ಸ್ಕೀಟ್‌ ಚಿನ್ನ ಗೆದ್ದ ಅನಂತಜೀತ್ ನರೂಕಾ

ಶಿಮ್ಕೆಂಟ್ (ಕಜಕಸ್ತಾನ) : ಭಾರತದ ಅನಂತಜೀತ್ ಸಿಂಗ್ ನರೂಕ ಅವರು ಏಷ್ಯನ್ ಶೂಟಿಂಗ್ ಚಾಂಪಿಯನ್ಷಿಪ್ನ ವೈಯಕ್ತಿಕ ವಿಭಾಗದಲ್ಲಿ ಮೊದಲ ಚಿನ್ನ ಗೆದ್ದುಕೊಂಡರು. ಬುಧವಾರ ನಡೆದ ಪುರುಷರ ಸ್ಕೀಟ್ ಸ್ಪರ್ಧೆಯ ಫೈನಲ್ನಲ್ಲಿ ಅವರು ಕುವೈತ್ನ ಮನ್ಸೂರ್ ಅಲ್ ರಶೀದಿ ಅವರನ್ನು ಸೋಲಿಸಿದರು.

. ಬೆಳಿಗ್ಗೆ, ಭಾರತದ ಸೌರಭ್ ಚೌಧರಿ ಮತ್ತು ಉದಯೋನ್ಮುಖ ಶೂಟರ್ ಸುರುಚಿ ಇಂದರ್ ಸಿಂಗ್ ಅವರನ್ನೊಳಗೊಂಡ ತಂಡ 10 ಮೀ. ಏರ್ ಪಿಸ್ತೂಲ್ ಮಿಶ್ರ ವಿಭಾಗದಲ್ಲಿ ಚೀನಾ ತೈಪೆಯ ಎದುರಾಳಿಗಳನ್ನು ಸೋಲಿಸಿ ಕಂಚಿನ ಪದಕ ಗೆದ್ದುಕೊಂಡಿತ್ತು.

. 27 ವರ್ಷ ವಯಸ್ಸಿನ ನರೂಕ 57–56 ರಿಂದ ಏಷ್ಯನ್ ಗೇಮ್ಸ್ ಚಾಂಪಿಯನ್ ಅಲ್ ರಶೀದಿ ಅವರನ್ನು ಸೋಲಿಸಿ ಚಾಂಪಿಯನ್ ಆದರು. ಕಂಚಿನ ಪದಕ ಕತಾರ್ನ ಅಲ್ ಇಶಾಖ್ ಅಲಿ ಅಹ್ಮದ್ ಪಾಲಾಯಿತು.

. 2023ರ ಚಾಂಪಿಯನ್ಷಿಪ್ನಲ್ಲಿ ತಂಡ ವಿಭಾಗದಲ್ಲಿ ಮತ್ತು ಮಿಶ್ರ ವಿಭಾಗದಲ್ಲಿ ಚಿನ್ನ ಗೆದಿದ್ದ ನರೂಕಾ ಸ್ಕೀಟ್ ಸ್ಪರ್ಧೆಯ ಕ್ವಾಲಿಫೈಯಿಂಗ್ ಸುತ್ತಿನ ಬಳಿಕ 119ರ ಸ್ಕೋರ್ನೊಡನೆ ಎರಡನೇ ಸ್ಥಾನದಲ್ಲಿದ್ದರು. ಕುವೈತ್ನ ಅಬ್ದುಲಜೀಜ್ ಅಲ್ಸಾದ್ (120) ಮೊದಲಿಗರಾಗಿದ್ದರು. ಅಲ್ ರಶೀದಿ (119) ಮೂರನೇ ಸ್ಥಾನದಲ್ಲಿದ್ದರು.

. ನರೂಕಾ ಅವರಿಗೆ ಏಷ್ಯನ್ ಚಾಂಪಿಯನ್ಷಿಪ್ಗಳಲ್ಲಿ ಇದು ಒಟ್ಟಾರೆ ಐದನೇ ಪದಕ.

. ಸೌರಭ್ ಮತ್ತು ಸುರುಚಿ ಜೋಡಿ ಪಿಸ್ತೂಲ್ ಮಿಶ್ರ ವಿಭಾಗದಲ್ಲಿ ಐದನೇ ಸ್ಥಾನ ಪಡೆದು ಪದಕ ಸುತ್ತಿಗೆ ಅರ್ಹತೆ ಪಡೆದಿತ್ತು.

. ಜೂನಿಯರ್ ವಿಭಾಗದಲ್ಲಿ ಚಿನ್ನ:

. ವಂಶಿಕಾ ಚೌಧರಿ ಮತ್ತು ಗ್ಯಾವಿನ್ ಅಂಥೋನಿ ಜೋಡಿ, ಜೂನಿಯರ್ ವಿಭಾಗದ 10 ಮೀ. ಪಿಸ್ತೂಲ್ ಮಿಶ್ರ ತಂಡ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದುಕೊಂಡಿತು. ಇವರಿಬ್ಬರು ಫೈನಲ್ನಲ್ಲಿ ಕೊರಿಯಾದ ಕಿಮ್ ಯೆಜಿನ್– ಕಿಮ್ ದೂಯಿಯಾನ್ ಜೋಡಿಯನ್ನು 16–14ರಿಂದ ಸೋಲಿಸಿದರು.

. ಕ್ವಾಲಿಫಿಕೇಷನ್ ಸುತ್ತಿನಲ್ಲಿ ಭಾರತದ ಸ್ಪರ್ಧಿಗಳು ಒಟ್ಟು 578 ಸ್ಕೋರ್ನೊಡನೆ ಎರಡನೆ ಸ್ಥಾನ ಗಳಿಸಿದ್ದರು. ವಂಶೀಕಾ 282 ಮತ್ತು ಗ್ಯಾವಿನ್ 296 ಅಂಕ ಕಲೆಹಾಕಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸ್ಕೀಟ್‌ ಚಿನ್ನ ಗೆದ್ದ ಅನಂತಜೀತ್ ನರೂಕಾ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 20 ಬುಧವಾರ 2025

ಚುರುಮುರಿ: ಕಳವು ಕಳವಳ..

ದಿನ ಭವಿಷ್ಯ: ಆಗಸ್ಟ್ 20 ಬುಧವಾರ 2025– ದಿನಚರಿ ಎಂದಿನಂತೆ ವ್ಯವಸ್ಥಿತವಾಗಿರುವುದು

30 ದಿನ ಜೈಲುಪಾಲಾದರೆ ಪ್ರಧಾನಿ, ಸಿಎಂ, ಮಂತ್ರಿಗಳ ಪದಚ್ಯುತಿ: ಹೊಸ ಮಸೂದೆ

ಕೆಎಸ್‌ಸಿಎ ಚುನಾವಣೆ: ವೆಂಕಟೇಶ್ ಪ್ರಸಾದ್ ಬಳಗದಿಂದ ಪ್ರಣಾಳಿಕೆ ಬಿಡುಗಡೆ

ಗುಕೇಶ್‌ಗೆ ಜಯ, ಡ್ರಾ ಪಂದ್ಯದಲ್ಲಿ ಪ್ರಜ್ಞಾನಂದ