ಮಹಿಳಾ ಏಕದಿನ ಸರಣಿ: ಭಾರತ ತಂಡಕ್ಕೆ ಕ್ಲೀನ್‌ಸ್ವೀಪ್‌ ಗುರಿ

ರಾಜಕೋಟ್ : ಹಿಂದಿನ ಎರಡು ಪಂದ್ಯಗಳಲ್ಲಿ ಅಧಿಕಾರಯುತ ಗೆಲುವು ಸಾಧಿಸಿರುವ ಭಾರತ ತಂಡವು ಬುಧವಾರ ಐರ್ಲೆಂಡ್ ವಿರುದ್ಧ ಇಲ್ಲಿ ನಡೆಯಲಿರುವ ಮಹಿಳೆಯರ ಏಕದಿನ ಕ್ರಿಕೆಟ್ ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯವನ್ನೂ ಗೆದ್ದು ಕ್ಲೀನ್ಸ್ವೀಪ್ ಸಾಧಿಸುವ ಗುರಿಯಲ್ಲಿದೆ.

. ಇದೇ ತಾಣದಲ್ಲಿ ಮೊದಲ ಎರಡು ಪಂದ್ಯಗಳಲ್ಲಿ ಆತಿಥೇಯ ತಂಡದ ಬ್ಯಾಟರ್ಗಳು ಅಮೋಘವಾಗಿ ಆಡಿದ್ದು ಅದನ್ನು ಮುಂದುವರಿಸುವ ತವಕದಲ್ಲಿದ್ದಾರೆ. ನಾಲ್ಕು ಪಂದ್ಯಗಳಲ್ಲಿ ಮೂರು ಅರ್ಧ ಶತಕಗಳನ್ನು ಹೊಡೆದಿರುವ ಪ್ರತಿಕಾ ರಾವಲ್ ಮೊದಲ ಅರ್ಧ ಶತಕವನ್ನು ಶತಕವಾಗಿ ಪರಿವರ್ತಿಸಲು ಕಾತರರಾಗಿದ್ದಾರೆ.

. ಪ್ರತಿಕಾ, ಈ ಸರಣಿಯಲ್ಲಿ ನಾಯಕಿ ಸ್ಮೃತಿ ಮಂದಾನ ಜೊತೆ ತಂಡಕ್ಕೆ ಉತ್ತಮ ಆರಂಭ ನೀಡಿದ್ದಾರೆ. ಸರಣಿಯ ಎರಡನೇ ಪಂದ್ಯದಲ್ಲಿ ಇವರಿಬ್ಬರು 156 ರನ್ಗಳ ಜೊತೆಯಾಟವಾಡಿದ್ದರು. ಐದು ಇನಿಂಗ್ಸ್ಗಳಲ್ಲಿ ಇದು ಇವರಿಬ್ಬರ ನಡುವಣ ಮೂರನೇ ಶತಕ ಜೊತೆಯಾಟವೆನಿಸಿತ್ತು.

. ಎಡಗೈ ಆಟಗಾರ್ತಿ ಮಂದಾನ ವೆಸ್ಟ್ ಇಂಡೀಸ್ ವಿರುದ್ಧದ ಸರಣಿಯಿಂದ ಉತ್ತಮ ಲಯದಲ್ಲಿದ್ದು, ಎಲ್ಲ ಮಾದರಿಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಆರಂಭದಲ್ಲಿ ಪರದಾಡಿದ್ದ ಹರ್ಲೀನ್ ಡಿಯೋಲ್ ನಂತರ ಲಯ ಕಂಡುಕೊಂಡಿದ್ದು, ಈ ಹಿಂದಿನ ಪಂದ್ಯದಲ್ಲಿ ಮಹತ್ವದ 89 ರನ್ ಗಳಿಸಿದ್ದರು.

. ಜೆಮಿಮಾ ರಾಡ್ರಿಗಸ್ ಸಹನೆಯ ಜೊತೆ ಏಕಾಗ್ರತೆಯನ್ನೂ ಮಿಳಿತಗೊಳಿಸಿ ಸರಣಿಯ ಎರಡನೇ ಪಂದ್ಯದಲ್ಲಿ ಶತಕ ಬಾರಿಸಿದ್ದರು. ಭಾರತ ಆ ಪಂದ್ಯದಲ್ಲಿ ಏಕದಿನ ಪಂದ್ಯಗಳಲ್ಲಿ ದಾಖಲೆಯ 5 ವಿಕೆಟ್ಗೆ 370 ರನ್ ಪೇರಿಸಿತ್ತು. ನಾಯಕಿಯಾಗಿದ್ದ ಹರ್ಮನ್ಪ್ರೀತ್ ಕೌರ್ ಅವರ ಗೈರಿನಲ್ಲಿ ನಾಲ್ಕನೇ ಕ್ರಮಾಂಕಕ್ಕೆ ಬಡ್ತಿ ಪಡೆದಿರುವ ಜೆಮಿಮಾ ಪ್ರಬುದ್ಧ ಆಟವಾಡಿದ್ದಾರೆ. ಒಂದು ಜೀವದಾನ ಪಡೆದಿದ್ದರೂ ಅವರ ಆಟ ಸೊಗಸಾಗಿತ್ತು.

