ನವದೆಹಲಿ: ಆಸ್ಟ್ರೇಲಿಯಾದಲ್ಲಿರುವ ಭಾರತ ತಂಡಕ್ಕೆ ನೆಟ್ಸ್ ಅಭ್ಯಾಸದಲ್ಲಿ ಬೌಲಿಂಗ್ ಮಾಡಲು ತೆರಳಿರುವ ಬಂಗಾಳದ ಬೌಲರ್ ಇಶಾನ್ ಪೊರೆಲ್ ಗಾಯಗೊಂಡಿದ್ದಾರೆ.
ನೆಟ್ಸ್ ಅಭ್ಯಾಸದ ಸಂದರ್ಭದಲ್ಲಿ ಅವರು ಸ್ನಾಯುಸೆಳೆತದಿಂದ ಬಳಲಿದರು. ಅದರಿಂದಾಗಿ ಅವರಿಗೆ ಪ್ರಥಮ ಚಿಕಿತ್ಸೆ ನೀಡಿ ಭಾರತಕ್ಕೆ ಮರಳಿ ಕಳಿಸಲಾಗಿದೆ.
’ಇಶಾನ್ ಪೊರೆಲ್ ಸ್ಹಾಯುಸೆಳೆತಕ್ಕೊಳಗಾಗಿದ್ದಾರೆ. ಆದರೆ ಗಾಯದ ಗಂಭೀರತೆ ಕುರಿತು ಗೊತ್ತಿಲ್ಲ. ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ (ಎನ್ಸಿಎ)ಯಲ್ಲಿ ಅವರನ್ನು ತಪಾಸಣೆ ಮಾಡಿ ಚಿಕಿತ್ಸೆ ನೀಡಲಾಗುವುದು. ಆದ್ದರಿಂದ ಅವರು ಭಾರತಕ್ಕೆ ಮರಳಲಿದ್ದಾರೆ‘ ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಭಾರತ ತಂಡಕ್ಕೆ ನೆಟ್ಸ್ ಬೌಲರ್ ಆಗಿ ಈಗ ಕಾರ್ತಿಕ್ ತ್ಯಾಗಿ ಮಾತ್ರ ಉಳಿದುಕೊಂಡಿದ್ದಾರೆ.