ಸೂರ್ಯನ ಆಟಕ್ಕೆ ಮನಸೋತ ವಿರಾಟ್

ದುಬೈ : ಮುಂಬೈನ ಸೂರ್ಯಕುಮಾರ್ ಯಾದವ್ ಮಂಗಳವಾರ ಹಾಂಗ್ಕಾಂಗ್ ಎದುರಿನ ಪಂದ್ಯದಲ್ಲಿ ಸಿಡಿಸಿದ ಅರ್ಧ ಡಜನ್ ಸಿಕ್ಸರ್ ಹಾಗೂ ಬೌಂಡರಿಗಳ ಆಟಕ್ಕೆ ‘ರನ್ ಯಂತ್ರ’ ವಿರಾಟ್ ಕೊಹ್ಲಿ ಕೂಡ ಮನಸೋತರು.

. ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ಹಾಂಗ್ಕಾಂಗ್ ತಂಡವು ಇನಿಂಗ್ಸ್ ಆರಂಭದಲ್ಲಿ ಉತ್ತಮವಾಗಿ ಬೌಲಿಂಗ್ ಮಾಡಿತು. ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಬೇಗನೆ ಔಟ್ ಕೂಡ ಆದರು. ಕೆ.ಎಲ್. ರಾಹುಲ್ ಕೂಡ ವೇಗವಾಗಿ ಆಡದಂತೆ ಬೌಲರ್ಗಳು ನೋಡಿಕೊಂಡರು. ಆದರೆ, ವಿರಾಟ್ ಕೊಹ್ಲಿ ಹಾಗೂ ಸೂರ್ಯಕುಮಾರ್ ಮುರಿಯದ ಮೂರನೇ ವಿಕೆಟ್ ಜೊತೆಯಾಟದಲ್ಲಿ 98 ರನ್ ಸೇರಿಸಿದರು. ಇದರಲ್ಲಿ ಸೂರ್ಯ ಪಾಲು 68 ರನ್. ಅದರಿಂದಾಗಿ ಭಾರತ ತಂಡವು 192 ರನ್ಗಳ ಮೊತ್ತವನ್ನು ಗಳಿಸಿತು.

. ಇನಿಂಗ್ಸ್ನ ಕೊನೆಯಲ್ಲಿ ವಿರಾಟ್ ಕೊಹ್ಲಿ ಅವರು ಸೂರ್ಯಕುಮಾರ್ ಮುಂದೆ ನಿಂತು ತಮ್ಮ ಎದೆ ಮೇಲೆ ಕೈಯಿಟ್ಟು ತಲೆ ಸ್ವಲ್ಪ ತಗ್ಗಿಸಿ ಅಭಿನಂದಿಸಿದರು. ವಿರಾಟ್ ಮೆಚ್ಚುಗೆಯಿಂದಾಗಿ ಸೂರ್ಯ ಪುಳಕಿತರಾದರು.

. ಈ ಕುರಿತು ಪಂದ್ಯದ ನಂತರ ಪತ್ರಿಕಾಗೋಷ್ಠಿಯಲ್ಲಿ ಪ್ರತಿಕ್ರಿಯಿಸಿದ ಸೂರ್ಯ, ‘ವಿರಾಟ್ ನಡವಳಿಕೆಯು ಹೃದಯಸ್ಪರ್ಶಿಯಾಗಿತ್ತು. ನನಗೆ ಇದೊಂದು ಅನಿರೀಕ್ಷಿತ ಹಾಗೂ ಸಂತಸದ ಸಂಗತಿಯಾಗಿದೆ. ಪೆವಿಲಿಯನ್ಗೆ ಮರಳುವಾಗಲೂ ಅವರು ನನ್ನನ್ನು ಮುಂದೆ ಸಾಗಲು ಬಿಟ್ಟು ತಾವು ಹಿಂದುಳಿದರು. ಕೆಲವು ಕ್ಷಣಗಳ ನಂತರ ನನಗೆ ಇದರ ಅರಿವಾಯಿತು. ಮತ್ತೆ ಅವರ ಬಳಿ ಮರಳಿಹೋದೆ. ನನ್ನೊಂದಿಗೆ ಹೆಜ್ಜೆ ಹಾಕಲು ಕೇಳಿಕೊಂಡೆ’ ಎಂದರು.

