ಕೇಳುತ್ತಿರುವುದು ಗೌರವ ಮತ್ತು ಸಮಾನತೆ ಮಾತ್ರ: ಡ್ವೇನ್‌ ಬ್ರಾವೊ

ಕಿಂಗ್ಸ್ಟನ್ : ‘ನಾವು ಸಾಕಷ್ಟು ಸಹಿಸಿಯಾಗಿದೆ...ನಾವೇನು ಸೇಡು ತೀರಿಸಿಕೊಳ್ಳಬೇಕೆಂದು ಬಯಸಿಲ್ಲ. ಹಲವು ವರ್ಷಗಳಿಂದ ವರ್ಣಭೇದದ ನೋವು ಅನುಭವಿಸುತ್ತಿರುವ ಕಪ್ಪು ಜನಾಂಗಕ್ಕೆ ಗೌರವ ಮತ್ತು ಸಮಾನತೆ ಕೊಡಿ......’

. ಹೀಗೆ ಹೇಳಿದ್ದು ವೆಸ್ಟ್ ಇಂಡೀಸ್ ಹಿರಿಯ ಕ್ರಿಕೆಟಿಗ ಡ್ವೇನ್ ಬ್ರಾವೊ. ಈ ಮೂಲಕ ಅವರು ಜನಾಂಗೀಯ ತಾರತಮ್ಯದ ವಿರುದ್ಧ ನಡೆಯುತ್ತಿರುವ ಹೋರಾಟಕ್ಕೆ ಧ್ವನಿಗೂಡಿಸಿದ್ದಾರೆ. ಅಮೆರಿಕದಲ್ಲಿ ಮೇ 25ರಂದು ಪೊಲೀಸ್ ದೌರ್ಜನ್ಯಕ್ಕೆ ಆಫ್ರೊ–ಅಮೆರಿಕನ್ ಜಾರ್ಜ್ ಫ್ಲಾಯ್ಡ್ ಮೃತಪಟ್ಟ ಬಳಿಕ ವಿಶ್ವದಾದ್ಯಂತ ಜನಾಂಗೀಯ ತಾರತಮ್ಯದ ಕುರಿತು ಆಕ್ರೋಶದ ಮಾತುಗಳು ಹೊರಹೊಮ್ಮುತ್ತಿವೆ.

. ಬ್ರಾವೊ ಅವರಿಗಿಂತ ಮೊದಲು ವೆಸ್ಟ್ ಇಂಡೀಸ್ನ ಇನ್ನಿಬ್ಬರು ಹಿರಿಯ ಕ್ರಿಕೆಟಿಗರಾದ ಕ್ರಿಸ್ ಗೇಲ್ ಹಾಗೂ ಡರೆನ್ ಸಾಮಿ ಕೂಡ ಈ ಬಗ್ಗೆ ಮಾತನಾಡಿದರು.

. ‘ಈಗ ಜಗತ್ತಿನೆಲ್ಲೆಡೆ ಏನು ನಡೆಯುತ್ತಿದೆ ಎಂಬುದನ್ನು ನೋಡಿದಾಗ ಸಂಕಟವಾಗುತ್ತಿದೆ. ಕಪ್ಪು ಜನಾಂಗದವನಾಗಿ, ನಮ್ಮವರು ಪಟ್ಟ ಪಾಡುಗಳನ್ನು ತಿಳಿದುಕೊಂಡಿದ್ದೇನೆ. ನಾವು ಪ್ರತಿಕಾರ ತೀರಿಸಿಕೊಳ್ಳಬೇಕೆಂದು ಬಯಸಿಲ್ಲ. ನಾವು ಕೇಳುತ್ತಿರುವುದು ಸಮಾನತೆ ಮತ್ತು ಗೌರವ ಅಷ್ಟೇ’ ಎಂದು ಮಂಗಳವಾರ ಜಿಂಬಾಬ್ವೆಯ ಹಿರಿಯ ಕ್ರಿಕೆಟಿಗ ಪೊಮ್ಮಿ ಬಾಂಗ್ವಾ ಜೊತೆ ನಡೆಸಿದ ಇನ್ಸ್ಟಾಗ್ರಾಂ ಸಂವಾದದಲ್ಲಿ ಬ್ರಾವೊ ಹೇಳಿದ್ದಾರೆ.

