ಕ್ರಿಕೆಟ್ ಕೋಚ್ ‘ಬಾಬಿ ಸಾಹೇಬ್’ ನಿಧನ

‘ಬಾಬಿ ಸಾಹೇಬ್’ ಎಂದೇ ಚಿರಪರಿಚಿತರಾಗಿದ್ದ ಅವರು ಕೆಲಕಾಲದಿಂದ ಅಸ್ವಸ್ಥರಾಗಿದ್ದರು. ಬುಧವಾರ ಕೊನೆಯುಸಿರೆಳೆದರು ಎಂದು ಸೌರಾಷ್ಟ್ರ ಕ್ರಿಕೆಟ್ ಸಂಸ್ಥೆಯು ತಿಳಿಸಿದೆ.

ಕಳೆದ ನಾಲ್ಕು ದಶಕಗಳಿಂದ ರಾಜ್‌ಕೋಟ್ ಮತ್ತಿತರ ನಗರಗಳಲ್ಲಿ ಕ್ರಿಕೆಟಿಗರಿಗೆ ತರಬೇತಿ ನೀಡುತ್ತಿದ್ದರು. ಸೌರಾಷ್ಟ್ರದಿಂದ ಭಾರತ ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿದ್ದ ಧೀರಜ್ ಪರಸಾನಾ, ಉದಯ್ ಜೋಶಿ, ನಿರಂಜನ್ ಮೆಹ್ತಾ, ಮಹೇಂದ್ರ ರಾಜದೇವ್ ಅವರು ಬಾಬಿ ಮಾರ್ಗದರ್ಶನದಲ್ಲಿ ಬೆಳೆದಿದ್ದರು.

ಭಾರತ ತಂಡದ ಮಾಜಿ ಆಟಗಾರ ವಿನೋದ್ ಕಾಂಬ್ಳಿ ಕೂಡ ಕೆಲ ಸಮಯ ಬಾಬಿ ಅವರಿಂದ ತರಬೇತಿ ಪಡೆದಿದ್ದರು.

‘ಭಾರತದಲ್ಲಿ ಆಸ್ಟ್ರೇಲಿಯಾ ಮಾದರಿಯ ತರಬೇತಿಯನ್ನು ರೂಢಿಗೆ ತಂದ ಮೊದಲ ಕೋಚ್ ಬಾಬಿ. ಬಿಸಿಸಿಐನಲ್ಲಿಯೂ ಅವರು ಕಾರ್ಯನಿರ್ವಹಿಸಿದ್ದರು’ ಎಂದು ಎಸ್‌ಸಿಎ ಪ್ರಕಟಣೆಯಲ್ಲಿ ತಿಳಿಸಿದೆ.