<p><strong>ಹಾಂಗ್ಝೌ</strong>: ಏಷ್ಯನ್ ಕ್ರೀಡಾಕೂಟದ ಟೇಬಲ್ ಟೆನಿಸ್ನಲ್ಲಿ ಭಾರತದ ಸುತೀರ್ಥಾ ಮುಖರ್ಜಿ ಮತ್ತು ಐಹಿಕಾ ಮುಖರ್ಜಿ ಅವರ ಅಮೋಘ ಓಟಕ್ಕೆ ಕಂಚಿನ ಪದಕದೊಂದಿಗೆ ತೆರೆಬಿತ್ತು.</p>.<p>ಸೋಮವಾರ ನಡೆದ ಮಹಿಳೆಯರ ಡಬಲ್ಸ್ ವಿಭಾಗದ ಸೆಮಿಫೈನಲ್ನಲ್ಲಿ ಭಾರತದ ಜೋಡಿ 3–4 ರಿಂದ ಉತ್ತರ ಕೊರಿಯಾದ ಸುಯಾಂಗ್ ಚಾ– ಸುಗಿಯಾಂಗ್ ಪಾಕ್ ಎದುರು ಸೋತಿತು. ಆದರೂ ಈ ವಿಭಾಗದಲ್ಲಿ ಇದೇ ಮೊದಲ ಬಾರಿ ಕಂಚು ಗೆದ್ದು ಐತಿಹಾಸಿಕ ಸಾಧನೆ ಮಾಡಿತು.</p>.<p>ಸುತೀರ್ಥಾಮತ್ತು ಐಹಿಕಾ ಅವರು ಕ್ವಾರ್ಟರ್ಫೈನಲ್ನಲ್ಲಿ ಚೀನಾದ ವಿಶ್ವಚಾಂಪಿಯನ್ ಜೋಡಿ ಮೆಂಗ್ ಚೆನ್ ಮತ್ತು ಯಿದಿ ವಾಂಗ್ ಅವರಿಗೆ ಆಘಾತ ನೀಡಿತ್ತು.</p>.<p>ಸೆಮಿಫೈನಲ್ನಲ್ಲಿ ದಿಟ್ಟವಾಗಿ ಹೋರಾಡಿದರೂ 11-7, 8-11, 11-7, 8-11, 9-11, 11-5, 2-1 ರಿಂದ ಪರಾಭವಗೊಂಡರು. ಇದರೊಂದಿಗೆ ಏಷ್ಯನ್ ಗೇಮ್ಸ್ನ ಟಿಟಿಯಲ್ಲಿ ಭಾರತದ ಸವಾಲಿಗೆ ತೆರೆಬಿತ್ತು.</p>.<p>2018ರ ಕೂಟದಲ್ಲಿ ಪುರುಷರ ಮತ್ತು ಮಹಿಳೆಯರ ತಂಡ ವಿಭಾಗಗಳಲ್ಲಿ ಭಾರತ ಕಂಚು ಜಯಿಸಿತ್ತು. ಈ ಬಾರಿ ಮಹಿಳೆಯರ ಡಬಲ್ಸ್ನಲ್ಲಿ ಅಂತಹದೇ ಸಾಧನೆ ಮಾಡಿದೆ.</p>.<p>‘ಎದುರಾಳಿಗಳು ತೋರಿದಂತಹ ತಾಳ್ಮೆಯನ್ನು ತೋರಲು ನಾವು ವಿಫಲರಾದೆವು. ಕೊನೆಯ ಗೇಮ್ನಲ್ಲಿ ಅಲ್ಪ ಒತ್ತಡಕ್ಕೆ ಸಿಲುಕಿದೆವು. ಕೊರಿಯಾದ ಆಟಗಾರ್ತಿಯರು ಆಕ್ರಮಣಕಾರಿಯಾಗಿ ಆಡಿ ಪಾಯಿಂಟ್ ಗಿಟ್ಟಿಸಿಕೊಂಡರು’ ಎಂದು ಸುತೀರ್ಥಾ ಪ್ರತಿಕ್ರಿಯಿಸಿದರು.</p>.<p>ಏಳನೇ ಹಾಗೂ ನಿರ್ಣಾಯಕ ಗೇಮ್ನ ಆರಂಭದಲ್ಲೇ ಕೊರಿಯಾದ ಜೋಡಿ 6–1 ರಿಂದ ಮೇಲುಗೈ ಪಡೆಯಿತು. ಆ ಬಳಿಕ ಮರುಹೋರಾಟ ನಡೆಸಲು ಭಾರತದ ಆಟಗಾರ್ತಿಯರು ವಿಫಲರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾಂಗ್ಝೌ</strong>: ಏಷ್ಯನ್ ಕ್ರೀಡಾಕೂಟದ ಟೇಬಲ್ ಟೆನಿಸ್ನಲ್ಲಿ ಭಾರತದ ಸುತೀರ್ಥಾ ಮುಖರ್ಜಿ ಮತ್ತು ಐಹಿಕಾ ಮುಖರ್ಜಿ ಅವರ ಅಮೋಘ ಓಟಕ್ಕೆ ಕಂಚಿನ ಪದಕದೊಂದಿಗೆ ತೆರೆಬಿತ್ತು.