ಏಕಪಕ್ಷೀಯ ಗೆಲುವಿನೊಂದಿಗೆ ಪ್ರೀಮಿಯರ್ ಲೀಗ್ ಪ್ರಶಸ್ತಿಯತ್ತ ಲಿವರ್ ಪೂಲ್

ಲಿವರ್ಪೂಲ್: ಮೂರು ದಶಕಗಳಿಂದ ಪ್ರೀಮಿಯರ್ ಲೀಗ್ ಪ್ರಶಸ್ತಿಗೆ ಮುತ್ತಿಡಲು ಕಾಯುತ್ತಿರುವ ಲಿವರ್ ಪೂಲ್ ತಂಡದ ಕನಸು ಈ ಬಾರಿ ನನಸಾಗುವ ಸಾಧ್ಯತೆ ನಿಚ್ಚಳವಾಗಿದೆ. ಬುಧವಾರ ರಾತ್ರಿ ನಡೆದ ಪಂದ್ಯದಲ್ಲಿ ಆಕ್ರಮಣಕಾರಿ ಆಟವಾಡಿದ ಲಿವರ್ ಪೂಲ್ ಏಕಪಕ್ಷೀಯವಾದ ನಾಲ್ಕು ಗೋಲುಗಳಿಂದ ಕ್ರಿಸ್ಟಲ್ ಪ್ಯಾಲೇಸ್ ವಿರುದ್ಧ ಗೆಲುವು ಸಾಧಿಸಿತು.

. ಜೂರ್ಗನ್ ಕ್ಲಾಪ್ ಕೋಚ್ ಆಗಿರುವ ತಂಡ ಈ ಬಾರಿ ಆರಂಭದಿಂದಲೇ ಅಮೋಘ ಸಾಮರ್ಥ್ಯ ಪ್ರದರ್ಶಿಸಿದ್ದು ಮುಂದಿನ ಪಂದ್ಯದಲ್ಲಿ ಮ್ಯಾಂಚೆಸ್ಟರ್ ಸಿಟಿ ತಂಡ ಚೆಲ್ಸಿ ವಿರುದ್ಧ ಸೋತರೆ ಲಿವರ್ ಪೂಲ್ ತಂಡದ ಹಾದಿ ಇನ್ನಷ್ಟು ಸುಗಮವಾಗಲಿದೆ. ಹಾಲಿ ಚಾಂಪಿಯನ್ ಮ್ಯಾಂಚೆಸ್ಟರ್ ಸಿಟಿ ತಂಡ ಸದ್ಯ ದ್ವಿತೀಯ ಸ್ಥಾನದಲ್ಲಿದ್ದು 30 ಪಂದ್ಯಗಳಿಂದ 63 ಪಾಯಿಂಟ್ ಕಲೆ ಹಾಕಿದೆ. ಲಿವರ್ ಪೂಲ್ 31 ಪಂದ್ಯಗಳನ್ನು ಆಡಿದ್ದು 86 ಪಾಯಿಂಟ್ ಅದರ ಬಗಲಲ್ಲಿ ಇದೆ. ಮುಂದಿನ ಗುರುವಾರ ಈ ಎರಡೂ ತಂಡಳು ಮುಖಾಮುಖಿ ಆಗಲಿವೆ.

. ‘ಮ್ಯಾಂಚೆಸ್ಟರ್ ಸಿಟಿ ತಂಡದ ಮುಂದಿನ ಪಂದ್ಯಕ್ಕಾಗಿ ಕಾಯುತ್ತಿದ್ದೇನೆ. ಸಂಭ್ರಮಾಚರಣೆಗಾಗಿ ಅಲ್ಲ; ಮುಂದಿನ ಗುರುವಾರ ಆ ತಂಡವನ್ನು ಎದುರಿಸುವುದಕ್ಕಾಗಿ’ ಎಂದು ಕ್ಲಾಪ್ ಹೇಳಿದರು.

. ಲಿವರ್ ಪೂಲ್ ತಂಡಕ್ಕೆ ಇನ್ನೂ ಏಳು ಪಂದ್ಯಗಳು ಬಾಕಿ ಇವೆ. ಈ ಪಂದ್ಯಗಳಿಂದ ಗರಿಷ್ಠ ಎರಡು ಪಾಯಿಂಟ್ ಕಲೆ ಹಾಕುವುದು ಕ್ಲಾಪ್ ಗುರಿ. ಲೀಗ್ ಪುನರಾರಂಭಗೊಂಡ ನಂತರ ಕಳೆದ ಭಾನುವಾರ ತನ್ನ ಮೊದಲ ಪಂದ್ಯದಲ್ಲಿ ಲಿವರ್ ಪೂಲ್ ತಂಡ ಎವರ್ಟನ್ ವಿರುದ್ಧ ಗೋಲು ರಹಿತ ಡ್ರಾಗೆ ತೃಪ್ತಿಪಟ್ಟುಕೊಂಡಿತ್ತು. ಆದರೆ ಬುಧವಾರದ ಪಂದ್ಯದಲ್ಲಿ ಪ್ಯಾಲೇಸ್ಗೆ ಪೆಟ್ಟು ನೀಡಿತು.

