ಮರ್ಫಿ ಟೌನ್‌ ತಂಡಗಳು ಫೈನಲ್‌ಗೆ

ಹಿರಿಯರ ವಿಭಾಗದ ಸೆಮಿಫೈನಲ್‌ನಲ್ಲಿ ಜೀವನಹಳ್ಳಿ ತಂಡವನ್ನು 1–0ಯಿಂದ ಮರ್ಫಿಟೌನ್‌ ಮಣಿಸಿತು. 40+2ನೇ ನಿಮಿಷದಲ್ಲಿ ಸತೀಶ್ ಗೋಲು ಗಳಿಸಿದರು. ಮತ್ತೊಂದು ಪಂದ್ಯದಲ್ಲಿ ಶಾಂತಿನಗರ ತಂಡ 2–0ಯಿಂದ ಪೆರಿಯಾರ್ ನಗರ ತಂಡವನ್ನು ಸೋಲಿಸಿತು. 16 ಮತ್ತು 40+1ನೇ ನಿಮಿಷಗಳಲ್ಲಿ ಲಾರೆನ್ಸ್‌ ಚೆಂಡನ್ನು ಗುರಿ ಮುಟ್ಟಿಸಿದರು.

ಯೂತ್ ವಿಭಾಗದ ಫೈನಲ್ ಪಂದ್ಯ ಭಾನುವಾರ ಬೆಳಿಗ್ಗೆ ಎಂಟು ಗಂಟೆಗೆ ನಡೆಯಲಿದ್ದು ಮರ್ಫಿ ಟೌನ್‌ ಮತ್ತು ಗೌತಮಪುರ ತಂಡಗಳು ಸೆಣಸಲಿವೆ. ಒಂಬತ್ತು ಗಂಟೆಗೆ ಹಿರಿಯರ ಹಣಾಹಣಿ ನಡೆಯಲಿದೆ. 11 ಗಂಟೆಗೆ ನಡೆಯಲಿರುವ ‘ಸಿ’ ಡಿವಿಷನ್‌ ಟೂರ್ನಿಯ ಫೈನಲ್‌ನಲ್ಲಿ ಬೆಂಗಳೂರು ಪ್ಯಾಂಥರ್ಸ್ ಎಫ್‌ಸಿ ಮತ್ತು ರೊನಾಲ್ಡೊ ಎಫ್‌ಸಿ ಮುಖಾಮುಖಿಯಾಗಲಿವೆ.

10 ಗಂಟೆಗೆ ಸ್ವಾತಂತ್ರ್ಯೋತ್ಸವದ ಧ್ವಜಾರೋಹಣ ನಡೆಯಲಿದೆ ಎಂದು ಕೆಎಸ್‌ಎಫ್‌ಎ–ಬಿಡಿಎಫ್‌ಎ ಪ್ರಕಟಣೆ ತಿಳಿಸಿದೆ.