</p>.<p>ಸೋಮವಾರ ನಡೆದ ಮಹಿಳೆಯರ ಡಬಲ್ಸ್ ವಿಭಾಗದ ಸೆಮಿಫೈನಲ್ನಲ್ಲಿ ಭಾರತದ ಜೋಡಿ 3–4 ರಿಂದ ಉತ್ತರ ಕೊರಿಯಾದ ಸುಯಾಂಗ್ ಚಾ– ಸುಗಿಯಾಂಗ್ ಪಾಕ್ ಎದುರು ಸೋತಿತು. ಆದರೂ ಈ ವಿಭಾಗದಲ್ಲಿ ಇದೇ ಮೊದಲ ಬಾರಿ ಕಂಚು ಗೆದ್ದು ಐತಿಹಾಸಿಕ ಸಾಧನೆ ಮಾಡಿತು.</p>.<p>ಸುತೀರ್ಥಾಮತ್ತು ಐಹಿಕಾ ಅವರು ಕ್ವಾರ್ಟರ್ಫೈನಲ್ನಲ್ಲಿ ಚೀನಾದ ವಿಶ್ವಚಾಂಪಿಯನ್ ಜೋಡಿ ಮೆಂಗ್ ಚೆನ್ ಮತ್ತು ಯಿದಿ ವಾಂಗ್ ಅವರಿಗೆ ಆಘಾತ ನೀಡಿತ್ತು.</p>.<p>ಸೆಮಿಫೈನಲ್ನಲ್ಲಿ ದಿಟ್ಟವಾಗಿ ಹೋರಾಡಿದರೂ 11-7, 8-11, 11-7, 8-11, 9-11, 11-5, 2-1 ರಿಂದ ಪರಾಭವಗೊಂಡರು. ಇದರೊಂದಿಗೆ ಏಷ್ಯನ್ ಗೇಮ್ಸ್ನ ಟಿಟಿಯಲ್ಲಿ ಭಾರತದ ಸವಾಲಿಗೆ ತೆರೆಬಿತ್ತು.</p>.<p>2018ರ ಕೂಟದಲ್ಲಿ ಪುರುಷರ ಮತ್ತು ಮಹಿಳೆಯರ ತಂಡ ವಿಭಾಗಗಳಲ್ಲಿ ಭಾರತ ಕಂಚು ಜಯಿಸಿತ್ತು. ಈ ಬಾರಿ ಮಹಿಳೆಯರ ಡಬಲ್ಸ್ನಲ್ಲಿ ಅಂತಹದೇ ಸಾಧನೆ ಮಾಡಿದೆ.</p>.<p>‘ಎದುರಾಳಿಗಳು ತೋರಿದಂತಹ ತಾಳ್ಮೆಯನ್ನು ತೋರಲು ನಾವು ವಿಫಲರಾದೆವು. ಕೊನೆಯ ಗೇಮ್ನಲ್ಲಿ ಅಲ್ಪ ಒತ್ತಡಕ್ಕೆ ಸಿಲುಕಿದೆವು. ಕೊರಿಯಾದ ಆಟಗಾರ್ತಿಯರು ಆಕ್ರಮಣಕಾರಿಯಾಗಿ ಆಡಿ ಪಾಯಿಂಟ್ ಗಿಟ್ಟಿಸಿಕೊಂಡರು’ ಎಂದು ಸುತೀರ್ಥಾ ಪ್ರತಿಕ್ರಿಯಿಸಿದರು.</p>.<p>ಏಳನೇ ಹಾಗೂ ನಿರ್ಣಾಯಕ ಗೇಮ್ನ ಆರಂಭದಲ್ಲೇ ಕೊರಿಯಾದ ಜೋಡಿ 6–1 ರಿಂದ ಮೇಲುಗೈ ಪಡೆಯಿತು. ಆ ಬಳಿಕ ಮರುಹೋರಾಟ ನಡೆಸಲು ಭಾರತದ ಆಟಗಾರ್ತಿಯರು ವಿಫಲರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>