ದೇಶದಲ್ಲಿ ವ್ಯವಸ್ಥಿತ ಜನಾಂಗೀಯ ಭೇದ, ಬದಲಾವಣೆಗೆ ಬದ್ಧ: ಇಸಿಬಿ

ಲಂಡನ್: ‘ದೇಶದಾದ್ಯಂತ ವ್ಯವಸ್ಥಿತ ವರ್ಣಬೇಧ ನೀತಿ ಅಸ್ತಿತ್ವದಲ್ಲಿದೆ. ಕ್ರಿಕೆಟ್ ಕೂಡ ಈ ಪಿಡುಗಿದಿಂದ ಮುಕ್ತವಾಗಿಲ್ಲ’ ಎಂದು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ (ಇಸಿಬಿ) ಒಪ್ಪಿಕೊಂಡಿದೆ. ಈ ಹಂತದಲ್ಲಿ ಅರ್ಥಪೂರ್ಣ ಮತ್ತು ದೀರ್ಘಾವಧಿ ಬದಲಾವಣೆಗಳನ್ನು ತರಲು ಬದ್ಧವಿರುವುದಾಗಿ ಮಂಡಳಿ ಹೇಳಿದೆ.

. ಅಮೆರಿಕದಲ್ಲಿ ಪೊಲೀಸ್ ದೌರ್ಜನ್ಯಕ್ಕೆ ಆಫ್ರೊ–ಅಮೆರಿಕನ್ ಜಾರ್ಜ್ ಫ್ಲಾಯ್ಡ್ ಬಲಿಯಾದ ನಂತರ ಜನಾಂಗೀಯ ಅಸಮಾನತೆ ವಿರೋಧಿಸಿ ‘ಬ್ಲ್ಯಾಕ್ ಲೈವ್ಸ್ ಮ್ಯಾಟರ್’ ಅಭಿಯಾನ ನಡೆಯುತ್ತಿದೆ. ಈ ಅಭಿಯಾನದಿಂದ ತಾನು ಪಾಠ ಕಲಿಯಬೇಕಾಗಿದೆ ಎಂದು ಇಸಿಬಿ ಶುಕ್ರವಾರ ಹೇಳಿಕೆಯಲ್ಲಿ ಹೇಳಿದೆ.

. ‘ಕಪ್ಪು ಜನಾಂಗದವರಾಗಿ ಕ್ರಿಕೆಟ್, ಕ್ರೀಡೆ ಹಾಗೂ ಸಮಾಜದಲ್ಲಿ ಅನುಭವಿಸುತ್ತಿರುವ ಯಾತನೆಯ ಬಗ್ಗೆ ಇತ್ತೀಚೆಗೆ ಕೆಲವರು ಧ್ವನಿಯೆತ್ತಿದ್ದಾರೆ. ಅವರ ನೋವನ್ನು ಆಲಿಸುತ್ತಿದ್ದೇವೆ. ಇಂಥ ಪ್ರಮುಖ ವಿಷಯದ ಬಗ್ಗೆ ಅವರು ಧ್ವನಿಯೆತ್ತಿರುವುದು ಸ್ವಾಗತಾರ್ಹ’ ಎಂದು ಇಸಿಬಿ ಹೇಳಿದೆ.

. ‘ದೇಶದಾದ್ಯಂತ ಇರುವ ವಿವಿಧ ಸಂಸ್ಥೆಗಳು ಹಾಗೂ ವಲಯಗಳಲ್ಲಿ ವ್ಯವಸ್ಥಿತ ಜನಾಂಗೀಯ ತಾರತಮ್ಯ ಆವರಿಸಿದೆ. ಕ್ರೀಡೆ ಕೂಡ ಇದರಿಂದ ಹೊರತಾಗಿಲ್ಲ’ ಎಂದು ಇಸಿಬಿ ತಿಳಿಸಿದೆ.

. ವರ್ಣಭೇದ ನೀತಿಯ ವಿರುದ್ಧ ವಿಶ್ವಾದ್ಯಂತ ನಡೆಯುತ್ತಿರುವ ಆಂದೋಲನವನ್ನು ಕ್ರೀಡಾ ಕ್ಷೇತ್ರದ ಪ್ರಮುಖರೂ ಬೆಂಬಲಿಸಿದ್ದಾರೆ. ಇಂಗ್ಲೆಂಡ್ ವೇಗಿಗಳಾದ ಜೋಫ್ರಾ ಆರ್ಚರ್ ಹಾಗೂ ಜೇಮ್ಸ್ ಆ್ಯಂಡರ್ಸನ್, ವೆಸ್ಟ್ ಇಂಡೀಸ್ನ ಡ್ಯಾರೆನ್ ಸಾಮಿ, ಕ್ರಿಸ್ ಗೇಲ್ ಪ್ರತಿಕ್ರಿಯೆ ನೀಡಿದ್ದು, ‘ಬ್ಲ್ಯಾಕ್ ಲೈವ್ಸ್ ಮ್ಯಾಟರ್’ ಅಭಿಯಾನ ಬೆಂಬಲಿಸಿದ್ದಾರೆ.

. ‘ಕ್ರಿಕೆಟ್ ಪ್ರತಿಯೊಬ್ಬರಿಗಾಗಿ ಇರುವ ಆಟ. ಆದರೆ ದುರದೃಷ್ಟವಶಾತ್, ಕೆಲವು ಸಮುದಾಯಗಳಲ್ಲಿಈ ಆಟವನ್ನು ಆಸ್ವಾದಿಸಲು ಅಡೆತಡೆಗಳಿವೆ ಎಂಬುದು ವಿಷಾದನೀಯ. ಈ ಅಡೆತಡೆಗಳನ್ನು ನಿವಾರಿಸಿ ಬದಲಾವಣೆ ತರುವತ್ತ ಹೆಜ್ಜೆ ಇಟ್ಟಿದ್ದೇವೆ’ ಎಂದು ಇಸಿಬಿ ವಿವರಿಸಿದೆ.

. ‘ಕಪ್ಪು ಸಮುದಾಯದ ಮುಖಂಡರು ಹಾಗೂ ಪ್ರಭಾವಿಗಳನ್ನು ಕ್ರಿಕೆಟ್ನಲ್ಲಿ ತೊಡಗಿಸಿಕೊಳ್ಳುತ್ತೇವೆ. ಇದರಿಂದ ಸದ್ಯ ಅಸ್ತಿತ್ವದಲ್ಲಿರುವ ನಿಯಮಗಳು ಹಾಗೂ ಕಾರ್ಯಕ್ರಮಗಳ ಕುರಿತು ಮರು ಪರಿಶೀಲನೆ ಹಾಗೂ ಆತ್ಮಾವಲೋಕನ ಸಾಧ್ಯವಾಗಲಿದೆ. ಕಪ್ಪು ಜನಾಂಗದವರು ಎತ್ತಿರುವ ನಿರ್ದಿಷ್ಟ ಸಮಸ್ಯೆಗಳನ್ನು ಪರಿಹರಿಸಲಾಗುವುದು’ ಎಂದು ಮಂಡಳಿ ತಿಳಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇಶದಲ್ಲಿ ವ್ಯವಸ್ಥಿತ ಜನಾಂಗೀಯ ಭೇದ, ಬದಲಾವಣೆಗೆ ಬದ್ಧ: ಇಸಿಬಿ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!