<p><strong>ನವದೆಹಲಿ:</strong> ಐ ಲೀಗ್ ಫುಟ್ಬಾಲ್ ಟೂರ್ನಿಯಲ್ಲಿ ಆಡುತ್ತಿರುವ ರಿಯಲ್ ಕಾಶ್ಮೀರ್ ಫುಟ್ಬಾಲ್ ಕ್ಲಬ್ ತಂಡದ ಕಥೆ ಇದು. ಮಧ್ಯರಾತ್ರಿಯಾಗಲಿ, ಮುಂಜಾನೆಯಾಗಲಿ ಈ ತಂಡದ ಹತ್ತಾರು ಜನರ ನಡುವೆ ಒಂದೇ ಫೋನ್ ಕೈ ಬದಲಾಗುತ್ತಿರುತ್ತದೆ.</p>.<p>ಕಣಿವೆ ರಾಜ್ಯ ಕಾಶ್ಮೀರದಲ್ಲಿ 370ನೇ ವಿಧಿ ರದ್ದುಗೊಂಡ ಬಳಿಕ ದೂರವಾಣಿ ಸಂಪರ್ಕ ಸ್ಥಗಿತಗೊಳಿಸಲಾಗಿದೆ. ಈ ತಂಡದ ಸಹಮಾಲೀಕ ಸಂದೀಪ್ ಚಟ್ಟೂ ಅವರು ಹೊಂದಿರುವ ಫೋನ್ನಿಂದಲೇ ಆಟಗಾರರು ದೇಶ ಹಾಗೂ ವಿದೇಶಗಳಲ್ಲಿರುವ ತಮ್ಮ ಕುಟುಂಬಗಳೊಂದಿಗೆ ಸಂಪರ್ಕ ಸಾಧಿಸುವಂತಾಗಿದೆ.</p>.<p>ಸಂದೀಪ್ ಅವರು ಶಮಿಮ್ ಮೆರಾಜ್ ಅವರೊಂದಿಗೆ ರಿಯಲ್ ಕಾಶ್ಮೀರ ಎಫ್ಸಿ ತಂಡದ ಸಹಮಾಲೀಕತ್ವ ಹೊಂದಿದ್ದಾರೆ. ‘ವಿಶೇಷ ಅನುಮತಿ’ಯೊಂದಿಗೆ ಕಾಶ್ಮೀರದಲ್ಲಿ ಅವರು ತಮ್ಮ ಫೋನ್ ಸಕ್ರಿಯಗೊಳಿಸಿಕೊಂಡಿದ್ದಾರೆ.</p>.<p>‘ಒಂದೊಂದು ಸಲ ನಸುಕಿನ ಮೂರು ಗಂಟೆಗೆ ಫೋನ್ ರಿಂಗಣಿಸುತ್ತದೆ. ಜಿಂಬಾಬ್ವೆ, ಇಂಗ್ಲೆಂಡ್ ಹಾಗೂ ನೈಜಿರೀಯಾದಿಂದಲೂ ಕರೆಗಳು ಬರುತ್ತವೆ’ ಎಂದು ಸಂದೀಪ್ ಹೇಳಿದರು.</p>.<p>ಕಾಶ್ಮೀರದಲ್ಲಿ ಪಂದ್ಯಗಳ ಆಯೋಜನೆ: ರಿಯಲ್ ಕಾಶ್ಮೀರ ಎಫ್ಸಿ ತವರಿನಲ್ಲಿ ಆಡಬೇಕಿರುವ ಐಲೀಗ್ ಟೂರ್ನಿಯ ಪಂದ್ಯಗಳನ್ನು ಶ್ರೀನಗರದಲ್ಲೇ ಆಯೋಜಿಸುವ ವಿಶ್ವಾಸವಿದೆ ಎಂದುಮಂಗಳವಾರ ಸಂದೀಪ್ ಚಟ್ಟೂ ಹೇಳಿದ್ದಾರೆ.</p>.