ಶನಿವಾರ, ನವೆಂಬರ್ 28, 2020
21 °C

ಜಿಂಬಾಬ್ವೆ ತಂಡದ ನಾಯಕ ಚಿಗುಂಬರಾ ನಿವೃತ್ತಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ದುಬೈ (ಪಿಟಿಐ): ಜಿಂಬಾಬ್ವೆ  ಕ್ರಿಕೆಟ್ ತಂಡದ ಆಟಗರ ಎಲ್ಟನ್ ಚಿಗುಂಬರಾ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ್ದಾರೆ. 

ಸದ್ಯ ನಡೆಯುತ್ತಿರುವ ಪಾಕಿಸ್ತಾನ ಎದುರಿನ ಸರಣಿಯು ಅವರ ವೃತ್ತಿಜೀವನದಲ್ಲಿ ಕೊನೆಯ ಸರಣಿಯಾಗಲಿದೆ. 

16 ವರ್ಷಗಳಿಂದ ಅವರು ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ. 14 ಟೆಸ್ಟ್, 213 ಏಕದಿನ ಮತ್ತು 54 ಟಿ20 ಪಂದ್ಯಗಳಲ್ಲಿ ಆಡಿದ್ದಾರೆ. ಬಲಗೈ ಆಲ್‌ರೌಂಡರ್‌ ಚಿಗುಂಬರಾ ಜಿಂಬಾಬ್ವೆ ತಂಡಕ್ಕೆ ನಾಯಕರಾಗಿಯೂ ಆಡಿದ್ದರು.

’ಎಲ್ಟನ್ ಅವರ ದೀರ್ಘ ವೃತ್ತಿ ಜೀವನ ಸೊಗಸಾಗಿತ್ತು. ಅವರ ಜೀವನ ಮತ್ತು ವೃತ್ತಿಪರತೆ ಎಲ್ಲರಿಗೂ ಪ್ರೇರಣೆಯಾಗುವಂತದ್ದು. ವಿದಾಯದ ನಂತರ ಅವರ ಬದುಕು ಸುಖಕರವಾಗಿರಲಿ‘ ಎಂದು ಅಂತರರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಮನು ಸವಾನಿ ಅಭಿನಂದಿಸಿದ್ದಾರೆ. 

’ಚಿಗುಂಬರಾ ಅವರು ನಿವೃತ್ತಿಯ ನಂತರವೂ ಕ್ರಿಕೆಟ್‌ನ ಶ್ರೇಯೋಭಿವೃದ್ಧಿಗಾಗಿ ಕೈಜೋಡಿಸುವ ಭರವಸೆ ಇದೆ. ಅವರ ಅನುಭವವು ಕ್ರಿಕೆಟ್‌ ಮತ್ತು ಯುವ ಕ್ರಿಕೆಟಿಗರ ಬೆಳವಣಿಗೆಗೆ ವಿನಿಯೋಗವಾಗಲಿ‘ ಎಂದು ಮನು ಆಶಯ ವ್ಯಕ್ತಪಡಿಸಿದ್ದಾರೆ.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು