<p><strong>ಹೋವ್, ಇಂಗ್ಲೆಂಡ್: </strong>ಅಗ್ರಕ್ರಮಾಂಕದ ಮೂವರು ಬ್ಯಾಟ್ಸ್ಮನ್ಗಳು ಸಿಡಿಸಿದ ಅರ್ಧಶತಕಗಳ ಬಲದಿಂದ ಭಾರತದ 19 ವರ್ಷದೊಳಗಿನವರ ತಂಡದವರು ತ್ರಿಕೋನ ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ.</p>.<p>ಕೌಂಟಿ ಮೈದಾನದಲ್ಲಿ ಭಾನುವಾರ ರಾತ್ರಿ ನಡೆದ ಫೈನಲ್ನಲ್ಲಿ ಭಾರತ ತಂಡವು 6 ವಿಕೆಟ್ಗಳಿಂದ ಬಾಂಗ್ಲಾದೇಶವನ್ನು ಮಣಿಸಿತು.</p>.<p>ಮೊದಲು ಬ್ಯಾಟ್ ಮಾಡಿದ ಅಕ್ಬಲ್ ಅಲಿ ಮುಂದಾಳತ್ವದ ಬಾಂಗ್ಲಾ 50 ಓವರ್ಗಳಲ್ಲಿ 261ರನ್ ದಾಖಲಿಸಿತು. ಈ ಗುರಿಯನ್ನು ಪ್ರಿಯಂ ಗರ್ಗ್ ಸಾರಥ್ಯದ ಭಾರತ 48.4 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಮುಟ್ಟಿತು.</p>.<p>ಯಶಸ್ವಿ ಜೈಸ್ವಾಲ್ (50; 72ಎ, 6ಬೌಂ) ಮತ್ತು ದಿವ್ಯಾಂಶ್ ಸಕ್ಸೇನಾ (55; 65ಎ, 5ಬೌಂ) ಭಾರತ ತಂಡಕ್ಕೆ ಭದ್ರ ಅಡಿಪಾಯ ಹಾಕಿಕೊಟ್ಟರು. ಈ ಜೋಡಿ ಮೊದಲ ವಿಕೆಟ್ಗೆ 104ರನ್ ಸೇರಿಸಿ ಗರ್ಗ್ ಪಡೆಯ ಗೆಲುವಿನ ಹಾದಿ ಸುಗಮ ಮಾಡಿತು.</p>.<p>23 ಮತ್ತು 26ನೇ ಓವರ್ಗಳಲ್ಲಿ ಕ್ರಮವಾಗಿ ಸಕ್ಸೇನಾ ಮತ್ತು ಜೈಸ್ವಾಲ್ ವಿಕೆಟ್ ಉರುಳಿಸಿದ ರಕೀಬುಲ್ ಹಸನ್, ಬಾಂಗ್ಲಾ ಆಟಗಾರರು ನಿಟ್ಟುಸಿರು ಬಿಡುವಂತೆ ಮಾಡಿದರು. ಕೆ.ಪ್ರಜ್ಞೇಶ್ ಕೂಡ ಬೇಗನೆ ಪೆವಿಲಿಯನ್ ಸೇರಿದ್ದರಿಂದ ಬಾಂಗ್ಲಾ ತಂಡ ಜಯದ ಕನಸು ಕಂಡಿತ್ತು.</p>.<p>ಈ ಹಂತದಲ್ಲಿ ಒಂದಾದ ನಾಯಕ ಪ್ರಿಯಂ (73; 66ಎ, 4ಬೌಂ, 2ಸಿ) ಮತ್ತು ವಿಕೆಟ್ ಕೀಪರ್ ಧ್ರುವ ಜುರೆಲ್ (ಔಟಾಗದೆ 59; 73ಎ, 4ಬೌಂ, 1ಸಿ) ಬಾಂಗ್ಲಾ ಬೌಲರ್ಗಳನ್ನು ಕಾಡಿದರು. ಇವರು ನಾಲ್ಕನೇ ವಿಕೆಟ್ಗೆ 109ರನ್ ಸೇರಿಸಿ ತಂಡವನ್ನು ಜಯದ ಹೆಬ್ಬಾಗಿಲಿಗೆ ತಂದು ನಿಲ್ಲಿಸಿದರು.</p>.