ವಾಚಕರವಾಣಿ: ಸೂಕ್ತ ನೀತಿ ರೂಪಿಸುವುದೇ ಪರಿಹಾರ

ದೇವಾಲಯಗಳನ್ನು ಸರ್ಕಾರದ ಹಿಡಿತದಿಂದ ಮುಕ್ತಗೊಳಿಸಿದರೆ ಅವುಗಳಿಂದ ಬರುವ ವರಮಾನವನ್ನು ದೇವಾಲಯಗಳ ಅಭಿವೃದ್ಧಿ ಹಾಗೂ ಇತರ ಸಮಾಜ ಸೇವಾ ಕಾರ್ಯಗಳಿಗೆ ಬಳಸಬಹುದು ಎಂಬುದು ಒಪ್ಪಬಹುದಾದ ವಿಷಯವಾದರೂ ದೇವಾಲಯಗಳ ಹಣ ದುರ್ಬಳಕೆ ಆಗಲಾರದು ಎಂಬ ಖಾತರಿಯಿಲ್ಲ.

ನೆಮ್ಮದಿಯ ಏಕಮಾತ್ರ ತಾಣಗಳಾದ ದೇವಾಲಯಗಳೂ ಜಾತಿ, ರಾಜಕೀಯದ ಅಖಾಡಗಳಾಗುವ ಸಾಧ್ಯತೆಯೇ ಹೆಚ್ಚು. ಆದ್ದರಿಂದ ದೇವಾಲಯಗಳು ಸರ್ಕಾರದ ಹಿಡಿತದಲ್ಲೇ ಇದ್ದು, ಅವುಗಳಿಂದ ಬರುವ ವರಮಾನವನ್ನು ಅವುಗಳ ಅಭಿವೃದ್ಧಿ ಹಾಗೂ ಸಮಾಜ ಸೇವಾ ಕಾರ್ಯಗಳಿಗೆ ಬಳಸಿಕೊಳ್ಳುವಂತೆ ನೀತಿಯನ್ನು ರೂಪಿಸುವುದು ಇದಕ್ಕೆ ಸೂಕ್ತ ಪರಿಹಾರವಾಗಬಲ್ಲದು.

- ಪ್ರಮೋದ್ ಈ.ಟಿ., ಹಿರಿಯೂರು