RCB vs RR: ರಾಜಸ್ಥಾನಕ್ಕೆ 173 ರನ್‌ಗಳ ಗೆಲುವಿನ ಗುರಿ ನೀಡಿದ ಬೆಂಗಳೂರು

ಅಹಮದಾಬಾದ್: ಐಪಿಎಲ್‌ನ ಎಲಿಮಿನೇಟರ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಸಂಜು ಸ್ಯಾಮ್ಸನ್ ನಾಯಕತ್ವದ ರಾಜಸ್ಥಾನ ರಾಯಲ್ಸ್ ತಂಡಕ್ಕೆ 173 ರನ್‌ಗಳ ಗೆಲುವಿನ ಗುರಿ ನೀಡಿದೆ.

ಟಾಸ್‌ ಗೆದ್ದ ಟಾಸ್‌ ಗೆದ್ದ ರಾಜಸ್ಥಾನ ಫೀಲ್ಡಿಂಗ್‌ ಆಯ್ಕೆ ಮಾಡಿಕೊಂಡಿತು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮೊದಲು ಬ್ಯಾಟ್ ಮಾಡಿತು.

ನಿಗದಿತ 20 ಓವರ್‌ಗಳಲ್ಲಿ ಬೆಂಗಳೂರು ತಂಡ 8 ವಿಕೆಟ್‌ ಕಳೆದುಕೊಂಡು 172 ರನ್‌ ಪೇರಿಸಿತು. ಈ ‍ಪಂದ್ಯವನ್ನು ಗೆಲ್ಲಬೇಕಾದರೆ ರಾಜಸ್ಥಾನ ತಂಡ 173 ರನ್‌ ಗಳಿಸಬೇಕಿದೆ.

ಬೆಂಗಳೂರು ಪರ ಪಾಟೀದಾರ್‌ 34, ಕೊಹ್ಲಿ 32, ಮಹಿಪಾಲ್‌ 32 ರನ್‌ ಹೊಡೆದು ಗಮನ ಸೆಳೆದರು. ರಾಜಸ್ಥಾನ ಪರ ಅವೇಶ್‌ ಖಾನ್‌ 3, ಅಶ್ವಿನ್‌ 2 ವಿಕೆಟ್‌ ಪಡೆದರು.