ಐಎಸ್‌ಎಲ್‌: ನಿರಾಸೆಯ ಕೂಪದಲ್ಲಿ ಚೆನ್ನೈಯಿನ್‌

44 ಹಾಗೂ 80ನೇ ನಿಮಿಷಗಳಲ್ಲಿ ಲಭಿಸಿದ ಪೆನಾಲ್ಟಿ ಅವಕಾಶಗಳಲ್ಲಿ ಗೋಲು ಗಳಿಸಿದ ಮ್ಯಾನ್ವೆಲ್‌ ಲಾನ್ಜೆರೊಟ್ ಮತ್ತು 14ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದ ಜಯೇಶ್ ರಾಣೆ, ಎಟಿಕೆಯ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಚೆನ್ನೈಯಿನ್‌ ಪರ 24ನೇ ನಿಮಿಷದಲ್ಲಿ ತೊಯಿ ಸಿಂಗ್ ಗೋಲು ಗಳಿಸಿದರು. 88ನೇ ನಿಮಿಷದಲ್ಲಿ ಐಸಾಕ್ ವನಮಾಲಸೌಮ ಗಳಿಸಿದ ಗೋಲಿನಿಂದ ತಂಡದ ಸೋಲಿನ ಅಂತರ ಕಡಿಮೆ ಆಯಿತು.

ಡೈನಾಮೋಸ್‌ಗೆ ಮುಂಬೈ ಸವಾಲು: ಟೂರ್ನಿಯಲ್ಲಿ ಈ ವರೆಗೆ ಜಯ ಕಾಣದ ಡೆಲ್ಲಿ ಡೈನಾಮೋಸ್ ತಂಡ ಸೋಮವಾರ ನಡೆಯಲಿರುವ ಪಂದ್ಯದಲ್ಲಿ ಮುಂಬೈ ಸಿಟಿ ಎಫ್‌ಸಿ ಎದುರು ಸೆಣಸಲಿದೆ. ನವದೆಹಲಿಯ ಜವಾಹರಲಾಲ್ ನೆಹರು ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದೆ.

ಒಂಬತ್ತು ಪಂದ್ಯಗಳಲ್ಲಿ ನಾಲ್ಕನ್ನು ಡ್ರಾ ಮಾಡಿಕೊಂಡಿರುವ ಡೆಲ್ಲಿ ಐದರಲ್ಲಿ ಸೋತಿದೆ.ಪಾಯಿಂಟ್ ಪಟ್ಟಿಯಲ್ಲಿ ಈ ತಂಡ ಕೊನೆಯ ಸ್ಥಾನದಲ್ಲಿದೆ. ಆರನೇ ಸ್ಥಾನದಲ್ಲಿರುವ ಮುಂಬೈ ಸಿಟಿ ಎಫ್‌ಸಿ ಎಂಟು ಪಂದ್ಯಗಳ ಪೈಕಿ ನಾಲ್ಕರಲ್ಲಿ ಗೆದ್ದಿದೆ. ಎರಡು ಪಂದ್ಯಗಳನ್ನು ಡ್ರಾ ಮಾಡಿಕೊಂಡಿದ್ದು ಎರಡರಲ್ಲಿ ಸೋತಿದೆ.