. ‘ಇದು ಹೆಚ್ಚುವರಿಯಾಗಿ ಬಂದ ಹೊಣೆ. ಆರಂಭದಲ್ಲಿ ಸಾಕಷ್ಟು ಸಹನೆಯಿಂದ ಆಡಿದ್ದೆ. ಕುದುರಿಕೊಂಡು ಆಡಿದ್ದು ಆಡಿದ್ದು ಫಲ ನೀಡಿತು. ನಂತರ ರನ್ಗಳು ಹರಿದುಬಂದವು’ ಎಂದು ಜೆಮಿಮಾ ಹೇಳಿದರು.

. ಅನುಭವಿ ಬ್ಯಾಟರ್ ತೇಜಲ್ ಹಸಬ್ನಿಸ್ ಮೊದಲ ಪಂದ್ಯದಲ್ಲಿ ಅಜೇಯ ಅರ್ಧಶತಕ ದಾಖಲಿಸಿದ್ದರು.

. ಬೀಸುಹೊಡೆತಗಳ ಆಟಗಾರ್ತಿ ಶಫಾಲಿ ಮತ್ತು ಕೌರ್ ಅಂಥ ಅನುಭವಿಗಳ ಅನುಪಸ್ಥಿತಿಯಲ್ಲಿ ಪ್ರತಿಕಾ ಅಂಥ ಯುವ ಆಟಗಾರ್ತಿಯರು ದೊರೆತ ಅವಕಾಶದಲ್ಲಿ ಮಿಂಚಿದ್ದಾರೆ.

. ಆದರೆ ಬೌಲಿಂಗ್ ವಿಭಾಗದಲ್ಲಿ ಇದೇ ಮಾತು ಹೇಳುವತಿಲ್ಲ. ಐರ್ಲೆಂಡ್ ತಂಡದ ವಿಕೆಟ್ಗಳನ್ನು ನಿಯಮಿತವಾಗಿ ಪಡೆಯುವಲ್ಲಿ ಬೌಲರ್ಗಳು ಯಶಸ್ವಿಯಾಗಲಿಲ್ಲ. 371 ರನ್ಗಳ ಬೆಂಬತ್ತಿದ ಐರ್ಲೆಂಡ್ 7 ವಿಕೆಟ್ಗೆ 254 ರನ್ ಗಳಿಸಿದ್ದು ಆಲೌಟ್ ಆಗಲಿಲ್ಲ. ಭಾರತ ತಂಡಕ್ಕೆ ವೇಗದ ಬೌಲರ್ ರೇಣುಕಾ ಸಿಂಗ್ ಮತ್ತು ಅನುಭವಿ ಪೂಜಾ ವಸ್ತ್ರಾಕರ್ ಅನುಪಸ್ಥಿತಿ ಕಾಡುತ್ತಿದೆ.

. ಎರಡನೇ ಪಂದ್ಯ ದೀಪ್ತಿ ಶರ್ಮಾ ಅವರಿಗೆ ನೂರನೇ ಪಂದ್ಯವಾಗಿದ್ದು, ಅವರು ಭಾರತದ ಕಡೆ ಯಶಸ್ವಿ ಬೌಲರ್ ಎನಿಸಿದ್ದಾರೆ. 19.50 ಸರಾಸರಿಯಲ್ಲಿ 4 ವಿಕೆಟ್ಗಳನ್ನು ಪಡೆದಿದ್ದಾರೆ. ಪ್ರಿಯಾ ಮಿಶ್ರಾ, ಸಯಾಲಿ ಸಾತ್ಗರೆ, ತಿತಾಸ್ ಸಾಧು ಪರಿಣಾಮಕಾರಿಯಾಗಿಲ್ಲ.

. ಪ್ರವಾಸಿ ತಂಡವು, ನಾಯಕಿ ಗ್ಯಾಬಿ ಲೂಯಿಸ್, ಕ್ರಿಸ್ಟಿನಾ ಕೌಲ್ಟರ್–ರೀಲಿ ಮತ್ತು ಲಿಯಾ ಪೌಲ್ ಅವರಿಂದ ಮತ್ತೆ ಉತ್ತಮ ಆಟ ನಿರೀಕ್ಷಿಸುತ್ತಿದೆ. ಈ ಮೂವರೂ ಸರಣಿಯಲ್ಲಿ ಒಂದೊಂದು ಅರ್ಧ ಶತಕ ದಾಖಲಿಸಿದ್ದಾರೆ.

. ಆದರೆ ಐರ್ಲೆಂಡ್ ಕ್ಷೇತ್ರರಕ್ಷಣೆ ತಂಡಕ್ಕೆ ದುಬಾರಿಯಾಗಿದೆ. ಕಳಪೆ ಫೀಲ್ಡಿಂಗ್ನಿಂದ ಸಾಕಷ್ಟು ರನ್ಗಳು ಸೋರಿಹೋಗುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಹಿಳಾ ಏಕದಿನ ಸರಣಿ: ಭಾರತ ತಂಡಕ್ಕೆ ಕ್ಲೀನ್‌ಸ್ವೀಪ್‌ ಗುರಿ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಹಾಕಿ ಇಂಡಿಯಾ ಜೂನಿಯರ್‌ ಬಾಲಕಿಯರ ರಾಷ್ಟ್ರೀಯ ಚಾಂಪಿಯನ್‌ಷಿಪ್‌: 10ರಂದು ಟ್ರಯಲ್ಸ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್