ಮುಂಬೈ: ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನ ನಡುವೆ ಆಸ್ಟ್ರೇಲಿಯಾದಲ್ಲಿ ನಡೆದ 1985ರ ಬೆನ್ಸನ್ ಅಂಡ್ ಹೆಜಸ್ ಕ್ರಿಕೆಟ್ ವಿಶ್ವ ಚಾಂಪಿಯನ್ಷಿಪ್ನ ಫೈನಲ್ ಪಂದ್ಯದ ಮುಖ್ಯಾಂಶಗಳನ್ನು ಸೋನಿ ಸಿಕ್ಸ್ ಚಾನೆಲ್ ಇದೇ 16ರಂದು ರಾತ್ರಿ 8.30 ರಿಂದ ಪ್ರಸಾರ ಮಾಡಲಿದೆ.
ಇದಕ್ಕೆ ಪೂರ್ವಭಾವಿಯಾಗಿ ಶನಿವಾರ ಸಂಜೆ 5 ಗಂಟೆಯಿಂದ ಮಾಜಿ ನಾಯಕರಾದ ಹಾಗೂ ಹಾಲಿ ವೀಕ್ಷಕ ವಿವರಣೆಗಾರರಾಗಿರುವ ಸುನೀಲ್ ಗಾವಸ್ಕರ್ ಮತ್ತು ರಮೀಜ್ ರಾಜಾ ನಡುವೆ ಸಂವಾದ ನಡೆಯಲಿದ್ದು, ಇದನ್ನು ಸೋನಿ ಸ್ಪೋರ್ಟ್ಸ್ ಅಧಿಕೃತ ಫೇಸ್ಬುಕ್ ಪುಟದಲ್ಲಿ ವೀಕ್ಷಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.