ಕ್ರಿಕೆಟ್‌: ಅಫ್ಗಾನಿಸ್ತಾನ ಎದುರು ಮೊದಲ ಬಾರಿ ಟೆಸ್ಟ್ ಆಡಲಿರುವ ಆಸ್ಟ್ರೇಲಿಯಾ ತಂಡ

‘ಅಫ್ಗಾನಿಸ್ತಾನ ಎದುರು ಮೊದಲ ಬಾರಿ ನಡೆಯಲಿರುವ ಐತಿಹಾಸಿಕ ಟೆಸ್ಟ್‌ಗೆ ಆ ತಂಡವನ್ನು ಆಹ್ವಾನಿಸಲು ಉತ್ಸುಕರಾಗಿದ್ದೇವೆ‘ ಎಂದು ಕ್ರಿಕೆಟ್‌ ಆಸ್ಟ್ರೇಲಿಯಾದ ಹಂಗಾಮಿ ಕಾರ್ಯನಿರ್ವಹಣಾಧಿಕಾರಿ ನಿಕ್ ಹಾಕ್ಲಿ ಹೇಳಿದ್ದಾರೆ.

ಅಫ್ಗಾನಿಸ್ತಾನ ವಿರುದ್ಧದ ಐದು ದಿನಗಳ ಪಂದ್ಯವು ನವೆಂಬರ್ 27ರಿಂದ ಹೋಬರ್ಟ್‌ನ ಬ್ಲಂಡ್‌ಸ್ಟೋನ್ ಅರೆನಾದಲ್ಲಿ ನಿಗದಿಯಾಗಿದೆ. ಆ ಬಳಿಕ ಆತಿಥೇಯ ತಂಡವು ಡಿಸೆಂಬರ್ 8ರಿಂದ ಆ್ಯಷಸ್ ಸರಣಿಯ ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್ಅನ್ನು ಎದುರಿಸಲಿದೆ. ಬ್ರಿಸ್ಬೇನ್‌ನ ಗಾಬಾದಲ್ಲಿ ಈ ಹಣಾಹಣಿ ನಡೆಯಲಿದೆ.