<p><strong>ಈಸ್ಟ್ ರುದರ್ಫೋರ್ಡ್, ಅಮೆರಿಕ</strong>: ನೇಮರ್ ಮತ್ತು ರಾಬರ್ಟೊ ಫಿರ್ಮಿನೊ ಕಾಲ್ಚಳಕದಲ್ಲಿ ಅರಳಿದ ತಲಾ ಒಂದು ಗೋಲುಗಳ ಬಲದಿಂದ ಬ್ರೆಜಿಲ್ ತಂಡ ಅಂತರರಾಷ್ಟ್ರೀಯ ಸೌಹಾರ್ದ ಪಂದ್ಯದಲ್ಲಿ ಗೆದ್ದಿದೆ.</p>.<p>ಶನಿವಾರ ನಡೆದ ಹಣಾಹಣಿಯಲ್ಲಿ ಬ್ರೆಜಿಲ್ 2–0 ಗೋಲುಗಳಿಂದ ಆತಿಥೇಯ ಅಮೆರಿಕವನ್ನು ಸೋಲಿಸಿತು.</p>.<p>ಈ ಬಾರಿಯ ಫಿಫಾ ವಿಶ್ವಕಪ್ನಲ್ಲಿ ಕ್ವಾರ್ಟರ್ ಫೈನಲ್ನಲ್ಲಿ ಸೋತಿದ್ದ ಸಾಂಬಾ ನಾಡಿನ ತಂಡ ಅನಂತರ ಆಡಿದ ಮೊದಲ ಪಂದ್ಯ ಇದಾಗಿದೆ.</p>.<p>ಮೆಟ್ಲೈಫ್ ಕ್ರೀಡಾಂಗಣದಲ್ಲಿ ನಡೆದ ಹೋರಾಟದ 11ನೇ ನಿಮಿಷದಲ್ಲಿ ಫಿರ್ಮಿನೊ ಗೋಲು ದಾಖಲಿಸಿದರು. 43ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ನಲ್ಲಿ ನೇಮರ್ ಚೆಂಡನ್ನು ಗುರಿ ಮುಟ್ಟಿಸಿದರು.</p>.<p>ಬೆಲ್ಜಿಯಂಗೆ ಭರ್ಜರಿ ಜಯ: ಗ್ಲಾಸ್ಗೊದಲ್ಲಿ ನಡೆದ ಸ್ಕಾಟ್ಲೆಂಡ್ ಎದುರಿನ ಪಂದ್ಯದಲ್ಲಿ ಬೆಲ್ಜಿಯಂ 4–0 ಗೋಲುಗಳಿಂದ ಜಯಭೇರಿ ಮೊಳಗಿಸಿತು.</p>.<p>ಈಡನಲ್ ಹಜಾರ್ಡ್ ಬಳಗ ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಅಣಿಯಾಯಿತು. 28ನೇ ನಿಮಿಷದಲ್ಲಿ ರೊಮೆಲು ಲುಕಾಕು ತಂಡದ ಖಾತೆ ತೆರೆದರು. 46ನೇ ನಿಮಿಷದಲ್ಲಿ ಹಜಾರ್ಡ್ ಚೆಂಡನ್ನು ಗುರಿ ಸೇರಿಸಿ 2–0ರ ಮುನ್ನಡೆಗೆ ಕಾರಣರಾದರು.</p>.<p>ಮುಂಚೂಣಿ ವಿಭಾಗದ ಆಟಗಾರ ಬತ್ಸುವಾಯಿ 52 ಮತ್ತು 60ನೇ ನಿಮಿಷಗಳಲ್ಲಿ ಚೆಂಡನ್ನು ಗುರಿ ತಲುಪಿಸಿ ಗೆಲುವಿನ ಅಂತರ ಹೆಚ್ಚಿಸಿದರು.</p>.<p>ಇತರ ಪಂದ್ಯಗಳಲ್ಲಿ ಈಕ್ವೆಡರ್ 2–0ರಲ್ಲಿ ಜಮೈಕಾ ಎದುರೂ, ಕೊಲಂಬಿಯಾ 2–1ರಲ್ಲಿ ವೆನಿಜುವೆಲಾ ಮೇಲೂ, ಉರುಗ್ವೆ 4–1ರಲ್ಲಿ ಮೆಕ್ಸಿಕೊ ವಿರುದ್ಧವೂ, ಅರ್ಜೆಂಟೀನಾ 3–0ರಲ್ಲಿ ಗುವಾಟೆಮಾಲಾ ಮೇಲೂ ವಿಜಯಿಯಾದವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಈಸ್ಟ್ ರುದರ್ಫೋರ್ಡ್, ಅಮೆರಿಕ</strong>: ನೇಮರ್ ಮತ್ತು ರಾಬರ್ಟೊ ಫಿರ್ಮಿನೊ ಕಾಲ್ಚಳಕದಲ್ಲಿ ಅರಳಿದ ತಲಾ ಒಂದು ಗೋಲುಗಳ ಬಲದಿಂದ ಬ್ರೆಜಿಲ್ ತಂಡ ಅಂತರರಾಷ್ಟ್ರೀಯ ಸೌಹಾರ್ದ ಪಂದ್ಯದಲ್ಲಿ ಗೆದ್ದಿದೆ.