ಕೋವಿಡ್‌ ಚಿಕಿತ್ಸೆಗೆ ತಾವು ಸಲ್ಲಿಸಿದ್ದ ಪ್ರಸ್ತಾವದಲ್ಲಿನ ಚಿಕಿತ್ಸಾ ವೆಚ್ಚದ ಪ್ರಮಾಣವನ್ನು ಕಡಿಮೆ ಮಾಡಿರುವ ಸರ್ಕಾರದ ಆದೇಶವನ್ನು ಧಿಕ್ಕರಿಸಲು ಮುಂದಾಗಿರುವ ಖಾಸಗಿ ಆಸ್ಪತ್ರೆಗಳ ಪರವಾನಗಿಯನ್ನು ಸರ್ಕಾರ ರದ್ದು ಮಾಡಬೇಕು. ಸರ್ಕಾರ ಈಗ ನಿಗದಿಪಡಿಸಿರುವ ದರವು ಬಡವರಿರಲಿ, ಮಧ್ಯಮ ವರ್ಗದವರೇ ಆಗಲಿ ಭರಿಸಲಾಗದಷ್ಟು ದುಬಾರಿಯಾಗಿದೆ. ಖಾಸಗಿ ಆಸ್ಪತ್ರೆಗಳ ಸ್ಥಾಪನೆ ಸಮಯದಲ್ಲಿ ಸರ್ಕಾರದಿಂದ ಸವಲತ್ತುಗಳನ್ನು ಪಡೆದಿದ್ದವರು ಈಗ ಸರ್ಕಾರದ ಆದೇಶವನ್ನೇ ಧಿಕ್ಕರಿಸುತ್ತಿದ್ದಾರೆ. ‘ಮಾನವೀಯ ಸೇವೆಗಿಂತ ಲಾಭವೇ ಮುಖ್ಯ’ ಎಂಬ ಇಂತಹ ಧೋರಣೆಗೆ ಕಡಿವಾಣ ಹಾಕಲೇಬೇಕು.
