ಪಾರ್ಥಿವ್‌, ಕ್ಲಾಸೆನ್, ಸೈನಿ ಔಟ್!

ಬುಧವಾರ, ಮೇ 22, 2019
32 °C
ಆರ್‌ಸಿಬಿ ಅಭಿಮಾನಿಗಳ ಬೌಲಿಂಗ್‌

ಪಾರ್ಥಿವ್‌, ಕ್ಲಾಸೆನ್, ಸೈನಿ ಔಟ್!

Published:
Updated:
Prajavani

ಬೆಂಗಳೂರು: ಪಾರ್ಥಿವ್‌ ಪಟೇಲ್‌, ಹೈನ್ರಿಚ್‌ ಕ್ಲಾಸೆನ್ ಮತ್ತು ನವದೀಪ್‌ ಸೈನಿ ಅಭಿಮಾನಿಗಳ ಪ್ರೀತಿಯ ಎಸೆತಗಳಿಗೆ ಬೌಲ್ಡ್ ಆದರು.

ಹೌದು. ಕಿಕ್ಕಿರಿದು ತುಂಬಿದ್ದ ಓರಾಯನ್‌ ಮಾಲ್‌ನಲ್ಲಿ ‘ಕಿಂಗ್‌ ಫಿಷರ್‌ ಬೌಲ್‌ ಔಟ್‌’ ಆರನೇ ಆವೃತ್ತಿಗಾಗಿ ಆರ್‌ಸಿಬಿ ಆಟಗಾರರು ಅಭಿಮಾನಿಗಳ ಬೌಲಿಂಗ್‌ ಎದುರಿಸಿದರು. ಕೆಲವರಿಗೆ ವಿಕೆಟ್‌ ಒಪ್ಪಿಸಿದರೆ, ವಿಕೆಟ್‌ ಪಡೆಯ ಲಾಗವರಿಗೆ ನಗುವಿನೊಂದಿಗೆ ಬೆನ್ನು ತಟ್ಟಿ ಪ್ರೋತ್ಸಾಹಿಸಿದರು. 

ಚಿತ್ರದುರ್ಗದ ಶಿವರಾಜ್‌, ಕೋಲಾರದ ಸದ್ದಾಂ, ಖುದ್ರತ್‌, ಸಯ್ಯದ್‌ ರೋಶನ್‌, ಮೊಹಮ್ಮದ್‌ ಅಬ್ರಾರ್‌ ಮತ್ತು ಹೈದರಾಬಾದ್‌ನ ರಿಚರ್ಡ್‌ ಅವರು ಆರ್‌ಸಿಬಿ ಆಟಗಾರರ ವಿಕೆಟ್‌ ಪಡೆದು, ಹಸ್ತಾಕ್ಷರ ಗಿಟ್ಟಿಸಿಕೊಂಡರು. ಆಟಗಾರರು ತಮ್ಮ ಅಭಿಮಾನಿಗಳ ಪ್ರೀತಿಯನ್ನು ಹತ್ತಿರದಿಂದ ಕಣ್ತುಂಬಿಕೊಂಡರೆ, ಕ್ರಿಕೆಟ್‌ ತಾರೆಯರಿಗೇ ಬೌಲಿಂಗ್ ಮಾಡಿದ ಖುಷಿಯಲ್ಲಿ ಅಭಿಮಾನಿಗಳಿದ್ದರು.

ಪಾರ್ಥಿವ್‌, ಕ್ಲಾಸೆನ್‌ ಮತ್ತು ಸೈನಿ ಅವರ ವಿಕೆಟ್‌ ಉರುಳಿಸಿದ ಸದ್ದಾಂ, ‘ಇಷ್ಟು ದಿನ ಆಟಗಾರರನ್ನು ಟಿವಿಯಲ್ಲಿ ನೋಡುತ್ತಿದ್ದೆವು. ಮೆಚ್ಚಿನ ಬ್ಯಾಟ್ಸ್‌ಮನ್‌ಗಳಿಗೆ ಬೌಲ್‌ ಮಾಡಿದ್ದು ನನ್ನ ಅದೃಷ್ಟ’ ಎಂದರು.

ಹೆನ್ರಿಚ್‌ ಕ್ಲಾಸೆನ್‌ ವಿಕೆಟ್ ಉರುಳಿಸಿದ ಶಿವರಾಜ್‌ ‘ನಾನು ಗಲ್ಲಿ ಕ್ರಿಕೆಟ್‌ ಆಡುತ್ತಿದ್ದವ. ಕನಸಿನಲ್ಲೂ ಆರ್‌ಸಿಬಿ ಆಟಗಾರರಿಗೆ ಬೌಲಿಂಗ್ ಮಾಡುತ್ತೇನೆ ಎಂದುಕೊಂಡಿರಲಿಲ್ಲ. ವಿಕೆಟ್‌ ಕಿತ್ತಾಗ ಆದ ಸಂತೋಷ ಅಷ್ಟಿಷ್ಟಲ್ಲ. ಜನರು ನನ್ನನ್ನು ಅಭಿನಂದಿಸಿದ್ದು ಜೀವಮಾನದ ಅದ್ಭುತ ಕ್ಷಣ’ ಎಂದರು. 

ರಾಬಾದಿನ ರಿಚರ್ಡ್‌ ಕಳೆದ 10 ವರ್ಷಗಳಿಂದ ಆರ್‌ಸಿಬಿ ಅಭಿಮಾನಿ, ನವ್‌ದೀಪ್‌ ಸೈನಿ ವಿಕೆಟ್‌ ಪಡೆದ ಅವರು, ‘ಈ ಬಾರಿ ಸೋ ತಿರಬಹುದು. ಮುಂದಿನ ಸಾರಿ ಕಪ್‌ ನಮ್ದೆ’ ಎಂದರು.    

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 3

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !