ಲಂಡನ್ : ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯು ಬಹಳ ದೊಡ್ಡದು. ಕೊವಿಡ್ –19 ಕಾರಣಕ್ಕಾಗಿ ಈ ಟೂರ್ನಿಯು ನಡೆಯದೇ ಹೋದರೆ ಅದು ಅವಮಾನಕರ ಸಂಗತಿ. ಆದ್ದರಿಂದ ಈ ವರ್ಷದ ಬೇರೆ ತಿಂಗಳಲ್ಲಿ ಟೂರ್ನಿ ನಡೆಸಬೇಕು ಎಂದು ಇಂಗ್ಲೆಂಡ್ ತಂಡದ ಕ್ರಿಕೆಟಿಗ ಜೋಸ್ ಬಟ್ಲರ್ ಹೇಳಿದ್ದಾರೆ.
ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಪ್ರತಿನಿಧಿಸುವ ಬಟ್ಲರ್, ‘ಈ ಸಂದರ್ಭದಲ್ಲಿ ಟೂರ್ನಿಯನ್ನು ನಡೆಸುವುದು ಸಮಂಜಸವಲ್ಲ. ಎಲ್ಲವೂ ಅನಿಶ್ವಿತವಾಗಿದೆ. ಆದ್ದರಿಂದ ಆಯೋಜಕರು ಒಂದು ನಿರ್ಧಾರಕ್ಕೆ ಬರಬೇಕು. ಒಟ್ಟಿನಲ್ಲಿ ಈ ವರ್ಷ ಐಪಿಎಲ್ ನಡೆಸಲು ಸಾಧ್ಯವಾಗಬೇಕು’ ಎಂದಿದ್ದಾರೆ.
‘ಆರ್ಥಿಕ ಹಿನ್ನೆಲೆಯಲ್ಲಿ ನೋಡಿದಾಗಿ ಇದೊಂದು ಬೃಹತ್ ಟೂರ್ನಿಯಾಗಿದೆ. ಕ್ರಿಕೆಟ್ ಕ್ಷೇತ್ರದಲ್ಲಿಯೇ ಮಹತ್ವದ ಟೂರ್ನಿಯಾಗಿದೆ. ಒಂದೊಮ್ಮೆ ಅದನ್ನು ಕೈಬಿಟ್ಟರೆ ಅದಕ್ಕಿಂತ ಅವಮಾನ ಇನ್ನೇನಿದೆ? ಆದ್ದರಿಂದ ಮುಂದೂಡಿಕೆಯೇ ಸಮಂಜಸ’ ಎಂದು ಬಟ್ಲರ್ ಹೇಳಿದ್ದಾರೆ.