</p>.<p>ಶನಿವಾರ ನಡೆದ ಹಣಾಹಣಿಯಲ್ಲಿ ಬ್ರೆಜಿಲ್ 2–0 ಗೋಲುಗಳಿಂದ ಆತಿಥೇಯ ಅಮೆರಿಕವನ್ನು ಸೋಲಿಸಿತು.</p>.<p>ಈ ಬಾರಿಯ ಫಿಫಾ ವಿಶ್ವಕಪ್ನಲ್ಲಿ ಕ್ವಾರ್ಟರ್ ಫೈನಲ್ನಲ್ಲಿ ಸೋತಿದ್ದ ಸಾಂಬಾ ನಾಡಿನ ತಂಡ ಅನಂತರ ಆಡಿದ ಮೊದಲ ಪಂದ್ಯ ಇದಾಗಿದೆ.</p>.<p>ಮೆಟ್ಲೈಫ್ ಕ್ರೀಡಾಂಗಣದಲ್ಲಿ ನಡೆದ ಹೋರಾಟದ 11ನೇ ನಿಮಿಷದಲ್ಲಿ ಫಿರ್ಮಿನೊ ಗೋಲು ದಾಖಲಿಸಿದರು. 43ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ನಲ್ಲಿ ನೇಮರ್ ಚೆಂಡನ್ನು ಗುರಿ ಮುಟ್ಟಿಸಿದರು.</p>.<p>ಬೆಲ್ಜಿಯಂಗೆ ಭರ್ಜರಿ ಜಯ: ಗ್ಲಾಸ್ಗೊದಲ್ಲಿ ನಡೆದ ಸ್ಕಾಟ್ಲೆಂಡ್ ಎದುರಿನ ಪಂದ್ಯದಲ್ಲಿ ಬೆಲ್ಜಿಯಂ 4–0 ಗೋಲುಗಳಿಂದ ಜಯಭೇರಿ ಮೊಳಗಿಸಿತು.</p>.<p>ಈಡನಲ್ ಹಜಾರ್ಡ್ ಬಳಗ ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಅಣಿಯಾಯಿತು. 28ನೇ ನಿಮಿಷದಲ್ಲಿ ರೊಮೆಲು ಲುಕಾಕು ತಂಡದ ಖಾತೆ ತೆರೆದರು. 46ನೇ ನಿಮಿಷದಲ್ಲಿ ಹಜಾರ್ಡ್ ಚೆಂಡನ್ನು ಗುರಿ ಸೇರಿಸಿ 2–0ರ ಮುನ್ನಡೆಗೆ ಕಾರಣರಾದರು.</p>.<p>ಮುಂಚೂಣಿ ವಿಭಾಗದ ಆಟಗಾರ ಬತ್ಸುವಾಯಿ 52 ಮತ್ತು 60ನೇ ನಿಮಿಷಗಳಲ್ಲಿ ಚೆಂಡನ್ನು ಗುರಿ ತಲುಪಿಸಿ ಗೆಲುವಿನ ಅಂತರ ಹೆಚ್ಚಿಸಿದರು.</p>.<p>ಇತರ ಪಂದ್ಯಗಳಲ್ಲಿ ಈಕ್ವೆಡರ್ 2–0ರಲ್ಲಿ ಜಮೈಕಾ ಎದುರೂ, ಕೊಲಂಬಿಯಾ 2–1ರಲ್ಲಿ ವೆನಿಜುವೆಲಾ ಮೇಲೂ, ಉರುಗ್ವೆ 4–1ರಲ್ಲಿ ಮೆಕ್ಸಿಕೊ ವಿರುದ್ಧವೂ, ಅರ್ಜೆಂಟೀನಾ 3–0ರಲ್ಲಿ ಗುವಾಟೆಮಾಲಾ ಮೇಲೂ ವಿಜಯಿಯಾದವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