<p>46ನೇ ಓವರ್ನ ಕೊನೆಯ ಎಸೆತದಲ್ಲಿ ಪ್ರಿಯಂ ಔಟಾದರು. ಬಳಿಕ ಜುರೆಲ್ ಹಾಗೂ ತಿಲಕ್ ವರ್ಮಾ (ಔಟಾಗದೆ 16; 10ಎ, 3ಬೌಂ) ಗೆಲುವಿನ ಶಾಸ್ತ್ರ ಮುಗಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: </strong>ಬಾಂಗ್ಲಾದೇಶ: 50 ಓವರ್ಗಳಲ್ಲಿ 261 (ತಂಜಿದ್ ಹಸನ್ 26, ಪರ್ವೇಜ್ ಹೊಸೈನ್ ಎಮೊನ್ 60, ಮಹಮದುಲ್ ಹಸನ್ ರಾಯ್ 109, ಶಮೀಮ್ ಹೊಸೈನ್ 32; ಕಾರ್ತಿಕ್ ತ್ಯಾಗಿ 49ಕ್ಕೆ2, ಸುಶಾಂತ್ ಮಿಶ್ರಾ 33ಕ್ಕೆ2, ರವಿ ಬಿಷ್ಣೋಯಿ 50ಕ್ಕೆ1, ಶುಭಾಂಗ್ ಹೆಗ್ಡೆ 42ಕ್ಕೆ1).</p>.<p>ಭಾರತ: 48.4 ಓವರ್ಗಳಲ್ಲಿ 264 (ಯಶಸ್ವಿ ಜೈಸ್ವಾಲ್ 50, ದಿವ್ಯಾಂಶ್ ಸಕ್ಸೇನಾ 55, ಪ್ರಿಯಂ ಗರ್ಗ್ 73, ಧ್ರುವ ಜುರೆಲ್ ಔಟಾಗದೆ 59, ತಿಲಕ್ ವರ್ಮಾ ಔಟಾಗದೆ 16; ಶೋರಿಫುಲ್ ಇಸ್ಲಾಂ 42ಕ್ಕೆ1, ಮೃತ್ಯುಂಜಯ ಚೌಧರಿ 49ಕ್ಕೆ1, ರಕೀಬುಲ್ ಹಸನ್ 55ಕ್ಕೆ2).</p>.<p><strong>ಫಲಿತಾಂಶ</strong>: ಭಾರತಕ್ಕೆ 6 ವಿಕೆಟ್ ಗೆಲುವು ಹಾಗೂ ಪ್ರಶಸ್ತಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೋವ್, ಇಂಗ್ಲೆಂಡ್: </strong>ಅಗ್ರಕ್ರಮಾಂಕದ ಮೂವರು ಬ್ಯಾಟ್ಸ್ಮನ್ಗಳು ಸಿಡಿಸಿದ ಅರ್ಧಶತಕಗಳ ಬಲದಿಂದ ಭಾರತದ 19 ವರ್ಷದೊಳಗಿನವರ ತಂಡದವರು ತ್ರಿಕೋನ ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ.</p>.<p>ಕೌಂಟಿ ಮೈದಾನದಲ್ಲಿ ಭಾನುವಾರ ರಾತ್ರಿ ನಡೆದ ಫೈನಲ್ನಲ್ಲಿ ಭಾರತ ತಂಡವು 6 ವಿಕೆಟ್ಗಳಿಂದ ಬಾಂಗ್ಲಾದೇಶವನ್ನು ಮಣಿಸಿತು.</p>.<p>ಮೊದಲು ಬ್ಯಾಟ್ ಮಾಡಿದ ಅಕ್ಬಲ್ ಅಲಿ ಮುಂದಾಳತ್ವದ ಬಾಂಗ್ಲಾ 50 ಓವರ್ಗಳಲ್ಲಿ 261ರನ್ ದಾಖಲಿಸಿತು. ಈ ಗುರಿಯನ್ನು ಪ್ರಿಯಂ ಗರ್ಗ್ ಸಾರಥ್ಯದ ಭಾರತ 48.4 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಮುಟ್ಟಿತು.</p>.<p>ಯಶಸ್ವಿ ಜೈಸ್ವಾಲ್ (50; 72ಎ, 6ಬೌಂ) ಮತ್ತು ದಿವ್ಯಾಂಶ್ ಸಕ್ಸೇನಾ (55; 65ಎ, 5ಬೌಂ) ಭಾರತ ತಂಡಕ್ಕೆ ಭದ್ರ ಅಡಿಪಾಯ ಹಾಕಿಕೊಟ್ಟರು. ಈ ಜೋಡಿ ಮೊದಲ ವಿಕೆಟ್ಗೆ 104ರನ್ ಸೇರಿಸಿ ಗರ್ಗ್ ಪಡೆಯ ಗೆಲುವಿನ ಹಾದಿ ಸುಗಮ ಮಾಡಿತು.