ದ್ವಿತೀಯಾರ್ಧದಲ್ಲಿ ಆಟ ಇನ್ನಷ್ಟು ರಂಗೇರಿತು. ಯೋಹಾನ್ ವಿಕ್ಟರ್ ಬ್ರಿಟ್ಟೊ ಅವರು 64ನೇ ಚಾಣಾಕ್ಷತನದಿಂದ ಚೆಂಡನ್ನು ಗುರಿ ಸೇರಿಸಿ ರೂಟ್ಸ್ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ಆ ಬಳಿಕವೂ ತಂಡವು ಅದೇ ಲಯ ಕಾಯ್ದುಕೊಂಡಿತ್ತು. ಆದರೆ 87ನೇ ನಿಮಿಷದಲ್ಲಿ ದೊರೆತ ಪೆನಾಲ್ಟಿ ಅವಕಾಶದಲ್ಲಿ ಗೋಲು ದಾಖಲಿಸಿದ ಗೋಕುಲಂನ ಸ್ಯಾಮ್ಯುಯೆಲ್ ಮೆನ್ಶಾ ಕೊನ್ನೆ ರೂಟ್ಸ್ ಜಯದ ಆಸೆಗೆ ತಣ್ಣೀರೆರೆಚಿದರು. ರೂಟ್ಸ್ ಆಟಗಾರರ ನಿಖರ ಪಾಸ್ಗಳು ಪಂದ್ಯದಲ್ಲಿ ಗಮನಸೆಳೆದವು.