<p><strong>ನವದೆಹಲಿ</strong>: ಭಾರತದ ಕ್ರೀಡಾ ಕ್ಷೇತ್ರದಲ್ಲಿ ಡೋಪಿಂಗ್ ಪಿಡುಗಿಗೆ ಕಡಿವಾಣ ಹಾಕಲು ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ (ಪರಿಷ್ಕೃತ) ಮಸೂದೆಯನ್ನು ಬುಧವಾರ ಲೋಕಸಭೆಯಲ್ಲಿ ಕ್ರೀಡಾ ಸಚಿವ ಮನ್ಸೂಖ್ ಮಾಂಡವೀಯ ಅವರು ಮಂಡಿಸಿದರು. </p>.<p>ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ ಘಟಕ (ನಾಡಾ)ಕ್ಕೆ ‘ಮುಕ್ತ ಕಾರ್ಯಾಚರಣೆ’ ಅವಕಾಶ ನೀಡಲು ಈ ಮಸೂದೆ ಸಹಕಾರಿಯಾಗಲಿದೆ ಎಂದು ಹೇಳಲಾಗಿದೆ. ವಾಡಾ (ವಿಶ್ವ ಉದ್ದೀಪನ ಮದ್ದು ತಡೆ ಘಟಕ)ದ ನಿಯಮಾವಳಿಗೆ ತಕ್ಕಂತೆ ಈ ಮಸೂದೆ ರೂಪಿಸಲಾಗಿದೆ.</p>.<p>ಈ ಮಸೂದೆಯಲ್ಲಿ ವಿವಾದಾತ್ಮಕ ಉದ್ದೀಪನ ಮದ್ದು ತಡೆ ರಾಷ್ಟ್ರೀ ಮಂಡಳಿಯನ್ನು ಉಳಿಸಿಕೊಳ್ಳಲಾಗಿದೆ. ಆದರೆ 2022ರ ಮೂಲ ಕಾಯಿದೆಯಲ್ಲಿದಂತೆ ನಾಡಾದ ಪ್ರಕರಣಗಳು ಈ ಮಂಡಳಿಯ ವ್ಯಾಪ್ತಿಗೆ ಬರುವುದಿಲ್ಲ. </p>.<p>ಅಲ್ಲದೇ 2022ರ ಕಾಯಿದೆಯನ್ನು ಜಾರಿಗೊಳಿಸಲೂ ಸಾಧ್ಯವಿಲ್ಲ. ಏಕೆಂದರೆ; ಇದರಲ್ಲಿ ‘ಸರಕಾರದ ಹಸ್ತಕ್ಷೇಪ’ ಇದೆ ಎಂದು ವಾಡಾ ತಕರಾರು ಮಾಡಿತ್ತು. </p>.<p>‘2022ರ ಕಾಯಿದೆಯನ್ನು ಜಾರಿಗೊಳಿಸಿದ್ದರೆ ವಾಡಾದಿಂದ ನಿಷೇಧಕ್ಕೊಳಗಾಗುವ ಆತಂಕವಿತ್ತು. ನಮ್ಮ ಉದ್ದೀಪನ ಮದ್ದು ಪರೀಕ್ಷಾ ಪ್ರಯೋಗಾಲಯದ ಮಾನ್ಯತೆಯೂ ರದ್ದಾಗುತ್ತಿತ್ತು. ಆದ್ದರಿಂದ ಕಾಯಿದೆಯಲ್ಲಿ ಪರಿಷ್ಕರಣೆಗಳು ಅಗತ್ಯವಾಗಿದ್ದವು’ ಎಂದು ಕ್ರೀಡಾ ಇಲಾಖೆಯ ಮೂಲಗಳು ತಿಳಿಸಿವೆ.</p>.<p>ಹೋದ ವರ್ಷ ವಾಡಾ ಪ್ರಕಟಿಸಿದ್ದ ಪಟ್ಟಿಯಲ್ಲಿ ಅತಿ ಹೆಚ್ಚು ಡೋಪಿಂಗ್ ಪ್ರಕರಣಗಳು ವರದಿಯಾದ ದೇಶಗಳಲ್ಲಿ ಭಾರತ ಅಗ್ರಸ್ಥಾನದಲ್ಲಿತ್ತು. ಆ ಸಂದರ್ಭದಲ್ಲಿ ಭಾರತದಲ್ಲಿ ಈ ಪಿಡುಗಿಗೆ ಕಡಿವಾಣ ಹಾಕಲು ‘ಕಠಿಣ ಕ್ರಮ’ಗಳನ್ನು ತೆಗೆದುಕೊಳ್ಳಲಾಗುವುದು ಎಂದು ಕ್ರೀಡಾ ಸಚಿವಾಲಯ ವಾಗ್ದಾನ ಮಾಡಿತ್ತು. </p>.<p>2023ರ ಅಂಕಿ ಸಂಖ್ಯೆಗಳ ಪ್ರಕಾರ; ಭಾರತದ 5606 ಮಾದರಿಗಳಲ್ಲಿ ಅಥ್ಲೀಟ್ಗಳಲ್ಲಿ ನಿಷೇಧಿತ ಉದ್ದೀಪನ ಮದ್ದು ಬಳಕೆಯು ಶೇ 3.8ರಷ್ಟಿದೆ ಎಂದು ಅಡ್ವರ್ಸ್ ಅನಾಲಿಟಿಕಲ್ ಫೈಂಡಿಗ್ಸ್ (ಎಎಎಫ್) ಪ್ರಕಟಿಸಿತ್ತು. ಇದು 2022ರಲ್ಲಿದ್ದ 3865 ಪ್ರಕರಣಗಳಿಗಿಂತಲೂ ಹೆಚ್ಚು. ಎಎಎಫ್ ರೇಟ್ ಕೂಡ ಆ ವರ್ಷ ಶೇ 3.2ರಷ್ಟಿತ್ತು. </p>.