<p>ದಕ್ಷಿಣ ಕೊರಿಯಾದ ಸನ್ ಹ್ಯೂಂಗ್ ಮಿನ್ ಅವರಿಗೆ ಈ ಬಾರಿಯ ಪ್ರೀಮಿಯರ್ ಲೀಗ್, ಯುರೋಪಾ ಲೀಗ್ ಮತ್ತು ಕ್ಯಾರಬವೊ ಕಪ್ (ಇಎಫ್ಎಲ್ ಕಪ್) ಫುಟ್ಬಾಲ್ ಟೂರ್ನಿಗಳು ಚಿನ್ನದ ಬೆಲೆ ತಂದುಕೊಟ್ಟಿವೆ. ಟಾಟೆನ್ಹ್ಯಾಂ ಹಾಟ್ಸ್ಪುರ್ ತಂಡದ ಪರ ಆಡುತ್ತಿರುವ ಈ ಫಾರ್ವರ್ಡರ್ ಮೂರು ಟೂರ್ನಿಗಳಲ್ಲಿ ಈಗಾಗಲೇ 15 ಗೋಲುಗಳನ್ನು ಗಳಿಸಿದ್ದು ಆರು ಅಸಿಸ್ಟ್ಗಳ ಮೂಲಕ ಮಿಂಚಿದ್ದಾರೆ. ನಗುನಗುತ್ತಾ ಗೋಲು ಗಳಿಸುವುದು ಸನ್ ಹ್ಯೂಂಗ್ ಮಿನ್ ಅವರ ‘ಟ್ರೇಡ್ ಮಾರ್ಕ್’ ಆಗಿರುವುದರಿಂದ ಇಷ್ಟರಲ್ಲೇ ಫುಟ್ಬಾಲ್ ಪ್ರಿಯರ ಮನ ಗೆದ್ದಿದ್ಧಾರೆ.</p>.<p>ಮತ್ತೊಬ್ಬ ಪ್ರಮುಖ ಸ್ಟ್ರೈಕರ್ ಹ್ಯಾರಿ ಕೇನ್ ಜೊತೆಗೂಡಿ ಸನ್ ಹ್ಯೂಂಗ್ ತಂಡಕ್ಕೆ ಉತ್ತಮ ಕೊಡುಗೆ ನೀಡಿದ್ದಾರೆ. ಹ್ಯಾರಿ ಕೇನ್ ಈ ವರೆಗೆ 12 ಗೋಲು ಗಳಿಸಿದ್ದು 13 ಅಸಿಸ್ಟ್ಗಳ ಮೂಲಕ ಗಮನ ಸೆಳೆದಿದ್ದಾರೆ. ಈ ಜೋಡಿ ಈಗಾಗಲೇ ಫುಟ್ಬಾಲ್ ವಿಶ್ಲೇಷಕರಿಂದ ಮೆಚ್ಚುಗೆ ಗಳಿಸಿದ್ದಾರೆ. ಸನ್ ಹ್ಯೂಂಗ್ ಅವರ ಗೋಲು ಗಳಿಕೆ ಸಾಮರ್ಥ್ಯ ಫುಟ್ಬಾಲ್ ಪಂಡಿತರಿಂದ ಮೆಚ್ಚುಗೆಗೂ ಪಾತ್ರವಾಗಿದೆ.</p>.<p>ಆಕ್ರಮಣಕಾರಿ ಆಟಕ್ಕೆ ಹೆಸರಾಗಿದ್ದರೂ ವೈಯಕ್ತಿಕವಾಗಿ ಅಂಗಣದಲ್ಲೂ ಅಂಗಣದಾಚೆಗೂ ಶಾಂತಗುಣದ ವ್ಯಕ್ತಿ ಅವರು. ಎದುರಾಳಿ ತಂಡದವರಾಗಿರಲಿ, ತನ್ನದೇ ತಂಡದವರಾಗಿರಲಿ ಬಿದ್ದರೆ ಎಲ್ಲಿದ್ದರೂ ಓಡಿ ಬಂದು ಎದ್ದು ಕೂರಿಸುವ ವ್ಯಕ್ತಿ. ತನ್ನಿಂದಾಗಿ ಯಾರಾದರೂ ಬಿದ್ದು ಗಾಯಗೊಂಡರೆ ಅವರ ಕಣ್ಣಿಂದ ತಕ್ಷಣ ನೀರು ಹರಿಯುತ್ತದೆ. ಈ ಸದ್ಗುಣಗಳು ಬೇರೆ ತಂಡದ ಅಭಿಮಾನಿಗಳನ್ನೂ ಮಂತ್ರಮುಗ್ದಗೊಳಿಸಿವೆ.</p>.