ಐಪಿಎಲ್‌ನಲ್ಲಿರುವ ಇಂಪ್ಯಾಕ್ಟ್ ಪ್ಲೇಯರ್ ನಿಯಮದ ಕುರಿತು ಪ್ರತಿಕ್ರಿಯಿಸಿದ ಮಿಲ್ಲರ್, ‘ಎಲ್ಲರೂ ತಮ್ಮ ಅಭಿಪ್ರಾಯ ಹೇಳಲು ಸ್ವತಂತ್ರರು. ನಾನು ಕೂಡ ಈ ನಿಯಮದ ಅಭಿಮಾನಿ ಅಲ್ಲ. ರೋಹಿತ್ (ಶರ್ಮಾ) ಈ ನಿಯಮವು ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಒಗ್ಗುವಂತದಲ್ಲ ಎಂಬ ಧಾಟಿಯಲ್ಲಿ ಹೇಳಿದ್ಧಾರೆ. ಅಂತರರಾಷ್ಟ್ರೀಯ ಕ್ರಿಕೆಟ್ ಟೂರ್ನಿಗಳು ಈಗ ಇರುವಂತೆಯೇ ಇರಲಿ. ಬದಲಾವಣೆ ಬೇಡ. ಇಂಪ್ಯಾಕ್ಟ್ ನಿಯಮವು ತಂಡದಲ್ಲಿ ಆರು ಬೌಲರ್ ಮತ್ತು ಎಂಟು ಬ್ಯಾಟರ್‌ಗಳನ್ನು ಆಡಿಸುವಂತೆ ಮಾಡಿದೆ. ಇದರಿಂದಾಗಿ ಆಲ್‌ರೌಂಡರ್‌ಗಳು ಚಿತ್ರಣದಲ್ಲಿಯೇ ಇಲ್ಲ. ನಿಯಮದ ಪ್ರಕಾರ ಆಡುವುದು ನಮ್ಮ ಕೆಲಸ’ ಎಂದರು.
