<p><strong>ನವದೆಹಲಿ</strong>: ಭಾರತ ಆತಿಥ್ಯ ವಹಿಸಲಿರುವ ಫಿಫಾ 17 ವರ್ಷದೊಳಗಿನ ಮಹಿಳೆಯರ ವಿಶ್ವಕಪ್ ಫುಟ್ಬಾಲ್ ಟೂರ್ನಿಯು 2021ರ ಫೆಬ್ರುವರಿ 17ರಿಂದ ಮಾರ್ಚ್ 7ರವರೆಗೆ ನಡೆಯಲಿದೆ. ಕೋವಿಡ್–19 ಪಿಡುಗಿನ ಹಿನ್ನೆಲೆಯಲ್ಲಿ ಮುಂದೂಡಿಕೆಯಾಗಿದ್ದ ಈ ಟೂರ್ನಿಯ ಪರಿಷ್ಕೃತ ದಿನಾಂಕವನ್ನು ಮಂಗಳವಾರ ಪ್ರಕಟಿಸಲಾಗಿದೆ.</p>.<p>ಈ ಮೊದಲು ಟೂರ್ನಿಯು ಈ ವರ್ಷದ ನವಂಬರ್ 2ರಿಂದ 21ರವರೆಗೆ ನಿಗದಿಯಾಗಿತ್ತು. ಮಹಾಮಾರಿಯ ಕಾರಣ ಹೋದ ತಿಂಗಳು ಅನಿರ್ದಿಷ್ಟಾವಧಿಗೆ ಮುಂದೂಡಲಾಗಿತ್ತು.</p>.<p>‘ಟೂರ್ನಿ 2021ಕ್ಕೆ ನಿಗದಿಯಾಗಿರುವುದರಿಂದ ವಯೋಮಾನದ ಅರ್ಹತಾ ಮಾನದಂಡವು ಬದಲಾಗುವುದಿಲ್ಲ. 2003, ಜನವರಿ 1ರ ನಂತರ ಮತ್ತು 2005ರ ಡಿಸೆಂಬರ್ 31ಕ್ಕಿಂತ ಮೊದಲು ಜನಿಸಿದವರು ಟೂರ್ನಿಗೆ ಅರ್ಹರು’ ಎಂದು ಫಿಫಾ ಹೇಳಿದೆ.</p>.<p>‘ಕೋವಿಡ್–19 ಪಿಡುಗಿನಿಂದ ಉಂಟಾದ ಬಿಕ್ಕಟ್ಟಿನ ಪರಿಸ್ಥಿತಿಯ ಸಂಪೂರ್ಣ ಅವಲೋಕನ ಹಾಗೂ ಫಿಪಾ ಕಾನ್ಫಡರೇಷನ್ಸ್ನ ಶಿಫಾರಸುಗಳ ಬಳಿಕ ಮಂಡಳಿಯ ಬ್ಯೂರೋ ಸಮಿತಿಯು, ಟೂರ್ನಿಯ ಪ್ರಸ್ತಾವಿತ ದಿನಾಂಕವನ್ನು ಖಚಿತಪಡಿಸಿದೆ’ ಎಂದು ಫಿಫಾ ಹೇಳಿದೆ.</p>.<p>ಕೋಲ್ಕತ್ತ, ಗುವಾಹಟಿ, ಭುವನೇಶ್ವರ, ಅಹ್ಮದಾಬಾದ್ ಹಾಗೂ ನವೀ ಮುಂಬೈಗಳಲ್ಲಿ ಟೂರ್ನಿಯ ಪಂದ್ಯಗಳು ನಡೆಯಲಿವೆ. ವಿಶ್ವದಾದ್ಯಂತ 16 ತಂಡಗಳು ಪಾಲ್ಗೊಳ್ಳುತ್ತಿದ್ದು, ಆತಿಥೇಯ ಭಾರತ ಸ್ವಯಂ ಅರ್ಹತೆ ಗಳಿಸಿದೆ. ದೇಶದ ಕಿರಿಯ ಮಹಿಳೆಯರಿಗೆ ಇದು ವಿಶ್ವಕಪ್ನಲ್ಲಿ ದೊರೆಯುತ್ತಿರುವ ಮೊದಲ ಅವಕಾಶ.</p>.<p>ದಿನಾಂಕ ನಿಗದಿ ಕುರಿತು ಪ್ರತಿಕ್ರಿಯಿಸಿರುವ ಕ್ರೀಡಾ ಸಚಿವ ಕಿರಣ್ ರಿಜಿಜು, ಟೂರ್ನಿಯ ಯಶಸ್ಸಿಗೆ ಸಂಪೂರ್ಣ ಸಹಕಾರ ನೀಡುವುದಾಗಿ ತಿಳಿಸಿದ್ದಾರೆ.</p>.