ವಾಚಕರ ವಾಣಿ | ಆನ್‌ಲೈನ್ ಮಾಡಿ, ಮರ ಉಳಿಸಿ

ಬಂಗಾರದ ಬೆಲೆಯಂತೆ ಕಾಗದದ ಬೆಲೆಯಲ್ಲಿ ಪ್ರತಿನಿತ್ಯ ಏರಿಕೆ- ಇಳಿಕೆ ಉಂಟಾಗುತ್ತದೆ. ಇದು ಆಶ್ಚರ್ಯ ಎನಿಸಿದರೂ ಸತ್ಯ. ಇತ್ತೀಚೆಗೆ ಸಹೋದರನ ವಿವಾಹ ಆಮಂತ್ರಣ ಪತ್ರಿಕೆಯನ್ನು ಮಾಡಿಸುವ ಸಂದರ್ಭದಲ್ಲಿ ಈ ವಿಚಾರ ತಿಳಿಯಿತು. ರಾಜ್ಯದಲ್ಲಿ ಈಗ ಪದವೀಧರ ಕ್ಷೇತ್ರಕ್ಕೆ ಮತದಾರರ ನೋಂದಣಿ ನಡೆಯುತ್ತಿದೆ. ಹೊಸ ಮತದಾರರಲ್ಲದೆ, ಈ‌ಗಾಗಲೇ ನೋಂದಣಿಯಾಗಿರುವ ಮತದಾರರು ಸಹ‌ ನೋಂದಣಿಗಾಗಿ ಹೊಸದಾಗಿ ಅರ್ಜಿ ತುಂಬಬೇಕಾಗಿದೆ. ಇದಕ್ಕಾಗಿ ಕೋಟ್ಯಂತರ ಅರ್ಜಿಗಳನ್ನು ಮುದ್ರಿಸಿ ವಿತರಿಸಲಾಗಿದೆ. ಇದಕ್ಕಾಗಿ ಟನ್‌ಗಟ್ಟಲೆ ಅಮೂಲ್ಯವಾದ ಕಾಗದವನ್ನು ವ್ಯರ್ಥ ಮಾಡುತ್ತಿರುವುದು ಎಷ್ಟರಮಟ್ಟಿಗೆ ಸರಿ? ಮತದಾರರ ನೋಂದಣಿಯನ್ನು ಆನ್‌ಲೈನ್ ಮಾಡಿದಲ್ಲಿ ಅಮೂಲ್ಯವಾದ ಕಾಗದ ಉಳಿಯುತ್ತದೆ.