<p><strong>ಮುಂಬೈ : </strong>ಚೊಚ್ಚಲ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) ಟಿ20 ಕ್ರಿಕೆಟ್ ಟೂರ್ನಿಯ ಆಟಗಾರ್ತಿಯರ ಹರಾಜು ಪ್ರಕ್ರಿಯೆಯಲ್ಲಿ ಭಾರತದ ಬ್ಯಾಟರ್ ಸ್ಮೃತಿ ಮಂದಾನ ಅವರಿಗೆ ಜಾಕ್ಪಾಟ್ ಒಲಿದಿದೆ.</p>.<p>ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡ ಅವರಿಗೆ ₹ 3.40 ಕೋಟಿ ನೀಡಿ ತನ್ನದಾಗಿಸಿಕೊಂಡಿದೆ. ಮುಂಬೈನಲ್ಲಿ ಸೋಮವಾರ ನಡೆದ ಹರಾಜಿನಲ್ಲಿ ಮಂದಾನ ಅವರನ್ನು ಸೆಳೆದುಕೊಳ್ಳಲು ಮುಂಬೈ ಇಂಡಿಯನ್ಸ್ ಮತ್ತು ಆರ್ಸಿಬಿ ನಡುವೆ ತುರುಸಿನ ಸ್ಪರ್ಧೆ ಏರ್ಪಟ್ಟಿತ್ತು. ಅಂತಿಮವಾಗಿ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲು ಆರ್ಸಿಬಿ ಯಶಸ್ವಿಯಾಯಿತು.</p>.<p>ಮಂದಾನ ಅವರಿಗೆ ಹೋಲಿಸಿದರೆ ಭಾರತ ತಂಡದ ನಾಯಕಿ ಹರ್ಮನ್ಪ್ರೀತ್ ಕೌರ್ ನಿರೀಕ್ಷಿತ ಮೌಲ್ಯ ಗಳಿಸಲಿಲ್ಲ. ಮುಂಬೈ ಇಂಡಿಯನ್ಸ್ ತಂಡ ₹ 1.80 ಕೋಟಿ ಮೊತ್ತಕ್ಕೆ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿತು.</p>.<p>ಆಲ್ರೌಂಡರ್ ದೀಪ್ತಿ ಶರ್ಮಾ, ಎರಡನೇ ಅತ್ಯಧಿಕ ಬೆಲೆ ಪಡೆದ ಭಾರತದ ಆಟಗಾರ್ತಿ ಎನಿಸಿಕೊಂಡರು. ಅವರು ₹2.60 ಕೋಟಿ ಮೊತ್ತಕ್ಕೆ ಯು.ಪಿ ವಾರಿಯರ್ಸ್ ತಂಡದ ಪಾಲಾದರು.</p>.<p>ಜೆಮಿಮಾ ರಾಡ್ರಿಗಸ್ ₹ 2.20 ಕೋಟಿ ಹಾಗೂ ರಿಚಾ ಘೋಷ್ ₹ 1.90 ಕೋಟಿ ಮೌಲ್ಯ ಪಡೆದುಕೊಂಡರು. ಇವರಿಬ್ಬರು ಭಾನುವಾರ ನಡೆದಿದ್ದ ಪಾಕಿಸ್ತಾನ ವಿರುದ್ಧದ ಟಿ20 ಪಂದ್ಯದಲ್ಲಿ ಮಿಂಚಿದ್ದರು. ಇದು ಕೂಡಾ ಅವರ ಮೌಲ್ಯ ಹೆಚ್ಚಲು ಕಾರಣವಾಯಿತು.</p>.<p>ವಿದೇಶಿ ಆಟಗಾರ್ತಿಯರಲ್ಲಿ ಆಸ್ಟ್ರೇಲಿಯಾದ ಆಫ್ಸ್ಪಿನ್ ಆಲ್ರೌಂಡರ್ ಆ್ಯಶ್ಲೆ ಗಾರ್ಡನರ್ ಮತ್ತು ಇಂಗ್ಲೆಂಡ್ನ ನಥಾಲಿ ಸಿವೆರ್ ಬ್ರಂಟ್ ಅತಿಹೆಚ್ಚು ಬೆಲೆ ಪಡೆದರು. ಅವರು ತಲಾ ₹ 3.20 ಕೋಟಿಗೆ ಗುಜರಾತ್ ಜೈಂಟ್ಸ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳ ಪಾಲಾದರು.