ಲಂಡನ್: ಕೊರೊನಾ ಸೋಂಕು ಭೀತಿಯ ಕಾರಣ ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಮಂಡಳಿ (ಇಸಿಬಿ)ಮೇ28ರವರೆಗೆ ವೃತ್ತಿಪರ ಕ್ರಿಕೆಟ್ ಟೂರ್ನಿಗಳನ್ನು ನಡೆಸದಿರಲು ನಿರ್ಧರಿಸಿದೆ.
ಪ್ರಥಮ ದರ್ಜೆ ಕೌಂಟೀಸ್, ಮೆರಿಲ್ಬೋನ್ ಕ್ರಿಕೆಟ್ ಕ್ಲಬ್ (ಎಂಸಿಸಿ) ಹಾಗೂ ಪ್ರೊಫೆಷನಲ್ ಕ್ರಿಕೆಟರ್ಸ್ ಅಸೋಸಿಯೇಷನ್ಗಳೊಂದಿಗೆ (ಪಿಸಿಎ) ಚರ್ಚೆ ನಡೆಸಿದ ಬಳಿಕ ಇಸಿಬಿ ಈ ನಿರ್ಧಾರಕ್ಕೆ ಬಂದಿದೆ.
ಜೂನ್, ಜುಲೈ ಹಾಗೂ ಆಗಸ್ಟ್ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಮೂರು ಪಂದ್ಯಗಳ ಟೆಸ್ಟ್ ಸರಣಿ, ಟಿ20 ಕಪ್ ಹಾಗೂ ಭಾರತ ಮತ್ತು ಇಂಗ್ಲೆಂಡ್ ಮಹಿಳಾ ತಂಡಗಳ ನಡುವೆ ನಡೆಯಬೇಕಿರುವ ಸರಣಿಗಳನ್ನೂ ಮುಂದಕ್ಕೆ ಹಾಕುವ ಬಗ್ಗೆ ಇಸಿಬಿ ಯೋಚಿಸುತ್ತಿದೆ.