. ‘ವಿರಾಟ್ ಜೊತೆಗೆ ಕ್ರೀಸ್ನಲ್ಲಿ ಬ್ಯಾಟಿಂಗ್ ಮಾಡಿದ್ದು ಅದ್ಭುತವಾದ ಅನುಭವ. ಅವರದ್ದು ಅಪಾರ ಅನುಭವ. ಕಡಿಮೆ ಟಿ20 ಪಂದ್ಯಗಳನ್ನು ಆಡಿರುವ ನನಗೆ ಅವರ ಮಾರ್ಗದರ್ಶನ ಉಪಯುಕ್ತವಾಯಿತು. ಅವರಂತಹ ಶ್ರೇಷ್ಠ ಬ್ಯಾಟರ್ ಪಿಚ್ನ ಇನ್ನೊಂದು ತುದಿಯಲ್ಲಿದ್ದ ಕಾರಣ ನನ್ನ ಆತ್ಮವಿಶ್ವಾಸ ದುಪ್ಪಟ್ಟಾಗಿತ್ತು’ ಎಂದು ವಿವರಿಸಿದರು.

. ಸೂರ್ಯ 26 ಎಸೆತಗಳಲ್ಲಿ 68 ರನ್ ಗಳಿಸಿದರು. ವಿರಾಟ್ 44 ಎಸೆತಗಳಲ್ಲಿ 59 ರನ್ ಗಳಿಸಿದರು. ಇಬ್ಬರೂ ಅಜೇಯರಾಗುಳಿದರು.

. ಗುರಿ ಬೆನ್ನಟ್ಟಿದ ಹಾಂಗ್ಕಾಂಗ್ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 152 ರನ್ ಗಳಿಸಿತು. 40 ರನ್ಗಳಿಂದ ಸೋತಿತು. ಭಾರತವು ಸೂಪರ್ ಫೋರ್ ಹಂತಕ್ಕೆ ತಲುಪಿತು.

. ಸಂಕ್ಷಿಪ್ತ ಸ್ಕೋರು: ಭಾರತ: 20 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 192 (ಕೆ.ಎಲ್. ರಾಹುಲ್ 36, ರೋಹಿತ್ ಶರ್ಮಾ 21, ವಿರಾಟ್ ಕೊಹ್ಲಿ ಔಟಾಗದೆ 59, ಸೂರ್ಯಕುಮಾರ್ ಯಾದವ್ ಔಟಾಗದೆ 68, ಆಯುಶ್ ಶುಕ್ಲಾ 29ಕ್ಕೆ1, ಮೊಹಮ್ಮದ್ ಘಜನ್ಫಾರ್ 19ಕ್ಕೆ1) ಹಾಂಗ್ಕಾಂಗ್: 20 ಓವರ್ಗಳಲ್ಲಿ 5ಕ್ಕೆ152 (ಬಾಬಾರ್ ಹಯಾತ್ 41, ಕಿಂಚಿತ್ ಶಾ 30, ಜಿಶನ್ ಅಲಿ ಔಟಾಗದೆ 26, ಸ್ಕಾಟ್ ಮಕೆನಿ ಔಟಾಗದೆ 16, ಭುವನೇಶ್ವರ್ ಕುಮಾರ್ 15ಕ್ಕೆ1, ಆರ್ಷದೀಪ್ ಸಿಂಗ್ 44ಕ್ಕೆ1, ರವೀಂದ್ರ ಜಡೇಜ 15ಕ್ಕೆ1, ಆವೇಶ್ ಖಾನ್ 53ಕ್ಕೆ1) ಫಲಿತಾಂಶ: ಭಾರತಕ್ಕೆ 40 ರನ್ಗಳ ಜಯ.

. Koo App Good win today. A special knock by SKY. We’ll keep going. 🇮🇳 View attached media content - Virat Kohli (@virat.kohli) 31 Aug 2022 . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸೂರ್ಯನ ಆಟಕ್ಕೆ ಮನಸೋತ ವಿರಾಟ್

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