ಬುಧವಾರ, ಏಪ್ರಿಲ್ 1, 2020
19 °C

ನೀವೇ ಕಲಿಸಿದ ಚಾಳಿಯಲ್ಲವೇ ಸ್ವಾಮಿ...?

ವಾಚಕರವಾಣಿ Updated:

ಅಕ್ಷರ ಗಾತ್ರ : | |

‘ದುಡ್ಡು ಚೆಲ್ಲದೆ ಚುನಾವಣೆ ಗೆಲ್ಲಿ ನೋಡೋಣ’ ಎಂದು ವಿಧಾನಪರಿಷತ್‌ ನಲ್ಲಿ ಹಿರಿಯ ಸದಸ್ಯರೊಬ್ಬರು ಸವಾಲು ಎಸೆದಿದ್ದರೆ, ಶಿಕ್ಷಕರು ಅಂಚೆ ಮತ ದಾನಕ್ಕಾಗಿ ಲಂಚ ಕೇಳಿದ ವಿಷಯವನ್ನು ವಿಧಾನ ಪರಿಷತ್‌ನ ವಿರೋಧ ಪಕ್ಷದ ನಾಯಕ ಎಸ್‌.ಆರ್‌.ಪಾಟೀಲ ಪ್ರಸ್ತಾಪಿಸಿದ್ದಾರೆ‌‌‌.

ಅಲ್ಲ ಸ್ವಾಮಿ, ರಾಜಕೀಯ ನಾಯಕರೇ, ನಮ್ಮ ಜನರಿಗೆ ದುಡ್ಡು ತಿನ್ನಲು ಕಲಿಸಿದವರು ನೀವೇ ಅಲ್ಲವೇ? ಆ ಪಕ್ಷದವನು ಸಾವಿರವೆಂದರೆ, ಈ ಪಕ್ಷ ದವನು ಎರಡು ಸಾವಿರ ಎನ್ನುತ್ತಾ ಸ್ಪರ್ಧೆಗೆ ಇಳಿದು, ಮತದಾರರನ್ನು ಭ್ರಷ್ಟರ ನ್ನಾಗಿ ಮಾಡಿದ್ದೀರಿ. ಚುನಾವಣೆ ಸಮೀಪಿಸಿದಾಗ ರಾಜಕೀಯ ಪಕ್ಷದವರೆಲ್ಲರೂ ಸಭೆ ಸೇರಿ, ಯಾರೂ ಮತದಾರನಿಗೆ ದುಡ್ಡು ಕೊಡುವ ಹಾಗಿಲ್ಲ ಎಂಬ ನಿರ್ಣಯಕ್ಕೆ ಬನ್ನಿ. ಆಗ ಯಾರು ನಿಮ್ಮನ್ನು ದುಡ್ಡು ಕೇಳುತ್ತಾರೆ?

ನೀವೇ ತಿನ್ನುವುದನ್ನು ಕಲಿಸಿ, ಬಳಿಕ ನೀವೇ ಮತದಾರರ ಮೇಲೆ ಗೂಬೆ ಕೂರಿಸಿದರೆ ಹೇಗೆ? ಜನಸೇವೆ ಮಾಡಲು ದುಡ್ಡಿಲ್ಲದೇ ಆರಿಸಿ ಬರುತ್ತೇನೆ ಎಂಬ ಆತ್ಮವಿಶ್ವಾಸವನ್ನು ಮೊದಲು ಬೆಳೆಸಿಕೊಳ್ಳಿ. ಮತದಾರನಿಗೆ ದುಡ್ಡು ಕೊಡಲು ನಿರಾಕರಿಸಿ. ಎಲ್ಲ ಅಭ್ಯರ್ಥಿಗಳೂ ಹೀಗೆ ಮಾಡಿದರೆ ಆತನಿಗೆ ಬೇರೆ ಆಯ್ಕೆ ಇರದೆ, ಯಾರಿಗಾದರೂ ಮತ ಹಾಕಲೇಬೇಕಾಗುತ್ತದೆ. ಜನಸೇವೆಯ ನಿಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿ ಮತ ಕೇಳಿ. ಆಗ ಮತಕ್ಕಾಗಿ ದುಡ್ಡು ಕೇಳುವ ಈ ಪಿಡುಗು ತನ್ನಿಂದ ತಾನೇ ನಾಶವಾಗುತ್ತದೆ‌. ನೀವೇ ಕಲಿಸಿದ ಚಾಳಿಗೆ ನೀವೇ ಇತಿಶ್ರೀ ಹಾಡಲು ಸಂಕಲ್ಪ ತೊಡಿ.

ವೀರೇಶ ಬಂಗಾರಶೆಟ್ಟರ, ಕುಷ್ಟಗಿ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)