ಕೇರಳ ಕ್ರಿಕೆಟ್ ತಂಡದ ಮಾಜಿ ನಾಯಕ ರವಿ ಅಚ್ಚನ್ ನಿಧನ

ಕೊಚ್ಚಿ: ಕೇರಳ ಕ್ರಿಕೆಟ್ ತಂಡದ ಮಾಜಿ ನಾಯಕ ಪಳಿಯಾತ್ ರವಿ ಅಚ್ಚನ್ (96) ವಯೋಸಹಜ ಕಾಯಿಲೆಯಿಂದ ಸೋಮವಾರ ನಿಧನರಾಗಿದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ಆಲ್ ರೌಂಡರ್ ಆಗಿದ್ದ ಅಚ್ಚನ್ 1952 ರಿಂದ 1970 ರವರೆಗೆ ಕೇರಳ ಪರ 55 ಪ್ರಥಮ ದರ್ಜೆ ಕ್ರಿಕೆಟ್  ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ ಅವರು 1,107 ರನ್ ಗಳಿಸಿ, 125 ವಿಕೆಟ್ ಪಡೆದಿದ್ದಾರೆ.

ಮಂಗಳವಾರ ಚೆಂದಮಂಗಲದಲ್ಲಿ ಅಚ್ಚನ್ ಅವರ ಅಂತ್ಯಕ್ರಿಯೆ ನಡೆಯಲಿದೆ ಎಂದು ಮೂಲಗಳು ತಿಳಿಸಿವೆ .