ಬೆಂಗಳೂರು: ಬಿ.ಯು. ಮಿಥುನ್ ಮತ್ತು ನಿಖಿಲ್ ದಾಸ್ ಅವರ ಆಟದ ನೆರವಿನಿಂದ ಎಫ್ಸಿ ಡೆಕ್ಕನ್ ತಂಡವು ಬಿಡಿಎಫ್ಎ ಸೂಪರ್ ಡಿವಿಷನ್ ಫುಟ್ಬಾಲ್ ಲೀಗ್ನ ಎರಡನೇ ಸುತ್ತಿನ ಪಂದ್ಯದಲ್ಲಿ 2–1ರಿಂದ ಎಚ್ಎಎಲ್ ಎಫ್ಸಿ ತಂಡವನ್ನು ಮಣಿಸಿತು.
ಬುಧವಾರ ನಡೆದ ಪಂದ್ಯದಲ್ಲಿ ಡೆಕ್ಕನ್ ತಂಡ ಒಂದು ಗೋಲಿನ ಅಂತರದಿಂದ ಜಯ ಸಾಧಿಸಿತು. ಆ ತಂಡದ ಮಿಥುನ್ (16ನೇ ನಿ.), ನಿಖಿಲ್ (47ನೇ) ಗೋಲು ದಾಖಲಿಸಿದರೆ, ಎಚ್ಎಎಲ್ ತಂಡದ ಎಸ್. ಜಾನಿಕೋಮ್ (49) ಒಂದು ಬಾರಿ ಚೆಂಡನ್ನು ಗುರಿ ಸೇರಿಸಿದರು.
ಮತ್ತೊಂದು ಪಂದ್ಯದಲ್ಲಿ ಶೇಕ್ ಮುಜೀಬ್ ಅವರ ಹ್ಯಾಟ್ರಿಕ್ ಗೋಲುಗಳ ಬಲದಿಂದ ಎಂಇಜಿ ಅಂಡ್ ಸೆಂಟರ್ ಎಫ್ಸಿ ತಂಡವು 3–1ರಿಂದ ಸೌತ್ ಯುನೈಟೆಡ್ ಎಫ್ಸಿ ತಂಡವನ್ನು ಮಣಿಸಿತು.
ಮುಜೀಬ್ ಅವರು (19, 25 ಮತ್ತು 89ನೇ) ಮೂರು ಬಾರಿ ಚೆಂಡನ್ನು ಗುರಿ ಸೇರಿಸಿದರೆ, ಎದುರಾಳಿ ತಂಡದ ವಿ.ಎಸ್. ತೋಟ್ಕಧಾರ್ ಜಿಮಿಕ್ (80) ಒಂದು ಗೋಲು ತಂದಿತ್ತರು.