IPL 2022: 'ನನ್ನ ಮೇಲೆ ನಂಬಿಕೆಯಿಡಿ' - ನಾಯಕ ಪಂತ್‌ಗೆ ಪೊವೆಲ್ ವಿನಂತಿ
ಮುಂಬೈ: ಐಪಿಎಲ್ 2022 ಟೂರ್ನಿಯಲ್ಲಿ ಬಿರುಸಿನ ಅರ್ಧಶತಕ ಗಳಿಸಿದ ಬಳಿಕ ಕುತೂಹಲಕಾರಿ ವಿಚಾರವೊಂದನ್ನು ಡೆಲ್ಲಿ ಕ್ಯಾಪಿಟಲ್ಸ್ ಬ್ಯಾಟರ್ ರೋವ್ಮನ್ ಪೊವೆಲ್ ಬಹಿರಂಗಪಡಿಸಿದ್ದಾರೆ.
ಐದನೇ ಕ್ರಮಾಂಕದಲ್ಲಿ ನನ್ನ ಮೇಲೆ ನಂಬಿಕೆ ಇರಿಸುವಂತೆ ನಾಯಕ ರಿಷಬ್ ಪಂತ್‌ಗೆ ವಿನಂತಿ ಮಾಡಿರುವುದಾಗಿ ತಿಳಿಸಿದ್ದಾರೆ.
ಇದನ್ನೂ ಓದಿ:IPL 2022: 157kmph - ದಾಖಲೆ ಬರೆದ ಉಮ್ರಾನ್ ಮಲಿಕ್
ಪ್ರಸಕ್ತ ಸಾಲಿನ ಐಪಿಎಲ್‌ನಲ್ಲಿ ವಿಭಿನ್ನ ಕ್ರಮಾಂಕದಲ್ಲಿ ಆಡಿರುವ ಪೊವೆಲ್, ಬ್ಯಾಟಿಂಗ್‌ನಲ್ಲಿ ಮಿಶ್ರ ಫಲ ಕಂಡಿದ್ದಾರೆ. ಆದರೆ ಗುರುವಾರ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ತಮ್ಮ ನೆಚ್ಚಿನ ಐದನೇ ಕ್ರಮಾಂಕದಲ್ಲಿ ಕ್ರೀಸಿಗಿಳಿದು ಅಬ್ಬರಿಸಿದ್ದರು.
Fierce and Fabulous 🤩
— Delhi Capitals (@DelhiCapitals) May 6, 2022
On a scale of 1️⃣ to 🔥, how would you rate this @Ravipowell26 knock?#YehHaiNayiDilli | #IPL2022 | #DCvSRH#TATAIPL | #IPL | #DelhiCapitals pic.twitter.com/kUIEOJ0VIB
ಡೇವಿಡ್ ವಾರ್ನರ್ ಜೊತೆ ಮುರಿಯದ ನಾಲ್ಕನೇ ವಿಕೆಟ್‌ಗೆ ಶತಕದ ಜೊತೆಯಾಟದಲ್ಲಿ ಭಾಗಿಯಾಗಿದ್ದ ಪೊವೆಲ್, ಕೇವಲ 35 ಎಸೆತಗಳಲ್ಲಿ ಆರು ಸಿಕ್ಸರ್ ಹಾಗೂ ಮೂರು ಬೌಂಡರಿ ನೆರವಿನಿಂದ 67 ರನ್ ಗಳಿಸಿ ಔಟಾಗದೆ ಉಳಿದಿದ್ದರು.
'ಐದನೇ ಕ್ರಮಾಂಕದಲ್ಲಿ ನನ್ನನ್ನು ನಂಬಿ, ನನಗೆ ಆರಂಭಿಸಲು ಅವಕಾಶ ಕೊಡಿ, ಮೊದಲ 15-20 ಎಸೆತಗಳು ಆದ ಬಳಿಕ ನೈಜ ಶೈಲಿಯಲ್ಲಿ ಬ್ಯಾಟಿಂಗ್ ಮಾಡಲು ಬಯಸುತ್ತೇನೆ' ಎಂದು ಪಂತ್‌ಗೆ ಹೇಳಿರುವುದಾಗಿ ತಿಳಿಸಿದ್ದಾರೆ.
ಐದು, ಆರು ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ್ದ ಪೊವೆಲ್ ಅವರನ್ನು ಎಂಟನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲುಸೂಚಿಸಿರುವುದು ಬೇಸರಕ್ಕೆ ಕಾರಣವಾಗಿತ್ತು. ಇದನ್ನು ಪಂತ್ ಅವರಿಗೆ ಹೇಳಿರುವುದಾಗಿ ತಿಳಿಸಿದ್ದಾರೆ.
'ನಾನು ಉತ್ತಮ ಲಯದಲ್ಲಿದ್ದು, ಕಠಿಣ ಪರಿಶ್ರಮ ವಹಿಸಿದ್ದೇನೆ. ಐಪಿಎಲ್ ಆರಂಭದಲ್ಲಿ ಕಠಿಣ ಪರಿಸ್ಥಿತಿ ಎದುರಾಗಿತ್ತು. ಆದರೆ ನನ್ನ ಸಾಮರ್ಥ್ಯದಲ್ಲಿ ನಂಬಿಕೆಯಿರಿಸಿದ್ದೆ. ಎಂಟನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲು ಹೇಳಿದ್ದು ನನ್ನಲ್ಲಿ ನಿರಾಸೆ ಮೂಡಿಸಿತ್ತು ಎಂಬುದನ್ನು ಪಂತ್‌ಗೆ ತಿಳಿಸಿದ್ದೆ' ಎಂದು ಹೇಳಿದ್ದಾರೆ.
ICYMI: Rovman Powell's sensational blitz 💪 💪
— IndianPremierLeague (@IPL) May 5, 2022
The @DelhiCapitals right-hander tonked 6⃣ maxiumums & 3⃣ fours to score a superb half-century. 👍 👍 #TATAIPL | #DCvSRH
Watch his stroke-filled knock 🎥 🔽https://t.co/i38zYfauJU
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.