ಬ್ಯಾಡ್ಮಿಂಟನ್ ಟೂರ್ನಿ: ಅಗ್ರ ಶ್ರೇಯಾಂಕಿತರಿಗೆ ಆಘಾತ

ಮಂಗಳೂರು : ಅಗ್ರ ಶ್ರೇಯಾಂಕದ ಹೇಮಂತ್ ಎಂ. ಗೌಡ ಮತ್ತು ಎರಡನೇ ಶ್ರೇಯಾಂಕದ ಉಮಾಮಹೇಶ್ವರ್ ರೆಡ್ಡಿ ಅವರು ಇಲ್ಲಿ ಮಂಗಳವಾರ ಆರಂಭವಾದ ‘ಚೀಫ್ ಮಿನಿಸ್ಟರ್ಸ್ ಮಂಗಳೂರು ಇಂಡಿಯಾ ಇಂಟರ್ನ್ಯಾಷನಲ್ ಚಾಲೆಂಜ್– 2025’ ಅಂತರರಾಷ್ಟ್ರೀಯ ಬ್ಯಾಡ್ಮಿಂಟನ್ ಟೂರ್ನಿಯ ಕ್ವಾಲಿಫೈಯರ್ನ ಮೊದಲ ಸುತ್ತಿನಲ್ಲಿ ಆಘಾತ ಅನುಭವಿಸಿದರು.

. ಉರ್ವ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪುರುಷರ ಸಿಂಗಲ್ಸ್ನ ಪಂದ್ಯದಲ್ಲಿ ಗೌತಮ್ ಗೌತಮ್ ವಾಲಿಯಾ 21–18, 21–16ರಿಂದ ಹೇಮಂತ್ ಅವರನ್ನು ಮಣಿಸಿದರು. ಶಿವಾಂಶ್ 21–13, 21–10ರಿಂದ ಉಮಾಮಹೇಶ್ವರ್ ಅವರನ್ನು ಹಿಮ್ಮೆಟ್ಟಿಸಿದರು.

. ಮೂರನೇ ಶ್ರೇಯಾಂಕದ ಇರ್ವಿನ್ ಅರೋಕಿಯಾ ವಾಲ್ಟರ್ ಆರಂಭಿಕ ಹಿನ್ನಡೆಯಿಂದ ಚೇತರಿಸಿಕೊಂಡು 15–21, 21–19, 21–16ರಿಂದ ಮನೀಶ್ ಫೋಗಟ್ ಅವರನ್ನು ಮಣಿಸಿ ಕ್ವಾಲಿಫೈಯರ್ನ ಎರಡನೇ ಸುತ್ತು ಪ್ರವೇಶಿಸಿದರು. ಐದನೇ ಶ್ರೇಯಾಂಕದ ಅಂಶ್ ನೇಗಿ 21–14, 21–10ರಿಂದ ಶ್ರವಂತ್ ಸಾಯಿ ಸೂರಿ ಅವರನ್ನು ಸೋಲಿಸಿದರು.

. ಎಂಟನೇ ಶ್ರೇಯಾಂಕದ ಆದಿತ್ಯ ದಿವಾಕರ್, ಒಂಬತ್ತನೇ ಶ್ರೇಯಾಂಕದ ಪ್ರಜ್ವಲ್ ಸೋನವಾನ್ ನಿರಾಯಾಸವಾಗಿ ಎರಡನೇ ಸುತ್ತು ತಲುಪಿದರು. ಆದಿತ್ಯ 21–13, 21–16ರಿಂದ ಅಥರ್ವ ಜೋಶಿ ವಿರುದ್ಧ; ಪ್ರಜ್ವಲ್ 21–18, 21–9ರಿಂದ ಹರ್ಷನ್ ತಡಿಪರ್ತಿ ವಿರುದ್ಧ ಗೆಲುವು ಸಾಧಿಸಿದರು. ಹತ್ತನೇ ಶ್ರೇಯಾಂಕದ ತನ್ಮೊಯ್ ಬಿಕಾಶ್ ಬೋರುವಾ16–21, 22–20, 21–9ರಿಂದ ಕ್ರಿಶ್ ದೇಸಾಯಿ ಅವರನ್ನು ಮಣಿಸಿದರು.

. 11ನೇ ಶ್ರೇಯಾಂಕದ ನವೀನ್ ರಾಜೇಂದ್ರನ್ ಅವರು ಚಿರಾಗ್ ಸೇತ್ ಎದುರು ವಾಕ್ಓವರ್ ಪಡೆದರು. 12ನೇ ಶ್ರೇಯಾಂಕದ ಸಿದ್ಧಾಂತ್ ಸಲಾರ್ 21–15, 21–12ರಿಂದ ವರ್ಷಿತ್ ರೆಡ್ಡಿ ಬೊಕ್ಕ ಎದುರು; 13ನೇ ಶ್ರೇಯಾಂಕದ ಶಿಖರ್ ರಲ್ಲನ್ 21–16, 21–18ರಿಂದ ನಾಗೇಶ್ ಚಾಮ್ಲೆ ಎದುರು; 14ನೇ ಶ್ರೇಯಾಂಕದ ಅಖಿಲ್ ರಾವ್ ಸೂರ್ಯನೇನಿ 21-13, 21-15 ದಿಶಾಂತ್ ಅಹ್ಲಾವತ್ ಎದುರು ಗೆಲುವು ಸಾಧಿಸಿದರು.

. ಮಹಿಳೆಯರ ಸಿಂಗಲ್ಸ್ನಲ್ಲಿ ಪ್ರವೀಣ ಸುಬ್ಬುರಾಜ್ 21–18, 13–21, 21–12ರಿಂದ ತನೀಶಾ ಸಿಂಗ್ ವಿರುದ್ಧ; ಆಯುಷಿ ಭಟ್ 21–4, 21–12ರಿಂದ ನಂದಿನಿ ಎಸ್. ವಿರುದ್ಧ ಜಯ ಸಾಧಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬ್ಯಾಡ್ಮಿಂಟನ್ ಟೂರ್ನಿ: ಅಗ್ರ ಶ್ರೇಯಾಂಕಿತರಿಗೆ ಆಘಾತ

ಚಿನಕುರುಳಿ: ಮಂಗಳವಾರ, 28 ಅಕ್ಟೋಬರ್ 2025

ಚುರುಮುರಿ: ಹೋಗದಿರಿ...

ಪೂರ್ವಾನುಮತಿ ವಿಚಾರ: ಸರ್ಕಾರದ ಹೊಸ ಆದೇಶ ಸಂವಿಧಾನ ವಿರೋಧಿ ಎಂದ ಹೈಕೋರ್ಟ್

ಕಸಾಪಗೆ ಆಡಳಿತಾಧಿಕಾರಿ ನೇಮಕ | KM ಗಾಯತ್ರಿ ಅಧಿಕಾರ ಸ್ವೀಕಾರ: ಜೋಶಿಗೆ ಹಿನ್ನಡೆ