</p>.<p>ಭಾರತದ ಯಸ್ಟಿಕಾ ಭಾಟಿಯಾ ಮತ್ತು ವೇಗದ ಬೌಲರ್ ರೇಣುಕಾ ಸಿಂಗ್ ಅವರು ತಲಾ ₹ 1.50 ಕೋಟಿ ಪಡೆದುಕೊಂಡರೆ, ದೇವಿಕಾ ವೈದ್ಯ ₹ 1.40 ಕೋಟಿ ಮೌಲ್ಯ ಗಳಿಸಿದರು.</p>.<p>ಪೂಜಾ ವಸ್ತ್ರಕರ್ ಮತ್ತು ರಿಚಾ ಘೋಷ್ ಅವರು ತಲಾ ₹ 1.90 ಕೋಟಿ ಗಿಟ್ಟಿಕೊಂಡು ಅಚ್ಚರಿ ಮೂಡಿಸಿದರು. ಇವರು ಕ್ರಮವಾಗಿ ಮುಂಬೈ ಇಂಡಿಯನ್ಸ್ ಮತ್ತು ಆರ್ಸಿಬಿ ತಂಡದ ಪಾಲಾದರು.</p>.<p>ಮಹಿಳಾ ಕ್ರಿಕೆಟ್ನ ಅತ್ಯುತ್ತಮ ನಾಯಕಿಯರಲ್ಲಿ ಒಬ್ಬರಾಗಿರುವ ಆಸ್ಟ್ರೇಲಿಯಾದ ಮೆಗ್ ಲ್ಯಾನಿಂಗ್ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ ತಂಡ ₹ 1.10 ಕೋಟಿ ನೀಡಿ ಬಿಡ್ನಲ್ಲಿ ಜಯಿಸಿತು.</p>.<p>ಆಸ್ಟ್ರೇಲಿಯಾದ ವಿಕೆಟ್ಕೀಪರ್ ಬ್ಯಾಟರ್ ಅಲಿಸಾ ಹೀಲಿ, ದಕ್ಷಿಣ ಆಫ್ರಿಕಾದ ಆಲ್ರೌಂಡರ್ ಮರಿಜನ್ ಕಾಪ್, ನ್ಯೂಜಿಲೆಂಡ್ನ ಅಮೆಲಿಯಾ ಕೆರ್ ಅವರೂ ಹೆಚ್ಚಿನ ಮೊತ್ತ ಗಳಿಸಿದರು.</p>.<p>ಪ್ರತಿ ಫ್ರಾಂಚೈಸ್ಗಳಿಗೆ ತಲ ₹12 ಕೋಟಿ ಪರ್ಸ್ ಮೌಲ್ಯ ನಿಗದಿಪಡಿಸಲಾಗಿತ್ತು. ಆರ್ಸಿಬಿ ತಂಡ ತನ್ನ ಮೊದಲ ನಾಲ್ವರು ಆಟಗಾರ್ತಿಯರಿಗೆ ₹ 7.10 ಕೋಟಿ ಖರ್ಚು ಮಾಡಿತು. ಉಳಿದ ಮೊತ್ತದಿಂದ ಇತರ ಆಟಗಾರ್ತಿಯರನ್ನು ತಂಡಕ್ಕೆ ಸೇರಿಸಿಕೊಂಡಿತು.</p>.<p>ಸ್ಮೃತಿ, ಅಲಿಸಾ ಸೇರಿದಂತೆ 24 ಆಟಗಾರ್ತಿಯರಿಗೆ ತಲಾ ₹ 50 ಲಕ್ಷ ಮೂಲಬೆಲೆ ನಿಗದಿ ಮಾಡಲಾಗಿತ್ತು. ಅದರಲ್ಲಿ ಭಾರತದ 14 ಮತ್ತು ವಿದೇಶದ 10 ಆಟಗಾರ್ತಿಯರಿದ್ದರು.</p>.<p>ಪ್ರತಿ ತಂಡಕ್ಕೆ ಕನಿಷ್ಠ 15 ಮತ್ತು ಗರಿಷ್ಠ 18 ಆಟಗಾರ್ತಿಯರನ್ನು ಹೊಂದಲು ಅವಕಾಶವಿತ್ತು. ಚೊಚ್ಚಲ ಟೂರ್ನಿ ಮಾರ್ಚ್ 4ರಿಂದ 26ರವರೆಗೆ ಆಯೋಜನೆಯಾಗಿದೆ. ಒಟ್ಟು 22 ಪಂದ್ಯಗಳು ನಡೆಯಲಿವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ : </strong>ಚೊಚ್ಚಲ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) ಟಿ20 ಕ್ರಿಕೆಟ್ ಟೂರ್ನಿಯ ಆಟಗಾರ್ತಿಯರ ಹರಾಜು ಪ್ರಕ್ರಿಯೆಯಲ್ಲಿ ಭಾರತದ ಬ್ಯಾಟರ್ ಸ್ಮೃತಿ ಮಂದಾನ ಅವರಿಗೆ ಜಾಕ್ಪಾಟ್ ಒಲಿದಿದೆ.</p>.<p>ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡ ಅವರಿಗೆ ₹ 3.40 ಕೋಟಿ ನೀಡಿ ತನ್ನದಾಗಿಸಿಕೊಂಡಿದೆ. ಮುಂಬೈನಲ್ಲಿ ಸೋಮವಾರ ನಡೆದ ಹರಾಜಿನಲ್ಲಿ ಮಂದಾನ ಅವರನ್ನು ಸೆಳೆದುಕೊಳ್ಳಲು ಮುಂಬೈ ಇಂಡಿಯನ್ಸ್ ಮತ್ತು ಆರ್ಸಿಬಿ ನಡುವೆ ತುರುಸಿನ ಸ್ಪರ್ಧೆ ಏರ್ಪಟ್ಟಿತ್ತು. ಅಂತಿಮವಾಗಿ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲು ಆರ್ಸಿಬಿ ಯಶಸ್ವಿಯಾಯಿತು.</p>.<p>ಮಂದಾನ ಅವರಿಗೆ ಹೋಲಿಸಿದರೆ ಭಾರತ ತಂಡದ ನಾಯಕಿ ಹರ್ಮನ್ಪ್ರೀತ್ ಕೌರ್ ನಿರೀಕ್ಷಿತ ಮೌಲ್ಯ ಗಳಿಸಲಿಲ್ಲ. ಮುಂಬೈ ಇಂಡಿಯನ್ಸ್ ತಂಡ ₹ 1.80 ಕೋಟಿ ಮೊತ್ತಕ್ಕೆ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿತು.</p>.<p>ಆಲ್ರೌಂಡರ್ ದೀಪ್ತಿ ಶರ್ಮಾ, ಎರಡನೇ ಅತ್ಯಧಿಕ ಬೆಲೆ ಪಡೆದ ಭಾರತದ ಆಟಗಾರ್ತಿ ಎನಿಸಿಕೊಂಡರು. ಅವರು ₹2.60 ಕೋಟಿ ಮೊತ್ತಕ್ಕೆ ಯು.ಪಿ ವಾರಿಯರ್ಸ್ ತಂಡದ ಪಾಲಾದರು.</p>.<p>ಜೆಮಿಮಾ ರಾಡ್ರಿಗಸ್ ₹ 2.20 ಕೋಟಿ ಹಾಗೂ ರಿಚಾ ಘೋಷ್ ₹ 1.90 ಕೋಟಿ ಮೌಲ್ಯ ಪಡೆದುಕೊಂಡರು. ಇವರಿಬ್ಬರು ಭಾನುವಾರ ನಡೆದಿದ್ದ ಪಾಕಿಸ್ತಾನ ವಿರುದ್ಧದ ಟಿ20 ಪಂದ್ಯದಲ್ಲಿ ಮಿಂಚಿದ್ದರು. ಇದು ಕೂಡಾ ಅವರ ಮೌಲ್ಯ ಹೆಚ್ಚಲು ಕಾರಣವಾಯಿತು.</p>.<p>ವಿದೇಶಿ ಆಟಗಾರ್ತಿಯರಲ್ಲಿ ಆಸ್ಟ್ರೇಲಿಯಾದ ಆಫ್ಸ್ಪಿನ್ ಆಲ್ರೌಂಡರ್ ಆ್ಯಶ್ಲೆ ಗಾರ್ಡನರ್ ಮತ್ತು ಇಂಗ್ಲೆಂಡ್ನ ನಥಾಲಿ ಸಿವೆರ್ ಬ್ರಂಟ್ ಅತಿಹೆಚ್ಚು ಬೆಲೆ ಪಡೆದರು. ಅವರು ತಲಾ ₹ 3.20 ಕೋಟಿಗೆ ಗುಜರಾತ್ ಜೈಂಟ್ಸ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳ ಪಾಲಾದರು.