ಬುಧವಾರ, 24 ಏಪ್ರಿಲ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಭಾರತಕ್ಕೆ ಮಾಲ್ಡಿವ್ಸ್ ಸವಾಲು

ಸ್ಯಾಫ್‌ ಕಪ್‌ ಫುಟ್‌ಬಾಲ್‌ ಟೂರ್ನಿ: ನಮ್ಮದು ನೆಚ್ಚಿನ ತಂಡವಲ್ಲ ಎಂದ ಕೋಚ್‌ ಕಾನ್‌ಸ್ಟಂಟೈನ್‌
Last Updated 8 ಸೆಪ್ಟೆಂಬರ್ 2018, 19:30 IST
ಅಕ್ಷರ ಗಾತ್ರ

ಢಾಕ: ಮೊದಲ ಪಂದ್ಯದಲ್ಲಿ ಜಯ ಸಾಧಿಸಿ ಭರವಸೆಯಲ್ಲಿರುವ ಭಾರತ ತಂಡ ಸ್ಯಾಫ್‌ ಕಪ್ ಫುಟ್‌ಬಾಲ್‌ ಟೂರ್ನಿಯ ಎರಡನೇ ಪಂದ್ಯದಲ್ಲಿ ಭಾನುವಾರ ಮಾಲ್ಡಿವ್ಸ್ ತಂಡದ ಸವಾಲನ್ನು ಎದುರಿಸಲಿದೆ. ಇಲ್ಲಿನ ಬಾಂಗಬಂಧು ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದೆ.

ಹಾಲಿ ಚಾಂಪಿಯನ್‌ ಭಾರತ ‘ಬಿ’ ಗುಂಪಿನ ಮೊದಲ ಪಂದ್ಯದಲ್ಲಿ ಶ್ರೀಲಂಕಾವನ್ನು ಮಣಿಸಿತ್ತು. ಮಾಲ್ಡಿವ್ಸ್ ಮೊದಲ ಪಂದ್ಯದಲ್ಲಿ ಶ್ರೀಲಂಕಾ ಜೊತೆ ಗೋಲುರಹಿತ ಡ್ರಾ ಮಾಡಿಕೊಂಡಿತ್ತು. ಪಾಯಿಂಟ್ ಪಟ್ಟಿಯಲ್ಲಿ ಭಾರತ ಈಗ ಅಗ್ರ ಸ್ಥಾನದಲ್ಲಿದೆ. ಸೆಮಿಫೈನಲ್‌ ಪ್ರವೇಶಿಸುವ ಕನಸು ಜೀವಂತವಾಗಿರಿಸಿಕೊಳ್ಳಬೇಕಾದರೆ ಮಾಲ್ಡಿವ್ಸ್‌ಗೆ ಭಾನುವಾರ ಜಯ ಅನಿವಾರ್ಯ ಆಗಿದೆ.

ಮಾಲ್ಡಿವ್ಸ್‌ ತಂಡದ ಎದುರಿನ ಈ ಹಿಂದಿನ ಪಂದ್ಯಗಳಲ್ಲಿ ಭಾರತ ಮೇಲುಗೈ ಸಾಧಿಸಿದೆ. ಸ್ಯಾಫ್‌ ಕಪ್‌ನಲ್ಲಿ 2015ರಲ್ಲಿ ಕೊನೆಯದಾಗಿ ಉಭಯ ತಂಡಗಳು ಮುಖಾಮುಖಿಯಾಗಿದ್ದು ಸುನಿಲ್‌ ಚೆಟ್ರಿ ಮತ್ತು ಜೆಜೆ ಲಾಲ್‌ಪೆಖ್ಲುವಾ ಅವರ ಅಮೋಘ ಆಟದ ನೆರವಿನಿಂದ 3–2ರಲ್ಲಿ ಗೆದ್ದಿತ್ತು.

ತಂಡ ಬಲಿಷ್ಠವಾಗಿದ್ದರೂ ಗೆಲ್ಲುವ ನೆಚ್ಚಿನ ತಂಡ ಎಂದು ಹೇಳಲಾಗದು ಎಂದು ಭಾರತ ತಂಡದ ಕೋಚ್ ಸ್ಟೀಫನ್ ಕಾನ್‌ಸ್ಟಂಟೈನ್ ಹೇಳಿದ್ದಾರೆ.

‘ತಂಡಕ್ಕೆ ಗೆಲ್ಲುವ ಅವಕಾಶಗಳಿವೆ. ಹಾಗೆಂದು ನಾವೇ ಗೆಲ್ಲುತ್ತೇವೆ ಎಂದು ಹೇಳಲಾಗದು. ಯುವ ಆಟಗಾರರೇ ಹೆಚ್ಚಿರುವ ತಂಡ ಅನುಭವಿಗಳನ್ನು ಹೊಂದಿರುವ ಮಾಲ್ಡಿವ್ಸ್ ಎದುರು ಕಣಕ್ಕೆ ಇಳಿಯಲಿದೆ’ ಎಂದು ಸ್ಟೀಫನ್ ಹೇಳಿದರು.

***
ಫಿಫಾ ರ‍್ಯಾಂಕಿಂಗ್‌

ಭಾರತ –96

ಮಾಲ್ಡಿವ್ಸ್‌ –198

ಮುಖಾಮುಖಿ

ಒಟ್ಟು ಪಂದ್ಯಗಳು –18

ಭಾರತದ ಜಯ – 13

ಮಾಲ್ಡಿವ್ಸ್‌ ಜಯ – 2

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT