ವಾಚಕರ ವಾಣಿ | ಅಂಬೇಡ್ಕರ್‌ ಸಂದೇಶ ಮರೆಮಾಚಿದ್ದೇಕೆ?

‘ಕಾಳಾರಾಮನಿಂದ ಅಯೋಧ್ಯಾರಾಮನವರೆಗೆ’ ಎಂಬ ಲೇಖನದಲ್ಲಿ (ಸಂಗತ, ಆ. 6), ಡಾ. ಅಂಬೇಡ್ಕರ್ ಅವರು ಕಾಳಾರಾಮ ಮಂದಿರ ಪ್ರವೇಶಕ್ಕಾಗಿ ನಡೆಸಿದ ಚಳವಳಿಗೆ ಲೇಖಕ ವಾದಿರಾಜ ಅವರು ಕೊಟ್ಟಿರುವ ಕಾರಣ ಸತ್ಯಕ್ಕೆ ದೂರವಾಗಿದೆ. ವಾಲ್ಮೀಕಿ ವಿರಚಿತ ರಾಮಾಯಣವನ್ನು ಲೇಖಕರು ತಮ್ಮ ಮೂಗಿನ ನೇರಕ್ಕೆ ಎಷ್ಟು ಬೇಕೋ ಅಷ್ಟನ್ನು ಆಯ್ದುಕೊಂಡು ಓದುಗರ ಮನಸ್ಸು ಕದಲಿಸುವ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ. ಅಂಬೇಡ್ಕರ್ ಅವರೇ ಬರೆದಿರುವ ‘ಹಿಂದೂ ಧರ್ಮದ ಒಗಟುಗಳು’ ಎಂಬ ಗ್ರಂಥದಲ್ಲಿ ರಾಮ– ಕೃಷ್ಣರ ಬಗೆಗಿನ ಅವರ ನಿಲುವುಗಳನ್ನು ತಿಳಿದುಕೊಳ್ಳದೆ, ಡಾ. ಶಂಕರರಾವ್ ಕಾರತ್ ಅವರ ಪುಸ್ತಕದಲ್ಲಿ ದಾಖಲಾದ ಅಂಶಗಳನ್ನಷ್ಟೇ ಎತ್ತಿ ತೋರಿಸಲು ಹೊರಟಿದ್ದು ಯಾಕೆ?