ದಕ್ಷಿಣ ಆಫ್ರಿಕ ವಿರುದ್ಧ ಟಿ–20 ಸರಣಿ: ಧೋನಿಗಿಲ್ಲ ಅವಕಾಶ; ಹಾರ್ದಿಕ್‌ಗೆ ಸ್ಥಾನ

ಆಟದಿಂದ ಎರಡು ತಿಂಗಳು ದೂರವಿದ್ದು, ಸೇನೆಯ ಪ್ಯಾರಾಶೂಟ್‌ ರೆಜಿಮೆಂಟ್‌ನಲ್ಲಿ 15 ದಿನ ಕೆಲಸ ಮಾಡಿದ್ದ ಧೋನಿ, ಸದ್ಯ ಅಮೆರಿಕದಲ್ಲಿ ಕಳೆಯುತ್ತಿದ್ದಾರೆ.

ದಕ್ಷಿಣ ಆಫ್ರಿಕ ವಿರುದ್ಧ ಈ ಸರಣಿಗೆ ಲಭ್ಯತೆ ಬಗ್ಗೆ ಆಯ್ಕೆಗಾರರು ಧೋನಿ ಅವರ ಜೊತೆ ಮಾತನಾಡಿದ್ದಾರೆಯೇ ಎಂಬುದು ಗೊತ್ತಾಗಿಲ್ಲ.

ಪಾಂಡ್ಯ ಸೋದರರಲ್ಲಿ ಕಿರಿಯವರಾದ ಹಾರ್ದಿಕ್‌ ಅವರಿಗೆ ಸತತ ಪಂದ್ಯಗಳ ಒತ್ತಡದ ನಂತರ ವಿಶ್ರಾಂತಿ ನೀಡಲಾಗಿತ್ತು. ಉಳಿದಂತೆ, ಅಮೆರಿಕ ಮತ್ತು ಕೆರೀಬಿಯನ್‌ನಲ್ಲಿ ವೆಸ್ಟ್‌ ಇಂಡೀಸ್‌ ವಿರುದ್ಧ ನಡೆದ ಟಿ–20 ಪಂದ್ಯಗಳಲ್ಲಿ ಆಡಿದ ತಂಡವನ್ನೇ ಉಳಿಸಿಕೊಳ್ಳಲಾಗಿದೆ.ವೇಗದ ಬೌಲರ್‌ ಭುವನೇಶ್ವರ ಕುಮಾರ್‌ ಅವರಿಗೆ ಸತತ ಪಂದ್ಯಗಳ ನಂತರ ವಿಶ್ರಾಂತಿ ನೀಡಲಾಗಿದೆ.

ತಂಡದಿಂದ ಕೈಬಿಟ್ಟಿರುವ ಆಟಗಾರ ಇವರೊಬ್ಬರೇ. ಸೆ. 15, 18 ಮತ್ತು 22ರಂದು ಮೂರು ಪಂದ್ಯಗಳು ನಿಗದಿಯಾಗಿವೆ.

ತಂಡ ಇಂತಿದೆ: ವಿರಾಟ್‌ ಕೊಹ್ಲಿ (ನಾಯಕ), ರೋಹಿತ್‌ ಶರ್ಮಾ, ಕೆ.ಎಲ್‌.ರಾಹುಲ್‌, ಶಿಖರ್ ಧವನ್‌, ಶ್ರೇಯಸ್‌ ಅಯ್ಯರ್‌, ಮನೀಷ್‌ ಪಾಂಡೆ, ರಿಷಬ್‌ ಪಂತ್‌ (ವಿಕೆಟ್‌ ಕೀಪರ್‌), ರವೀಂದ್ರ ಜಡೇಜ, ಕೃನಾಲ್ ಪಾಂಡ್ಯ, ವಾಷಿಂಗ್ಟನ್‌ ಸುಂದರ್‌, ರಾಹುಲ್‌ ಚಾಹರ್‌, ಖಲೀಲ್‌ ಅಹ್ಮದ್, ದೀಪಕ್‌ ಚಾಹರ್‌, ನವದೀಪ್‌ ಸೈನಿ.