ಗುರುವಾರ , ಫೆಬ್ರವರಿ 27, 2020
19 °C

ಮಹಿಳೆಯರ ಟ್ವೆಂಟಿ–20 ವಿಶ್ವಕಪ್‌: ಮಾಜಿ ನಾಯಕಿ ಸನಾ ಮಿರ್‌ ಕೈ ಬಿಟ್ಟ ಪಾಕ್

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಕರಾಚಿ: ಅನುಭವಿ ಆಫ್‌ ಸ್ಪಿನ್ನರ್ ಮತ್ತು ಮಾಜಿ ನಾಯಕಿ ಸನಾ ಮಿರ್‌ ಅವರನ್ನು ಮಹಿಳೆಯರ ಟ್ವೆಂಟಿ–20 ವಿಶ್ವಕಪ್‌ ಟೂರ್ನಿಗಾಗಿ ಪ್ರಕಟಿಸಿರುವ ಪಾಕಿಸ್ತಾನ ತಂಡದಿಂದ ಕೈಬಿಡಲಾಗಿದೆ.

ಆಸ್ಟ್ರೇಲಿಯಾದಲ್ಲಿ ಮುಂದಿನ ತಿಂಗಳು ನಡೆಯಲಿರುವ ಟೂರ್ನಿಗಾಗಿ 15 ಮಂದಿಯ ತಂಡವನ್ನು ಆಯ್ಕೆ ಸಮಿತಿ ಸೋಮವಾರ ಪ್ರಕಟಿಸಿತು. ಬಿಸ್ಮಾ ಮರೂಫ್ ಅವರಿಗೆ ನಾಯಕತ್ವವನ್ನು ವಹಿಸಲಾಗಿದೆ. 15 ವರ್ಷದ ಆಯೆಷಾ ನಸೀಮ್ ಮತ್ತು 16 ವರ್ಷದ ಅರೂಬ್ ಶಾ ಅವರನ್ನು ತಂಡಕ್ಕೆ ಸೇರಿಸಲಾಗಿದ್ದು ಮುನೀಬಾ ಅಲಿ ಮತ್ತು ಅಯ್ಮೆನ್ ಅನ್ವರ್‌ ಅವರಿಗೆ ಎರಡು ವರ್ಷಗಳ ನಂತರ ಅವಕಾಶ ನೀಡಲಾಗಿದೆ.

34 ವರ್ಷದ ಸನಾ ಏಕದಿನ ಮತ್ತು ಟ್ವೆಂಟಿ–20 ವಿಶ್ವಕಪ್‌ ಟೂರ್ನಿಗಳಲ್ಲಿ ಪಾಕಿಸ್ತಾನ ತಂಡವನ್ನು ಮುನ್ನಡೆಸಿದ್ದರು. 120 ಏಕದಿನ ಪಂದ್ಯ ಮತ್ತು 102 ಟ್ವೆಂಟಿ–20 ಪಂದ್ಯಗಳನ್ನು ಆಡಿದ್ದಾರೆ. 2005ರಲ್ಲಿ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ ಅವರು ಒಟ್ಟು 240 ವಿಕೆಟ್ ಕಬಳಿಸಿದ್ದಾರೆ. ಪಾಕಿಸ್ತಾನ ಪರವಾಗಿ ಅತಿ ಹೆಚ್ಚು ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಡಿದ ದಾಖಲೆ ಅವರ ಹೆಸರಿನಲ್ಲಿದೆ.

‘ಅಂತರರಾಷ್ಟ್ರೀಯ ಮತ್ತು ದೇಶಿ ಟೂರ್ನಿಗಳಲ್ಲಿ ಇತ್ತೀಚೆಗೆ ತೋರಿದ ಸಾಮರ್ಥ್ಯ ಪರಿಗಣಿಸಿ ಮತ್ತು ತಂಡದ ಯೋಜನೆಗಳಿಗೆ ಅನುಸಾರವಾಗಿ ಸನಾ ಅವರನ್ನು ಕೈಬಿಡಲಾಗಿದೆ. ಆಯೆಷಾ ನಸೀಮ್ ಮತ್ತು ಅರೂಬ್ ಶಾ ಅವರನ್ನು ತಂಡಕ್ಕೆ ಸೇರಿಸುವ ಮೂಲಕ ಯುವ ಆಟಗಾರ್ತಿಯರಿಗೆ ಅವಕಾಶ ನೀಡುವ ಪ್ರಯತ್ನ ಮಾಡಲಾಗಿದೆ’ ಎಂದು ಆಯ್ಕೆ ಸಮಿತಿ ಮುಖ್ಯಸ್ಥೆ ಉರೂಜ್ ಮುಮ್ತಾಜ್ ತಿಳಿಸಿದರು.

ತಂಡ: ಬಿಸ್ಮಾ ಮರೂಫ್ (ನಾಯಕಿ), ಅಯ್ಮನ್ ಅನ್ವರ್‌, ಅಲಿಯಾ ರಿಯಾಜ್, ಅನಾಮ್ ಅಮೀನ್, ಆಯೆಷಾ ನಸೀಮ್‌, ಡಯಾನ ಬೇಗ್‌, ಫಾತಿಮಾ ಸನಾ, ಇರಮ್ ಜಾವೇದ್‌, ಜವೇರಿಯಾ ಖಾನ್, ಮುನೀಬಾ ಅಲಿ, ನೀದಾ ದರ್‌, ಒಮೈಮಾ ಸೊಹೈಲ್, ಸಾದಿಯಾ ಇಕ್ಬಾಲ್, ಸಿದ್ರಾ ನವಾಜ್ (ವಿಕೆಟ್ ಕೀಪರ್), ಸೈಯದ್ ಅರೂಬ್ ಶಾ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು