ಮೋಸದಾಟ | ಭಾರತದ ಟೆಸ್ಟ್ ‘ಫಿಕ್ಸ್‌’ ಆಗಿರಲಿಲ್ಲ: ಐಸಿಸಿ

2016ರಲ್ಲಿ ಚೆನ್ನೈನಲ್ಲಿ ನಡೆದ ಇಂಗ್ಲೆಂಡ್ ಎದುರಿನ ಪಂದ್ಯ ಮತ್ತು 2017ರಲ್ಲಿ ರಾಂಚಿಯಲ್ಲಿ ನಡೆದಿದ್ದ ಆಸ್ಟ್ರೇಲಿಯಾ ಎದುರಿನ ಪಂದ್ಯಗಳನ್ನು 2018ರಲ್ಲಿ ಬಿಡುಗಡೆಗೊಂಡ‘ಕ್ರಿಕೆಟ್ ಮ್ಯಾಚ್ ಫಿಕ್ಸರ್ಸ್‌’ ಎಂಬ ಸಾಕ್ಷ್ಯಚಿತ್ರದಲ್ಲಿ ಅಲ್ ಜಝೀರಾ ಪ್ರಸ್ತಾಪಿಸಿತ್ತು.

ಸಾಕ್ಷ್ಯಚಿತ್ರದಲ್ಲಿ ಐದು ವ್ಯಕ್ತಿಗಳನ್ನು ತೋರಿಸಲಾಗಿದ್ದು ಅವರ ವರ್ತನೆ ಸಂದೇಹಾಸ್ಪದವಾಗಿತ್ತು ಎಂದು ಹೇಳಲಾಗಿದೆ. ಬುಕ್ಕಿ ಎಂದು ಹೇಳಲಾಗುವ ಅನಿಲ್ ಮುನಾವರ್ ಎಂಬ ವ್ಯಕ್ತಿ ಮೋಸದಾಟದ ಕುರಿತು ಕಾರ್ಯಕ್ರಮದಲ್ಲಿ ಮಾತನಾಡಿದ್ದಾರೆ. ಇದನ್ನು ಐಸಿಸಿ ನಿರಾಕರಿಸಿದೆ. ಐವರ ವರ್ತನೆ ಸಂದೇಹಾಸ್ಪದವಾಗಿರಬಹುದು. ಆದರೆ ಅವರು ಪಂದ್ಯ ಫಿಕ್ಸ್ ಮಾಡಿದ್ದರು ಎಂಬುದನ್ನು ಸಾಬೀತು ಮಾಡಲು ಸಾಕ್ಷ್ಯಗಳಿಲ್ಲ ಎಂದು ಅಭಿಪ್ರಾಯಪಟ್ಟಿದೆ. ತನಿಖೆಗೂ ಆದೇಶ ನೀಡಿದೆ.