನೂತನ ಪಿಂಚಣಿ ಯೋಜನೆ ರೂಪಿಸಲು ನೌಕರರ ಭವಿಷ್ಯನಿಧಿ ಸಂಘಟನೆಯು ಚಿಂತನೆ ನಡೆಸಿರುವುದಾಗಿ ತಿಳಿದುಬಂದಿದೆ. 1995ರ ಯೋಜನೆಯಡಿ ನಿವೃತ್ತ ನೌಕರರಿಗೆ ಈಗ ಕನಿಷ್ಠ ಪಿಂಚಣಿ ₹ 1,000 ಮಾತ್ರ ಬರುತ್ತಿದೆ (ಗರಿಷ್ಠ ₹ 5,000). ಇದು ಎಷ್ಟೋ ರಾಜ್ಯಗಳ ವೃದ್ಧಾಪ್ಯ ವೇತನಕ್ಕಿಂತ ಕಮ್ಮಿಯಿದೆ. 25- 30 ವರ್ಷಗಳು ವಂತಿಗೆ ನೀಡಿ ನಿವೃತ್ತರಾದ ಕಾರ್ಮಿಕರಿಗೆ ಗೌರವಯುತ ಬದುಕು ನಡೆಸಲು ಅಗತ್ಯವಾದ ಕನಿಷ್ಠ ಹಣವನ್ನು ಒದಗಿಸುವಷ್ಟಾದರೂ ಪಿಂಚಣಿಯನ್ನು ಹೆಚ್ಚಿಸಬೇಕಿದೆ.