<p>‘ನಾವು ಆಡುವ ಪಂದ್ಯಗಳ ಮಾಹಿತಿಯಿದೆ. ಡಿಸೆಂಬರ್ 12ರಂದು ತವರಿನಲ್ಲಿ ನಮ್ಮ ಮೊದಲ ಪಂದ್ಯ ನಡೆಯಲಿದೆ. ಎಲ್ಲರಿಗೂ ಸ್ವಾಗತ’ ಎಂದು ತಂಡದ ಹೊಸ ಪೋಷಾಕು ಅನಾವರಣ ಮಾಡಿದ ಬಳಿಕ ಅವರು ಮಾತನಾಡಿದರು.</p>.<p>ಪುಲ್ವಾಮಾ ಭಯೋತ್ಪಾದಕ ದಾಳಿಯ ಬಳಿಕ ಶ್ರೀನಗರದಲ್ಲಿ ಐ ಲೀಗ್ ಟೂರ್ನಿಯ ಪಂದ್ಯಗಳನ್ನು ಆಡಲು ಮಿನರ್ವಾ ಪಂಜಾಬ್ ಎಫ್ಸಿ ಹಾಗೂ ಈಸ್ಟ್ ಬೆಂಗಾಲ್ ಎಫ್ಸಿ ತಂಡಗಳು ನಿರಾಕರಿಸಿದ್ದವು.</p>.<p>ಸುರಕ್ಷತೆ ಕುರಿತ ಪ್ರಶ್ನೆಗೆ ಉತ್ತರಿಸಿದ ಸಂದೀಪ್, ‘ಇತರ ರಾಜ್ಯಗಳಲ್ಲಿ ಕ್ಲಬ್ಗಳು ಪಂದ್ಯ ಆಯೋಜಿಸುವ ವೇಳೆ ನೀಡುವ ಉತ್ತಮ ದರ್ಜೆಯ ಭದ್ರತೆಯನ್ನೇ ನಾವು ನಿರೀಕ್ಷಿಸುತ್ತಿದ್ದೇವೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಐ ಲೀಗ್ ಫುಟ್ಬಾಲ್ ಟೂರ್ನಿಯಲ್ಲಿ ಆಡುತ್ತಿರುವ ರಿಯಲ್ ಕಾಶ್ಮೀರ್ ಫುಟ್ಬಾಲ್ ಕ್ಲಬ್ ತಂಡದ ಕಥೆ ಇದು. ಮಧ್ಯರಾತ್ರಿಯಾಗಲಿ, ಮುಂಜಾನೆಯಾಗಲಿ ಈ ತಂಡದ ಹತ್ತಾರು ಜನರ ನಡುವೆ ಒಂದೇ ಫೋನ್ ಕೈ ಬದಲಾಗುತ್ತಿರುತ್ತದೆ.</p>.<p>ಕಣಿವೆ ರಾಜ್ಯ ಕಾಶ್ಮೀರದಲ್ಲಿ 370ನೇ ವಿಧಿ ರದ್ದುಗೊಂಡ ಬಳಿಕ ದೂರವಾಣಿ ಸಂಪರ್ಕ ಸ್ಥಗಿತಗೊಳಿಸಲಾಗಿದೆ. ಈ ತಂಡದ ಸಹಮಾಲೀಕ ಸಂದೀಪ್ ಚಟ್ಟೂ ಅವರು ಹೊಂದಿರುವ ಫೋನ್ನಿಂದಲೇ ಆಟಗಾರರು ದೇಶ ಹಾಗೂ ವಿದೇಶಗಳಲ್ಲಿರುವ ತಮ್ಮ ಕುಟುಂಬಗಳೊಂದಿಗೆ ಸಂಪರ್ಕ ಸಾಧಿಸುವಂತಾಗಿದೆ.</p>.