ಜೋಹಾನ್ಸ್ಬರ್ಗ್ (ಎಎಫ್ಪಿ): ಮಾಜಿ ಟೆಸ್ಟ್ ನಾಯಕ ಗ್ರೇಮ್ ಸ್ಮಿತ್, ಬಿಕ್ಕಟ್ಟು ಎದುರಿಸುತ್ತಿರುವ ಕ್ರಿಕೆಟ್ ದಕ್ಷಿಣ ಆಫ್ರಿಕಾದ (ಸಿಎಸ್ಎ) ನಿರ್ದೇಶಕರಾಗಲು ಬುಧವಾರ ಒಪ್ಪಿಕೊಂಡಿದ್ದಾರೆ. ಆದರೆ ಹಂಗಾಮಿ ನೆಲೆಯಲ್ಲಿ ಮಾತ್ರ ಈ ಕೆಲಸ ಮಾಡುವುದಾದಗಿ ಅವರು ಸ್ಪಷ್ಟಪಡಿಸಿದ್ದಾರೆ.ಮೂರು ತಿಂಗಳ ಮಟ್ಟಿಗೆ, ಅಂದರೆ ಇಂಡಿಯನ್ ಪ್ರೀಮಿಯರ್ ಲೀಗ್ ಆರಂಭವಾಗುವವರೆಗೆ ಅವರು ಈ ಹುದ್ದೆಯಲ್ಲಿ ಇರಲಿದ್ದಾರೆ ಎಂದು ಸಂಕ್ಷಿಪ್ತ ಹೇಳಿಕೆಯಲ್ಲಿ ಸಿಎಸ್ಎ ತಿಳಿಸಿದೆ. ಐಪಿಎಲ್ ಮಾರ್ಚ್ನಲ್ಲಿ ನಡೆಯುವ ಸಾಧ್ಯತೆಯಿದೆ.