<p>ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (ಎಐಎಫ್ಎಫ್) ಹಾಗೂ ಟೂರ್ನಿಯ ಸ್ಥಳೀಯ ಸಂಘಟನಾ ಸಮಿತಿಗಳು (ಎಲ್ಒಸಿ), ಫಿಫಾದ ನಿರ್ಧಾರವನ್ನು ಸ್ವಾಗತಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಭಾರತ ಆತಿಥ್ಯ ವಹಿಸಲಿರುವ ಫಿಫಾ 17 ವರ್ಷದೊಳಗಿನ ಮಹಿಳೆಯರ ವಿಶ್ವಕಪ್ ಫುಟ್ಬಾಲ್ ಟೂರ್ನಿಯು 2021ರ ಫೆಬ್ರುವರಿ 17ರಿಂದ ಮಾರ್ಚ್ 7ರವರೆಗೆ ನಡೆಯಲಿದೆ. ಕೋವಿಡ್–19 ಪಿಡುಗಿನ ಹಿನ್ನೆಲೆಯಲ್ಲಿ ಮುಂದೂಡಿಕೆಯಾಗಿದ್ದ ಈ ಟೂರ್ನಿಯ ಪರಿಷ್ಕೃತ ದಿನಾಂಕವನ್ನು ಮಂಗಳವಾರ ಪ್ರಕಟಿಸಲಾಗಿದೆ.</p>.<p>ಈ ಮೊದಲು ಟೂರ್ನಿಯು ಈ ವರ್ಷದ ನವಂಬರ್ 2ರಿಂದ 21ರವರೆಗೆ ನಿಗದಿಯಾಗಿತ್ತು. ಮಹಾಮಾರಿಯ ಕಾರಣ ಹೋದ ತಿಂಗಳು ಅನಿರ್ದಿಷ್ಟಾವಧಿಗೆ ಮುಂದೂಡಲಾಗಿತ್ತು.</p>.<p>‘ಟೂರ್ನಿ 2021ಕ್ಕೆ ನಿಗದಿಯಾಗಿರುವುದರಿಂದ ವಯೋಮಾನದ ಅರ್ಹತಾ ಮಾನದಂಡವು ಬದಲಾಗುವುದಿಲ್ಲ. 2003, ಜನವರಿ 1ರ ನಂತರ ಮತ್ತು 2005ರ ಡಿಸೆಂಬರ್ 31ಕ್ಕಿಂತ ಮೊದಲು ಜನಿಸಿದವರು ಟೂರ್ನಿಗೆ ಅರ್ಹರು’ ಎಂದು ಫಿಫಾ ಹೇಳಿದೆ.</p>.<p>‘ಕೋವಿಡ್–19 ಪಿಡುಗಿನಿಂದ ಉಂಟಾದ ಬಿಕ್ಕಟ್ಟಿನ ಪರಿಸ್ಥಿತಿಯ ಸಂಪೂರ್ಣ ಅವಲೋಕನ ಹಾಗೂ ಫಿಪಾ ಕಾನ್ಫಡರೇಷನ್ಸ್ನ ಶಿಫಾರಸುಗಳ ಬಳಿಕ ಮಂಡಳಿಯ ಬ್ಯೂರೋ ಸಮಿತಿಯು, ಟೂರ್ನಿಯ ಪ್ರಸ್ತಾವಿತ ದಿನಾಂಕವನ್ನು ಖಚಿತಪಡಿಸಿದೆ’ ಎಂದು ಫಿಫಾ ಹೇಳಿದೆ.</p>.<p>ಕೋಲ್ಕತ್ತ, ಗುವಾಹಟಿ, ಭುವನೇಶ್ವರ, ಅಹ್ಮದಾಬಾದ್ ಹಾಗೂ ನವೀ ಮುಂಬೈಗಳಲ್ಲಿ ಟೂರ್ನಿಯ ಪಂದ್ಯಗಳು ನಡೆಯಲಿವೆ. ವಿಶ್ವದಾದ್ಯಂತ 16 ತಂಡಗಳು ಪಾಲ್ಗೊಳ್ಳುತ್ತಿದ್ದು, ಆತಿಥೇಯ ಭಾರತ ಸ್ವಯಂ ಅರ್ಹತೆ ಗಳಿಸಿದೆ. ದೇಶದ ಕಿರಿಯ ಮಹಿಳೆಯರಿಗೆ ಇದು ವಿಶ್ವಕಪ್ನಲ್ಲಿ ದೊರೆಯುತ್ತಿರುವ ಮೊದಲ ಅವಕಾಶ.</p>.<p>ದಿನಾಂಕ ನಿಗದಿ ಕುರಿತು ಪ್ರತಿಕ್ರಿಯಿಸಿರುವ ಕ್ರೀಡಾ ಸಚಿವ ಕಿರಣ್ ರಿಜಿಜು, ಟೂರ್ನಿಯ ಯಶಸ್ಸಿಗೆ ಸಂಪೂರ್ಣ ಸಹಕಾರ ನೀಡುವುದಾಗಿ ತಿಳಿಸಿದ್ದಾರೆ.</p>.<p>ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (ಎಐಎಫ್ಎಫ್) ಹಾಗೂ ಟೂರ್ನಿಯ ಸ್ಥಳೀಯ ಸಂಘಟನಾ ಸಮಿತಿಗಳು (ಎಲ್ಒಸಿ), ಫಿಫಾದ ನಿರ್ಧಾರವನ್ನು ಸ್ವಾಗತಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