<p>2015ರಲ್ಲಿ ಬಯೇರ್ ಲೆವರ್ಕ್ಯೂಸೆನ್ ತಂಡದಲ್ಲಿದ್ದ ಸನ್ ಹ್ಯೂಂಗ್ ನಂತರ ಹಾಟ್ಸ್ಪುರ್ ತಂಡ ಪ್ರವೇಶಿಸಿದ್ದರು. ಅಂದಿನಿಂದ ಈಗಿನ ವರೆಗೆ ತಂಡದ ಬೆನ್ನೆಲುಬು ಆಗಿರುವ ಅವರು ಯುರೋಪ್ ಲೀಗ್ಗಳಲ್ಲಿ ಆಡಿದ ಏಷ್ಯಾದ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾಗಿ ಬೆಳಗಿದ್ದಾರೆ. </p>.<p>ಹಿಂದಿನ ನಾಲ್ಕು ಋತುಗಳಲ್ಲಿ ಪ್ರತಿ ಬಾರಿ 30ಕ್ಕೂ ಹೆಚ್ಚು ಪಂದ್ಯಗಳಲ್ಲಿ ಆಡಿರುವ ಅವರ ಗೋಲು ಗಳಿಕೆ ಮಟ್ಟ ಒಮ್ಮೆಯೂ 10ಕ್ಕಿಂತ ಕಡಿಮೆ ಆಗಲಿಲ್ಲ. ಈ ಬಾರಿ ಈಗಾಗಲೇ 16 ಪಂದ್ಯಗಳನ್ನು ಆಡಿದ್ದಾರೆ. ತಮ್ಮ ಸಾಮರ್ಥ್ಯಕ್ಕೆ ಹ್ಯಾರಿ ಕೇನ್ ಅವರೇ ಪ್ರಮುಖ ಕಾರಣ ಎನ್ನುವ ಉದಾರಿ ಸನ್ ಹ್ಯೂಂಗ್. ಈ ಜೋಡಿ ಪ್ರತಿ ಪಂದ್ಯದಲ್ಲೂ ಬಲಿಷ್ಠವಾಗುತ್ತ ಸಾಗುತ್ತಿದೆ. ಪ್ರೀಮಿಯರ್ ಲೀಗ್ನ ಈ ಋತುವಿನಲ್ಲಿ ಈಗಾಗಲೇ ಇವರಿಬ್ಬರು ಜೊತೆಗೂಡಿ 13 ಗೋಲು ಗಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದಕ್ಷಿಣ ಕೊರಿಯಾದ ಸನ್ ಹ್ಯೂಂಗ್ ಮಿನ್ ಅವರಿಗೆ ಈ ಬಾರಿಯ ಪ್ರೀಮಿಯರ್ ಲೀಗ್, ಯುರೋಪಾ ಲೀಗ್ ಮತ್ತು ಕ್ಯಾರಬವೊ ಕಪ್ (ಇಎಫ್ಎಲ್ ಕಪ್) ಫುಟ್ಬಾಲ್ ಟೂರ್ನಿಗಳು ಚಿನ್ನದ ಬೆಲೆ ತಂದುಕೊಟ್ಟಿವೆ. ಟಾಟೆನ್ಹ್ಯಾಂ ಹಾಟ್ಸ್ಪುರ್ ತಂಡದ ಪರ ಆಡುತ್ತಿರುವ ಈ ಫಾರ್ವರ್ಡರ್ ಮೂರು ಟೂರ್ನಿಗಳಲ್ಲಿ ಈಗಾಗಲೇ 15 ಗೋಲುಗಳನ್ನು ಗಳಿಸಿದ್ದು ಆರು ಅಸಿಸ್ಟ್ಗಳ ಮೂಲಕ ಮಿಂಚಿದ್ದಾರೆ. ನಗುನಗುತ್ತಾ ಗೋಲು ಗಳಿಸುವುದು ಸನ್ ಹ್ಯೂಂಗ್ ಮಿನ್ ಅವರ ‘ಟ್ರೇಡ್ ಮಾರ್ಕ್’ ಆಗಿರುವುದರಿಂದ ಇಷ್ಟರಲ್ಲೇ ಫುಟ್ಬಾಲ್ ಪ್ರಿಯರ ಮನ ಗೆದ್ದಿದ್ಧಾರೆ.</p>.