. 23ನೇ ನಿಮಿಷದಲ್ಲಿ ಲಭಿಸಿದ ಫ್ರೀ ಕಿಕ್ನಲ್ಲಿ ಟ್ರೆಂಟಿ ಅಲೆಕ್ಸಾಂಡರ್ ಅರ್ನಾಲ್ಡ್ ಚೆಂಡನ್ನು ಗುರಿ ಮುಟ್ಟಿಸಿ ತಂಡಕ್ಕೆ ಮೊದಲ ಗೋಲು ಗಳಿಸಿಕೊಟ್ಟರು. ವಿರಾಮಕ್ಕೆ ತೆರಳಲು ಒಂದು ನಿಮಿಷ ಬಾಕಿ ಇದ್ದಾಗ ಮೊಹಮ್ಮದ್ ಸಲಾ ಕಾಲ್ಚಳಕ ತೋರಿದರು. ಫ್ಯಾಬಿನೊ ನೀಡಿದ ಕ್ರಾಸ್ನಿಂದ ಈ ಗೋಲು ಮೂಡಿ ಬಂತು.

. ದ್ವಿತೀಯಾರ್ಧದಲ್ಲಿ ಲಿವರ್ ಪೂಲ್ ಆಕ್ರಮಣ ಇನ್ನಷ್ಟು ಪರಿಣಾಮಕಾರಿಯಾಯಿತು. 55ನೇ ನಿಮಿಷದಲ್ಲಿ ಫ್ಯಾಬಿನೊ ಮಿಂಚಿನ ವೇಗದಲ್ಲಿ ಚೆಂಡನ್ನು ಒದ್ದು ಗುರಿ ಸೇರಿಸಿದರು. 69ನೇ ನಿಮಿಷದಲ್ಲಿ ಮೊಹಮ್ಮದ್ ಸಲಾ ನೀಡಿದ ಪಾಸ್ನಿಂದ ಸಾಡಿಯೊ ಮಾನೆ ಗಳಿಸಿದ ಗೋಲಿನ ಮೂಲಕ ತಂಡ ಸಂಪೂರ್ಣ ಆಧಿಪತ್ಯ ಸ್ಥಾಪಿಸಿತು. ಈ ಗೆಲುವಿನ ಮೂಲಕ ತಂಡ ಈ ಬಾರಿ ತವರಿನಲ್ಲಿ ಆಡಿದ ಎಲ್ಲ 16 ಪಂದ್ಯಗಳನ್ನೂ ಗೆದ್ದ ಖುಷಿಯ ಅಲೆಯಲ್ಲಿ ತೇಲಿತು.

. ‘ಈ ಬಾರಿ ತಂಡದ ಅತ್ಯಂತ ಗಮನಾರ್ಹ ಗೆಲುವು ಇದು. ಈ ಪಂದ್ಯದಲ್ಲೂ ಲೀಗ್ನಲ್ಲೂ ತೋರಿದ ಸಾಮರ್ಥ್ಯ ಅತ್ಯಂತ ಖುಷಿ ತಂದಿದೆ’ ಎಂದು ಕ್ಲಾಪ್ ಪಂದ್ಯದ ನಂತರ ಹೇಳಿದರು.

. ವಿಶ್ವ ಆರೋಗ್ಯ ಸಂಸ್ಥೆಯು ಕೊರೊನಾ ವೈರಾಣು ಹಾವಳಿಯ ಬಗ್ಗೆ ಎಚ್ಚರಿಕೆ ನೀಡಿದ ದಿನವೇ ಲಿವರ್ ಪೂಲ್ ತಂಡ ಚಾಂಪಿಯನ್ಸ್ ಲೀಗ್ ಟೂರ್ನಿಯಲ್ಲಿ ಅತ್ಲೆಟಿಕೊ ಮ್ಯಾಡ್ರಿಡ್ ಎದುರು ಸೋತಿತ್ತು. ನಂತರ ಮಾರ್ಚ್ 11ರಂದು ಫುಟ್ಬಾಲ್ ಚಟುವಟಿಕೆಯನ್ನು ಸ್ಥಗಿತಗೊಳಿಸಲಾಗಿತ್ತು. ಈಗ ಹೆಚ್ಚು ಪ್ರೇಕ್ಷಕರಿಗೆ ಅವಕಾಶ ನೀಡದೆ ಪಂದ್ಯಗಳನ್ನು ನಡೆಸಲಾಗುತ್ತದೆ.ಬುಧವಾರದ ಪಂದ್ಯಕ್ಕೆ 300 ಮಂದಿಯನ್ನು ಮಾತ್ರ ಅಂಗಣದೊಳಗೆ ಬಿಡಲಾಗಿತ್ತು. ಅವರಲ್ಲಿ 1990ರಲ್ಲಿ ಕೊನೆಯದಾಗಿ ತಂಡ ಪ್ರಶಸ್ತಿ ಗೆದ್ದಾಗ ಮ್ಯಾನೇಜರ್ ಆಗಿದ್ದ ಕೆನಿ ಡಗ್ಲಿಷ್ ಕೂಡ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಏಕಪಕ್ಷೀಯ ಗೆಲುವಿನೊಂದಿಗೆ ಪ್ರೀಮಿಯರ್ ಲೀಗ್ ಪ್ರಶಸ್ತಿಯತ್ತ ಲಿವರ್ ಪೂಲ್

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