ಗೋವಾ ತಂಡದ ಅಲ್ಬರ್ಟೊ 14ನೇ ನಿಮಿಷದಲ್ಲಿ ಗೋಲು ಖಾತೆ ತೆರೆದರು. ಅದಕ್ಕೆ ತಿರುಗೇಟು ನೀಡಿದ ಬೆಂಗಾಲ್ ತಂಡದ ಅಂಟೋನಿಯೊ ಪೆರೊಸೊವಿಚ್ 26ನೇ ನಿಮಿಷದಲ್ಲಿ ಗೋಲು ಗಳಿಸಿದರು. ಆದರೆಈ ಸಂತಸ ಹೆಚ್ಚು ಹೊತ್ತು ಉಳಿಯಲಿಲ್ಲ. ಗೋವಾದ ಜಾರ್ಜ್ ಒರ್ಲಿಜ್ ಮೆಂಡೊನ್ಸಾ 32ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿಯಲ್ಲಿ ಗೋಲು ಬಾರಿಸಿದರು. ಬೆಂಗಾಲ್ ತಂಡದ ಅಮೀರ್ ಡರ್ಸೆವಿಚ್ 37ನೇ ನಿಮಿಷದಲ್ಲಿ ಗೋಲು ಹೊಡೆದು ಸಮಬಲಕ್ಕೆ ಕಾರಣರಾದರು. ಆದರೆ, ಅವರ ತಂಡದ ಅಂಟೋನಿಯೊ 44ನೇ ನಿಮಿಷದಲ್ಲಿ ಗೋವಾಕ್ಕೆ ಉಡುಗೊರೆ ಗೋಲು ನೀಡಿದರು.