</p>.<p>23 ಮತ್ತು 26ನೇ ಓವರ್ಗಳಲ್ಲಿ ಕ್ರಮವಾಗಿ ಸಕ್ಸೇನಾ ಮತ್ತು ಜೈಸ್ವಾಲ್ ವಿಕೆಟ್ ಉರುಳಿಸಿದ ರಕೀಬುಲ್ ಹಸನ್, ಬಾಂಗ್ಲಾ ಆಟಗಾರರು ನಿಟ್ಟುಸಿರು ಬಿಡುವಂತೆ ಮಾಡಿದರು. ಕೆ.ಪ್ರಜ್ಞೇಶ್ ಕೂಡ ಬೇಗನೆ ಪೆವಿಲಿಯನ್ ಸೇರಿದ್ದರಿಂದ ಬಾಂಗ್ಲಾ ತಂಡ ಜಯದ ಕನಸು ಕಂಡಿತ್ತು.</p>.<p>ಈ ಹಂತದಲ್ಲಿ ಒಂದಾದ ನಾಯಕ ಪ್ರಿಯಂ (73; 66ಎ, 4ಬೌಂ, 2ಸಿ) ಮತ್ತು ವಿಕೆಟ್ ಕೀಪರ್ ಧ್ರುವ ಜುರೆಲ್ (ಔಟಾಗದೆ 59; 73ಎ, 4ಬೌಂ, 1ಸಿ) ಬಾಂಗ್ಲಾ ಬೌಲರ್ಗಳನ್ನು ಕಾಡಿದರು. ಇವರು ನಾಲ್ಕನೇ ವಿಕೆಟ್ಗೆ 109ರನ್ ಸೇರಿಸಿ ತಂಡವನ್ನು ಜಯದ ಹೆಬ್ಬಾಗಿಲಿಗೆ ತಂದು ನಿಲ್ಲಿಸಿದರು.</p>.<p>46ನೇ ಓವರ್ನ ಕೊನೆಯ ಎಸೆತದಲ್ಲಿ ಪ್ರಿಯಂ ಔಟಾದರು. ಬಳಿಕ ಜುರೆಲ್ ಹಾಗೂ ತಿಲಕ್ ವರ್ಮಾ (ಔಟಾಗದೆ 16; 10ಎ, 3ಬೌಂ) ಗೆಲುವಿನ ಶಾಸ್ತ್ರ ಮುಗಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: </strong>ಬಾಂಗ್ಲಾದೇಶ: 50 ಓವರ್ಗಳಲ್ಲಿ 261 (ತಂಜಿದ್ ಹಸನ್ 26, ಪರ್ವೇಜ್ ಹೊಸೈನ್ ಎಮೊನ್ 60, ಮಹಮದುಲ್ ಹಸನ್ ರಾಯ್ 109, ಶಮೀಮ್ ಹೊಸೈನ್ 32; ಕಾರ್ತಿಕ್ ತ್ಯಾಗಿ 49ಕ್ಕೆ2, ಸುಶಾಂತ್ ಮಿಶ್ರಾ 33ಕ್ಕೆ2, ರವಿ ಬಿಷ್ಣೋಯಿ 50ಕ್ಕೆ1, ಶುಭಾಂಗ್ ಹೆಗ್ಡೆ 42ಕ್ಕೆ1).</p>.<p>ಭಾರತ: 48.4 ಓವರ್ಗಳಲ್ಲಿ 264 (ಯಶಸ್ವಿ ಜೈಸ್ವಾಲ್ 50, ದಿವ್ಯಾಂಶ್ ಸಕ್ಸೇನಾ 55, ಪ್ರಿಯಂ ಗರ್ಗ್ 73, ಧ್ರುವ ಜುರೆಲ್ ಔಟಾಗದೆ 59, ತಿಲಕ್ ವರ್ಮಾ ಔಟಾಗದೆ 16; ಶೋರಿಫುಲ್ ಇಸ್ಲಾಂ 42ಕ್ಕೆ1, ಮೃತ್ಯುಂಜಯ ಚೌಧರಿ 49ಕ್ಕೆ1, ರಕೀಬುಲ್ ಹಸನ್ 55ಕ್ಕೆ2).</p>.<p><strong>ಫಲಿತಾಂಶ</strong>: ಭಾರತಕ್ಕೆ 6 ವಿಕೆಟ್ ಗೆಲುವು ಹಾಗೂ ಪ್ರಶಸ್ತಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
