ತಾಜಾ ವರದಿಗಳ ವೇಳೆಗೆ ಭಾರತ ತಂಡವು 40.1 ಓವರ್‌ಗಳಲ್ಲಿ ಆರು ವಿಕೆಟ್ ನಷ್ಟಕ್ಕೆ, 118 ರನ್ ಗಳಿಸಿದೆ. 30 ರನ್ ಮುನ್ನಡೆಯಲ್ಲಿದೆ.
ತಂಡವು 32 ರನ್ ಗಳಿಸುವಷ್ಟರಲ್ಲಿ ಓಪನರ್‌ಗಳಾದ ನಾಯಕ ರೋಹಿತ್ ಶರ್ಮಾ (12) ಹಾಗೂ ಶುಭಮನ್ ಗಿಲ್ (5) ವಿಕೆಟ್ ಪತನವಾಯಿತು.
ವಿರಾಟ್ ಕೊಹ್ಲಿ (13) ಹಾಗೂ ರವೀಂದ್ರ ಜಡೇಜ (7) ಅವರಿಗೂ, ಸ್ಪಿನ್ ಸ್ನೇಹಿ ಪಿಚ್‌ನಲ್ಲಿ ಹೆಚ್ಚು ಹೊತ್ತು ನಿಲ್ಲಲಾಗಲಿಲ್ಲ.
ಮತ್ತೊಂದೆಡೆ ಕಲಾತ್ಮಕ ಇನಿಂಗ್ಸ್ ಕಟ್ಟಿದ ಚೇತೇಶ್ವರ ಪೂಜಾರ, ಮುನ್ನಡೆ ಗಳಿಸಲು ನೆರವಾದರು. ಅಲ್ಲದೆ ಅರ್ಧಶತಕದತ್ತ (46*) ಮುನ್ನುಗ್ಗುತ್ತಿದ್ದಾರೆ.
ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶಿಸಿದ ಶ್ರೇಯಸ್ ಅಯ್ಯರ್ 26 ರನ್ ಗಳಿಸಿ ಔಟ್ ಆದರು. ಶ್ರೀಕರ್ ಭರತ್ (3) ಸಹ ವೈಫಲ್ಯ ಅನುಭವಿಸಿದರು.
ಆಸ್ಟ್ರೇಲಿಯಾದ ಪರ ನೇಥನ್ ಲಯನ್ ನಾಲ್ಕು ವಿಕೆಟ್ ಕಬಳಿಸಿದರು.
ಈ ಮೊದಲು ಭಾರತದ 109 ರನ್‌ಗಳಿಗೆ ಉತ್ತರವಾಗಿ ಆಸ್ಟ್ರೇಲಿಯಾ ಮೊದಲ ಇನಿಂಗ್ಸ್‌ನಲ್ಲಿ 197 ರನ್‌ಗಳಿಗೆ ತನ್ನೆಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡಿತು. ಈ ಮೂಲಕ 88 ರನ್‌ಗಳ ಮುನ್ನಡೆ ಗಳಿಸಿತು.