. ‘ನಾವು ಬೇರೆಯವರನ್ನು ಗೌರವಿಸುತ್ತೇವೆ. ನಾವೇಕೆ ಪದೇ ಪದೇ ಇಂಥ ತಾರತಮ್ಯದ ಧೋರಣೆ ಎದುರಿಸಬೇಕು? ಸಾಕಷ್ಟು ತಾಳ್ಮೆ ವಹಿಸಿಯಾಗಿದೆ. ನಮಗೆ ಯುದ್ಧ ಅಥವಾ ಸೇಡು ತೀರಿಸಬೇಕೆಂಬ ಬಯಕೆಯಿಲ್ಲ’ ಎಂದು ಅವರು ನೋವು ತೋಡಿಕೊಂಡಿದ್ದಾರೆ.

. 36 ವರ್ಷದ ಬ್ರಾವೊ 40 ಟೆಸ್ಟ್ ಹಾಗೂ 164 ಏಕದಿನ ಪಂದ್ಯಗಳಲ್ಲಿ ವೆಸ್ಟ್ ಇಂಡೀಸ್ ತಂಡವನ್ನು ಪ್ರತಿನಿಧಿಸಿದ್ದಾರೆ. 71 ಟ್ವೆಂಟಿ–20 ಪಂದ್ಯಗಳನ್ನೂ ಆಡಿದ್ದಾರೆ.

. ‘ನಾವು ಸುಂದರರು ಹಾಗೂ ಬಲಿಷ್ಠರು ಎಂದು ಜಗತ್ತಿಗೆ ತಿಳಿಸಬಯಸುತ್ತೇನೆ. ವಿಶ್ವದ ಮಹಾಪುರುಷರ ಕಡೆ ಕಣ್ಣಾಡಿಸಿ. ನೆಲ್ಸನ್ ಮಂಡೇಲಾ, ಮುಹಮ್ಮದ್ ಅಲಿ (ಬಾಕ್ಸರ್), ಮೈಕೆಲ್ ಜೋರ್ಡಾನ್ (ಬ್ಯಾಸ್ಕೆಟ್ಬಾಲ್ ಆಟಗಾರ) ಅಂಥ ಮಹಾನ್ ವ್ಯಕ್ತಿಗಳೇ ನಮಗೆ ಪ್ರೇರಣೆಯಾದವರು’ ಎಂದು ಬ್ರಾವೊ ನುಡಿದರು.

. ಇದನ್ನೂ ಓದಿ: ಸನ್ರೈಸರ್ಸ್ ಹೈದರಾಬಾದ್ನಲ್ಲಿ ಜನಾಂಗೀಯ ನಿಂದನೆ: ಡರೆನ್ ಸಾಮಿ ಬಹಿರಂಗ 2014ರಲ್ಲಿ ಇಶಾಂತ್ ಪೋಸ್ಟ್ನಲ್ಲಿ ಡರೆನ್ ಸಾಮಿ ಹೇಳಿಕೆಗೆ ಸಾಕ್ಷಿ ಜನಾಂಗೀಯ ನಿಂದನೆ ಬರೀ ಮೈಬಣ್ಣವಷ್ಟೇ ಅಲ್ಲ: ಇರ್ಫಾನ್ ಪಠಾಣ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೇಳುತ್ತಿರುವುದು ಗೌರವ ಮತ್ತು ಸಮಾನತೆ ಮಾತ್ರ: ಡ್ವೇನ್‌ ಬ್ರಾವೊ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...