<p>ಸಂದೀಪ್ ಅವರು ಶಮಿಮ್ ಮೆರಾಜ್ ಅವರೊಂದಿಗೆ ರಿಯಲ್ ಕಾಶ್ಮೀರ ಎಫ್ಸಿ ತಂಡದ ಸಹಮಾಲೀಕತ್ವ ಹೊಂದಿದ್ದಾರೆ. ‘ವಿಶೇಷ ಅನುಮತಿ’ಯೊಂದಿಗೆ ಕಾಶ್ಮೀರದಲ್ಲಿ ಅವರು ತಮ್ಮ ಫೋನ್ ಸಕ್ರಿಯಗೊಳಿಸಿಕೊಂಡಿದ್ದಾರೆ.</p>.<p>‘ಒಂದೊಂದು ಸಲ ನಸುಕಿನ ಮೂರು ಗಂಟೆಗೆ ಫೋನ್ ರಿಂಗಣಿಸುತ್ತದೆ. ಜಿಂಬಾಬ್ವೆ, ಇಂಗ್ಲೆಂಡ್ ಹಾಗೂ ನೈಜಿರೀಯಾದಿಂದಲೂ ಕರೆಗಳು ಬರುತ್ತವೆ’ ಎಂದು ಸಂದೀಪ್ ಹೇಳಿದರು.</p>.<p>ಕಾಶ್ಮೀರದಲ್ಲಿ ಪಂದ್ಯಗಳ ಆಯೋಜನೆ: ರಿಯಲ್ ಕಾಶ್ಮೀರ ಎಫ್ಸಿ ತವರಿನಲ್ಲಿ ಆಡಬೇಕಿರುವ ಐಲೀಗ್ ಟೂರ್ನಿಯ ಪಂದ್ಯಗಳನ್ನು ಶ್ರೀನಗರದಲ್ಲೇ ಆಯೋಜಿಸುವ ವಿಶ್ವಾಸವಿದೆ ಎಂದುಮಂಗಳವಾರ ಸಂದೀಪ್ ಚಟ್ಟೂ ಹೇಳಿದ್ದಾರೆ.</p>.<p>‘ನಾವು ಆಡುವ ಪಂದ್ಯಗಳ ಮಾಹಿತಿಯಿದೆ. ಡಿಸೆಂಬರ್ 12ರಂದು ತವರಿನಲ್ಲಿ ನಮ್ಮ ಮೊದಲ ಪಂದ್ಯ ನಡೆಯಲಿದೆ. ಎಲ್ಲರಿಗೂ ಸ್ವಾಗತ’ ಎಂದು ತಂಡದ ಹೊಸ ಪೋಷಾಕು ಅನಾವರಣ ಮಾಡಿದ ಬಳಿಕ ಅವರು ಮಾತನಾಡಿದರು.</p>.<p>ಪುಲ್ವಾಮಾ ಭಯೋತ್ಪಾದಕ ದಾಳಿಯ ಬಳಿಕ ಶ್ರೀನಗರದಲ್ಲಿ ಐ ಲೀಗ್ ಟೂರ್ನಿಯ ಪಂದ್ಯಗಳನ್ನು ಆಡಲು ಮಿನರ್ವಾ ಪಂಜಾಬ್ ಎಫ್ಸಿ ಹಾಗೂ ಈಸ್ಟ್ ಬೆಂಗಾಲ್ ಎಫ್ಸಿ ತಂಡಗಳು ನಿರಾಕರಿಸಿದ್ದವು.</p>.<p>ಸುರಕ್ಷತೆ ಕುರಿತ ಪ್ರಶ್ನೆಗೆ ಉತ್ತರಿಸಿದ ಸಂದೀಪ್, ‘ಇತರ ರಾಜ್ಯಗಳಲ್ಲಿ ಕ್ಲಬ್ಗಳು ಪಂದ್ಯ ಆಯೋಜಿಸುವ ವೇಳೆ ನೀಡುವ ಉತ್ತಮ ದರ್ಜೆಯ ಭದ್ರತೆಯನ್ನೇ ನಾವು ನಿರೀಕ್ಷಿಸುತ್ತಿದ್ದೇವೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
