ಫುಟ್‌ಬಾಲ್ ಕ್ಲಬ್‌ಗಳಿಗೆ ಲೈಸೆನ್ಸ್ ಬೇಕಾದರೆ ಮಹಿಳಾ ತಂಡ ಇರಲೇಬೇಕು

ನವದೆಹಲಿ: ದೇಶದಲ್ಲಿ ಯಾವುದೇ ಫುಟ್ಬಾಲ್ ಕ್ಲಬ್ ಲೈಸೆನ್ಸ್ ಪಡೆಯಬೇಕಾದರೆ ಮಹಿಳಾ ತಂಡವನ್ನು ಹೊಂದಿರಲೇಬೇಕು ಎಂಬುದನ್ನು ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (ಎಐಎಫ್ಎಫ್) ಕಡ್ಡಾಯ ಮಾಡಿದೆ. ಫೆಡರೇಷನ್ ಪ್ರಧಾನ ಕಾರ್ಯದರ್ಶಿ ಕುಶಾಲ್ ದಾಸ್ ಶನಿವಾರ ಈ ವಿಷಯ ತಿಳಿಸಿದ್ದಾರೆ.

. ’ಮಹಿಳಾ ತಂಡ ಹೊಂದಿರಬೇಕು ಎಂಬುದನ್ನು ಲೈಸೆನ್ಸ್ ನೀಡುವ ಪ್ರಕ್ರಿಯೆಯ ನಿಯಮದಲ್ಲಿ ಸೇರ್ಪಡೆಗೊಳಿಸಲಾಗಿದೆ. ’ಎ‘ ಅಥವಾ ‘ಬಿ’ ಡಿವಿಷನ್ ಹಂತದ ತಂಡ ಇರಬೇಕು ಎಂದೇನೂ ಇಲ್ಲ. ಆರಂಭಿಕ ಹಂತದ ತಂಡವಾಗಿದ್ದರೂ ಸಾಕು‘ ಎಂದು ಅವರು ವಿವರಿಸಿದ್ದಾರೆ.

. ’ಯುವ ಅಭಿವೃದ್ಧಿ ಕಾರ್ಯಕ್ರಮವನ್ನು ಎಐಎಫ್ಎಫ್ ಕಡ್ಡಾಯಗೊಳಿಸಿದೆ. ಕ್ಲಬ್ಗಳು ಮಹಿಳಾ ತಂಡ ಹೊಂದಿರಬೇಕು ಎಂಬ ವಿಷಯದಲ್ಲೂ ಅದೇ ರೀತಿಯ ತೀರ್ಮಾನ ಕೈಗೊಂಡಿದೆ. ಇದು, ಇಂಡಿಯನ್ ವಿಮೆನ್ಸ್ ಲೀಗ್ನಲ್ಲಿ ಹೆಚ್ಚು ತಂಡಗಳು ಪಾಲ್ಗೊಳ್ಳುವಂತೆ ಮಾಡಲು ನೆರವಾಗಲಿದೆ‘ ಎಂದು ದಾಸ್ ಅಭಿಪ್ರಾಯಪಟ್ಟರು.

. ’ಭಾರತದಲ್ಲಿ ಮಹಿಳಾ ಫುಟ್ಬಾಲ್ ಇತ್ತೀಚೆಗೆ ಅಭಿವೃದ್ಧಿ ಪಥದಲ್ಲಿ ಸಾಗುತ್ತಿದೆ. ಮುಂದಿನ ವರ್ಷ ದೇಶವು 17 ವರ್ಷದೊಳಗಿನ ಮಹಿಳೆಯರ ವಿಶ್ವಕಪ್ ಟೂರ್ನಿಗೆ ಆತಿಥ್ಯ ವಹಿಸಲಿದೆ. 2022ರಲ್ಲಿ ಎಎಫ್ಸಿ ಏಷ್ಯಾಕಪ್ ಟೂರ್ನಿಯೂ ಭಾರತದಲ್ಲಿ ಆಯೋಜನೆಯಾಗಲಿದೆ. ಇಂಡಿಯನ್ ವಿಮೆನ್ಸ್ ಲಿಗ್ ಇದೀಗ ನಾಲ್ಕು ಆವೃತ್ತಿಗಳನ್ನು ಪೂರೈಸಿದೆ. 2019–20ನೇ ಸಾಲಿನ ಟೂರ್ನಿ ಬೆಂಗಳೂರಿನಲ್ಲಿ ನಡೆದಿದ್ದು 12 ತಂಡಗಳು ಪಾಲ್ಗೊಂಡಿದ್ದವು.