</p>.<p>ಭಾರತದ ಯಸ್ಟಿಕಾ ಭಾಟಿಯಾ ಮತ್ತು ವೇಗದ ಬೌಲರ್ ರೇಣುಕಾ ಸಿಂಗ್ ಅವರು ತಲಾ ₹ 1.50 ಕೋಟಿ ಪಡೆದುಕೊಂಡರೆ, ದೇವಿಕಾ ವೈದ್ಯ ₹ 1.40 ಕೋಟಿ ಮೌಲ್ಯ ಗಳಿಸಿದರು.</p>.<p>ಪೂಜಾ ವಸ್ತ್ರಕರ್ ಮತ್ತು ರಿಚಾ ಘೋಷ್ ಅವರು ತಲಾ ₹ 1.90 ಕೋಟಿ ಗಿಟ್ಟಿಕೊಂಡು ಅಚ್ಚರಿ ಮೂಡಿಸಿದರು. ಇವರು ಕ್ರಮವಾಗಿ ಮುಂಬೈ ಇಂಡಿಯನ್ಸ್ ಮತ್ತು ಆರ್ಸಿಬಿ ತಂಡದ ಪಾಲಾದರು.</p>.<p>ಮಹಿಳಾ ಕ್ರಿಕೆಟ್ನ ಅತ್ಯುತ್ತಮ ನಾಯಕಿಯರಲ್ಲಿ ಒಬ್ಬರಾಗಿರುವ ಆಸ್ಟ್ರೇಲಿಯಾದ ಮೆಗ್ ಲ್ಯಾನಿಂಗ್ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ ತಂಡ ₹ 1.10 ಕೋಟಿ ನೀಡಿ ಬಿಡ್ನಲ್ಲಿ ಜಯಿಸಿತು.</p>.<p>ಆಸ್ಟ್ರೇಲಿಯಾದ ವಿಕೆಟ್ಕೀಪರ್ ಬ್ಯಾಟರ್ ಅಲಿಸಾ ಹೀಲಿ, ದಕ್ಷಿಣ ಆಫ್ರಿಕಾದ ಆಲ್ರೌಂಡರ್ ಮರಿಜನ್ ಕಾಪ್, ನ್ಯೂಜಿಲೆಂಡ್ನ ಅಮೆಲಿಯಾ ಕೆರ್ ಅವರೂ ಹೆಚ್ಚಿನ ಮೊತ್ತ ಗಳಿಸಿದರು.</p>.<p>ಪ್ರತಿ ಫ್ರಾಂಚೈಸ್ಗಳಿಗೆ ತಲ ₹12 ಕೋಟಿ ಪರ್ಸ್ ಮೌಲ್ಯ ನಿಗದಿಪಡಿಸಲಾಗಿತ್ತು. ಆರ್ಸಿಬಿ ತಂಡ ತನ್ನ ಮೊದಲ ನಾಲ್ವರು ಆಟಗಾರ್ತಿಯರಿಗೆ ₹ 7.10 ಕೋಟಿ ಖರ್ಚು ಮಾಡಿತು. ಉಳಿದ ಮೊತ್ತದಿಂದ ಇತರ ಆಟಗಾರ್ತಿಯರನ್ನು ತಂಡಕ್ಕೆ ಸೇರಿಸಿಕೊಂಡಿತು.</p>.<p>ಸ್ಮೃತಿ, ಅಲಿಸಾ ಸೇರಿದಂತೆ 24 ಆಟಗಾರ್ತಿಯರಿಗೆ ತಲಾ ₹ 50 ಲಕ್ಷ ಮೂಲಬೆಲೆ ನಿಗದಿ ಮಾಡಲಾಗಿತ್ತು. ಅದರಲ್ಲಿ ಭಾರತದ 14 ಮತ್ತು ವಿದೇಶದ 10 ಆಟಗಾರ್ತಿಯರಿದ್ದರು.</p>.<p>ಪ್ರತಿ ತಂಡಕ್ಕೆ ಕನಿಷ್ಠ 15 ಮತ್ತು ಗರಿಷ್ಠ 18 ಆಟಗಾರ್ತಿಯರನ್ನು ಹೊಂದಲು ಅವಕಾಶವಿತ್ತು. ಚೊಚ್ಚಲ ಟೂರ್ನಿ ಮಾರ್ಚ್ 4ರಿಂದ 26ರವರೆಗೆ ಆಯೋಜನೆಯಾಗಿದೆ. ಒಟ್ಟು 22 ಪಂದ್ಯಗಳು ನಡೆಯಲಿವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