<p>ಮತ್ತೊಬ್ಬ ಪ್ರಮುಖ ಸ್ಟ್ರೈಕರ್ ಹ್ಯಾರಿ ಕೇನ್ ಜೊತೆಗೂಡಿ ಸನ್ ಹ್ಯೂಂಗ್ ತಂಡಕ್ಕೆ ಉತ್ತಮ ಕೊಡುಗೆ ನೀಡಿದ್ದಾರೆ. ಹ್ಯಾರಿ ಕೇನ್ ಈ ವರೆಗೆ 12 ಗೋಲು ಗಳಿಸಿದ್ದು 13 ಅಸಿಸ್ಟ್ಗಳ ಮೂಲಕ ಗಮನ ಸೆಳೆದಿದ್ದಾರೆ. ಈ ಜೋಡಿ ಈಗಾಗಲೇ ಫುಟ್ಬಾಲ್ ವಿಶ್ಲೇಷಕರಿಂದ ಮೆಚ್ಚುಗೆ ಗಳಿಸಿದ್ದಾರೆ. ಸನ್ ಹ್ಯೂಂಗ್ ಅವರ ಗೋಲು ಗಳಿಕೆ ಸಾಮರ್ಥ್ಯ ಫುಟ್ಬಾಲ್ ಪಂಡಿತರಿಂದ ಮೆಚ್ಚುಗೆಗೂ ಪಾತ್ರವಾಗಿದೆ.</p>.<p>ಆಕ್ರಮಣಕಾರಿ ಆಟಕ್ಕೆ ಹೆಸರಾಗಿದ್ದರೂ ವೈಯಕ್ತಿಕವಾಗಿ ಅಂಗಣದಲ್ಲೂ ಅಂಗಣದಾಚೆಗೂ ಶಾಂತಗುಣದ ವ್ಯಕ್ತಿ ಅವರು. ಎದುರಾಳಿ ತಂಡದವರಾಗಿರಲಿ, ತನ್ನದೇ ತಂಡದವರಾಗಿರಲಿ ಬಿದ್ದರೆ ಎಲ್ಲಿದ್ದರೂ ಓಡಿ ಬಂದು ಎದ್ದು ಕೂರಿಸುವ ವ್ಯಕ್ತಿ. ತನ್ನಿಂದಾಗಿ ಯಾರಾದರೂ ಬಿದ್ದು ಗಾಯಗೊಂಡರೆ ಅವರ ಕಣ್ಣಿಂದ ತಕ್ಷಣ ನೀರು ಹರಿಯುತ್ತದೆ. ಈ ಸದ್ಗುಣಗಳು ಬೇರೆ ತಂಡದ ಅಭಿಮಾನಿಗಳನ್ನೂ ಮಂತ್ರಮುಗ್ದಗೊಳಿಸಿವೆ.</p>.<p>2015ರಲ್ಲಿ ಬಯೇರ್ ಲೆವರ್ಕ್ಯೂಸೆನ್ ತಂಡದಲ್ಲಿದ್ದ ಸನ್ ಹ್ಯೂಂಗ್ ನಂತರ ಹಾಟ್ಸ್ಪುರ್ ತಂಡ ಪ್ರವೇಶಿಸಿದ್ದರು. ಅಂದಿನಿಂದ ಈಗಿನ ವರೆಗೆ ತಂಡದ ಬೆನ್ನೆಲುಬು ಆಗಿರುವ ಅವರು ಯುರೋಪ್ ಲೀಗ್ಗಳಲ್ಲಿ ಆಡಿದ ಏಷ್ಯಾದ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾಗಿ ಬೆಳಗಿದ್ದಾರೆ. </p>.<p>ಹಿಂದಿನ ನಾಲ್ಕು ಋತುಗಳಲ್ಲಿ ಪ್ರತಿ ಬಾರಿ 30ಕ್ಕೂ ಹೆಚ್ಚು ಪಂದ್ಯಗಳಲ್ಲಿ ಆಡಿರುವ ಅವರ ಗೋಲು ಗಳಿಕೆ ಮಟ್ಟ ಒಮ್ಮೆಯೂ 10ಕ್ಕಿಂತ ಕಡಿಮೆ ಆಗಲಿಲ್ಲ. ಈ ಬಾರಿ ಈಗಾಗಲೇ 16 ಪಂದ್ಯಗಳನ್ನು ಆಡಿದ್ದಾರೆ. ತಮ್ಮ ಸಾಮರ್ಥ್ಯಕ್ಕೆ ಹ್ಯಾರಿ ಕೇನ್ ಅವರೇ ಪ್ರಮುಖ ಕಾರಣ ಎನ್ನುವ ಉದಾರಿ ಸನ್ ಹ್ಯೂಂಗ್. ಈ ಜೋಡಿ ಪ್ರತಿ ಪಂದ್ಯದಲ್ಲೂ ಬಲಿಷ್ಠವಾಗುತ್ತ ಸಾಗುತ್ತಿದೆ. ಪ್ರೀಮಿಯರ್ ಲೀಗ್ನ ಈ ಋತುವಿನಲ್ಲಿ ಈಗಾಗಲೇ ಇವರಿಬ್ಬರು ಜೊತೆಗೂಡಿ 13 ಗೋಲು ಗಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