. ’ಮಹಿಳಾ ಫುಟ್ಬಾಲ್ಗೂ ಮಹತ್ವ ಇದೆ ಎಂಬುದನ್ನು ಕ್ಲಬ್ಗಳು ತಿಳಿದಿರಬೇಕು. ಮಹಿಳಾ ವಿಭಾಗಕ್ಕೆ ಫೆಡರೇಷನ್ ಆದ್ಯತೆ ನೀಡುತ್ತಿದ್ದು ಅದೇ ವಿಧಾನವನ್ನು ಕ್ಲಬ್ಗಳು ಕೂಡ ಪಾಲಿಸಬೇಕು‘ ಎಂದು ಕುಶಾಲ್ ದಾಸ್ ಹೇಳಿದರು.

. ಎಸಿಎಲ್ ಟೂರ್ನಿ: ಅವಕಾಶ ಲಭಿಸಿದ್ದು ಖುಷಿ

. ’ಏಷ್ಯನ್ ಚಾಂಪಿಯನ್ಸ್ ಲೀಗ್ನಲ್ಲಿ ಭಾಗವಹಿಸಲು ಭಾರತಕ್ಕೆ ಅವಕಾಶ ಲಭಿಸಿದ್ದು ಖುಷಿಯ ಸಂಗತಿ. ಭಾರತದ ಕ್ಲಬ್ ಅಂತಿಮ ನಾಲ್ಕರ ಘಟ್ಟದಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆ ಇದೆ. ಎಎಫ್ಸಿ ಕಪ್ ಟೂರ್ನಿಯಲ್ಲಿ ಭಾರತ ಉತ್ತಮ ಸಾಮರ್ಥ್ಯ ತೋರಿದ್ದು ಏಷ್ಯನ್ ಕ್ಲಬ್ ಲೀಗ್ನಲ್ಲಿ ಗುಂಪು ಹಂತವನ್ನು ದಾಟಿ ಮುಂದೆ ಸಾಗುವುದು ನಮ್ಮ ಉದ್ದೇಶ‘ ಎಂದು ಅವರು ತಿಳಿಸಿದರು.

. ’ಭಾರತದ ಫುಟ್ಬಾಲ್ಗೆ ಹೊಸ ರೂಪ ನೀಡುವ ಕಾರ್ಯ ಆರಂಭಗೊಂಡಿದೆ. ಈ ಹಂತದಲ್ಲಿ ಅನೇಕ ಸವಾಲುಗಳನ್ನು ಎದುರಿಸಬೇಕಾಗಿದೆ. ಇದಕ್ಕಾಗಿ ಕ್ಲಬ್ಗಳ ಸಹಕಾರ ಮುಖ್ಯ. ಯುವ ಲೀಗ್ಗಳನ್ನು ಆಯೋಜಿಸುವುದು ಮತ್ತು ಅದಕ್ಕಾಗಿ ಹಣ ಹೂಡುವುದು ಕ್ಲಬ್ಗಳ ಆದ್ಯತೆಯಾಗಬೇಕು. ಗೋಲ್ಡನ್ ಬೇಬಿ ಲೀಗ್, ಸಬ್ ಜೂನಿಯರ್, ಜೂನಿಯರ್ ಮತ್ತು ಎಲೈಟ್ ಲೀಗ್ಗಳನ್ನು ಈಗಾಗಲೇ ಸಮರ್ಪಕವಾಗಿ ಆಯೋಜಿಸಲಾಗುತ್ತಿದೆ‘ ಎಂದು ದಾಸ್ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫುಟ್‌ಬಾಲ್ ಕ್ಲಬ್‌ಗಳಿಗೆ ಲೈಸೆನ್ಸ್ ಬೇಕಾದರೆ ಮಹಿಳಾ ತಂಡ ಇರಲೇಬೇಕು

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