ವೆಸ್ಟ್ ಇಂಡೀಸ್ ಟೆಸ್ಟ್ ತಂಡಕ್ಕೆ ಚೇಸ್‌ ಉಪನಾಯಕ

ಜುಲೈನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದಿದ್ದ ಸರಣಿಯಲ್ಲಿ ಜೇಸನ್ ಹೋಲ್ಡರ್‌ ನಾಯಕತ್ವದ ತಂಡದಲ್ಲಿ ಕ್ರೇಗ್ ಬ್ರಾಥ್‌ವೇಟ್ ಉಪನಾಯಕರಾಗಿದ್ದರು. 25 ವರ್ಷದ ಪೂರನ್ 2019ರಿಂದ ಉಪನಾಯಕರಾಗಿದ್ದಾರೆ. 35 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಚೇಸ್ ಐದು ಶತಕಗಳನ್ನು ಸಿಡಿಸಿದ್ದು ಮೂರು ಬಾರಿ ಐದು ವಿಕೆಟ್‌ಗಳ ಗೊಂಚಲು ಗಳಿಸಿದ್ದಾರೆ.

‘ಚೇಸ್‌ ಅತ್ಯುತ್ತಮ ಆಟಗಾರ. ಪಂದ್ಯಗಳಲ್ಲಿ ಸಂದರ್ಭಕ್ಕನುಗುಣವಾಗಿ ಬ್ಯಾಟಿಂಗ್ ಮತ್ತು ಬೌಲಿಂಗ್ ಮಾಡಬಲ್ಲ ಸಾಮರ್ಥ್ಯ ಅವರಿಗಿದೆ’ ಎಂದು ಕ್ರಿಕೆಟ್ ವೆಸ್ಟ್ ಇಂಡೀಸ್‌ನ ಆಯ್ಕೆ ಸಮಿತಿ ಮುಖ್ಯಸ್ಥ ರೋಜರ್ ಹಾರ್ಪರ್ ಅಭಿಪ್ರಾಯಪಟ್ಟರು.

ಚೇಸ್ ಈಗಾಗಲೇ ನ್ಯೂಜಿಲೆಂಡ್‌ಗೆ ತೆರಳಿದ್ದು ಐಪಿಎಲ್‌ನಲ್ಲಿ ವಿವಿಧ ತಂಡಗಳಲ್ಲಿದ್ದ ನಿಕೋಲಸ್ ಪೂರನ್, ಕೀರನ್ ಪೊಲಾರ್ಡ್‌, ಹೋಲ್ಡರ್‌, ಫ್ಯಾಬಿಯನ್ ಅಲನ್, ಶಿಮ್ರಾನ್ ಹೆಟ್ಮೆಯರ್‌, ಕೀಮೊ ಪಾಲ್‌ ಮತ್ತು ಒಷೇನ್ ಥಾಮಸ್ ಮುಂತಾದವರು ಇನ್ನಷ್ಟೇ ತೆರಳಬೇಕಾಗಿದೆ. ನವೆಂಬರ್ 27ರಂದು ಆಕ್ಲೆಂಡ್‌ನಲ್ಲಿ ಟಿ20 ಸರಣಿ ಆರಂಭಗೊಳ್ಳಲಿದ್ದು 29 ಮತ್ತು 30ರಂದು ಮೌಂಟ್ ಮಾಂಗನೂಯಿಯಲ್ಲಿ ಉಳಿದೆರಡು ಪಂದ್ಯಗಳು ಇರುತ್ತವೆ.

ಟೆಸ್ಟ್ ಸರಣಿಯ ಮೊದಲ ಪಂದ್ಯ ಹ್ಯಾಮಿಲ್ಟನ್‌ನ ಸೆಡಾನ್ ಪಾರ್ಕ್‌ನಲ್ಲಿ ಡಿಸೆಂಬರ್ ಮೂರರಂದು ಆರಂಭವಾಗಲಿದೆ. ಎರಡನೇ ‍ಪಂದ್ಯ ವೆಲಿಂಗ್ಟನ್‌ನ ಬೇಸಿನ್ ರಿಸರ್ವ್‌ನಲ್ಲಿ 11ರಿಂದ ನಡೆಯಲಿದೆ.