<p>5606 ಮಾದರಿಗಳ ಪೈಕಿ 2748 ಮಾದರಿಗಳನ್ನು ಸ್ಪರ್ಧೆಗಳ ಸಂದರ್ಭಗಳಲ್ಲಿ ಸಂಗ್ರಹಿಸಲಾಗಿತ್ತು. </p>.<p>ನಿಷೇಧಿತ ಉದ್ದೀಪನ ಮದ್ದು ಬಳಕೆ ಪ್ರಮಾಣದಲ್ಲಿ ಭಾರತವು, ಚೀನಾ (28,197 ಮಾದರಿ; 0.2 ಎಎಎಫ್ ರೇಟ್), ಅಮೆರಿಕ (6798 ಮಾದರಿ, ಶೇ 1), ಫ್ರಾನ್ಸ್ (11,368 ಮಾದರಿ, ಶೇ 0.9), ಜರ್ಮನಿ (15,153 ಮಾದರಿಗಳಲ್ಲಿ; ಶೇ 0.4) ಮತ್ತು ರಷ್ಯಾ (10,395 ಮಾದರಿ, ಶೇ1) ದೇಶಗಳನ್ನೂ ಹಿಂದಿಕ್ಕಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಭಾರತದ ಕ್ರೀಡಾ ಕ್ಷೇತ್ರದಲ್ಲಿ ಡೋಪಿಂಗ್ ಪಿಡುಗಿಗೆ ಕಡಿವಾಣ ಹಾಕಲು ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ (ಪರಿಷ್ಕೃತ) ಮಸೂದೆಯನ್ನು ಬುಧವಾರ ಲೋಕಸಭೆಯಲ್ಲಿ ಕ್ರೀಡಾ ಸಚಿವ ಮನ್ಸೂಖ್ ಮಾಂಡವೀಯ ಅವರು ಮಂಡಿಸಿದರು. </p>.<p>ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ ಘಟಕ (ನಾಡಾ)ಕ್ಕೆ ‘ಮುಕ್ತ ಕಾರ್ಯಾಚರಣೆ’ ಅವಕಾಶ ನೀಡಲು ಈ ಮಸೂದೆ ಸಹಕಾರಿಯಾಗಲಿದೆ ಎಂದು ಹೇಳಲಾಗಿದೆ. ವಾಡಾ (ವಿಶ್ವ ಉದ್ದೀಪನ ಮದ್ದು ತಡೆ ಘಟಕ)ದ ನಿಯಮಾವಳಿಗೆ ತಕ್ಕಂತೆ ಈ ಮಸೂದೆ ರೂಪಿಸಲಾಗಿದೆ.</p>.<p>ಈ ಮಸೂದೆಯಲ್ಲಿ ವಿವಾದಾತ್ಮಕ ಉದ್ದೀಪನ ಮದ್ದು ತಡೆ ರಾಷ್ಟ್ರೀ ಮಂಡಳಿಯನ್ನು ಉಳಿಸಿಕೊಳ್ಳಲಾಗಿದೆ. ಆದರೆ 2022ರ ಮೂಲ ಕಾಯಿದೆಯಲ್ಲಿದಂತೆ ನಾಡಾದ ಪ್ರಕರಣಗಳು ಈ ಮಂಡಳಿಯ ವ್ಯಾಪ್ತಿಗೆ ಬರುವುದಿಲ್ಲ. </p>.<p>ಅಲ್ಲದೇ 2022ರ ಕಾಯಿದೆಯನ್ನು ಜಾರಿಗೊಳಿಸಲೂ ಸಾಧ್ಯವಿಲ್ಲ. ಏಕೆಂದರೆ; ಇದರಲ್ಲಿ ‘ಸರಕಾರದ ಹಸ್ತಕ್ಷೇಪ’ ಇದೆ ಎಂದು ವಾಡಾ ತಕರಾರು ಮಾಡಿತ್ತು. </p>.<p>‘2022ರ ಕಾಯಿದೆಯನ್ನು ಜಾರಿಗೊಳಿಸಿದ್ದರೆ ವಾಡಾದಿಂದ ನಿಷೇಧಕ್ಕೊಳಗಾಗುವ ಆತಂಕವಿತ್ತು. ನಮ್ಮ ಉದ್ದೀಪನ ಮದ್ದು ಪರೀಕ್ಷಾ ಪ್ರಯೋಗಾಲಯದ ಮಾನ್ಯತೆಯೂ ರದ್ದಾಗುತ್ತಿತ್ತು. ಆದ್ದರಿಂದ ಕಾಯಿದೆಯಲ್ಲಿ ಪರಿಷ್ಕರಣೆಗಳು ಅಗತ್ಯವಾಗಿದ್ದವು’ ಎಂದು ಕ್ರೀಡಾ ಇಲಾಖೆಯ ಮೂಲಗಳು ತಿಳಿಸಿವೆ.</p>.<p>ಹೋದ ವರ್ಷ ವಾಡಾ ಪ್ರಕಟಿಸಿದ್ದ ಪಟ್ಟಿಯಲ್ಲಿ ಅತಿ ಹೆಚ್ಚು ಡೋಪಿಂಗ್ ಪ್ರಕರಣಗಳು ವರದಿಯಾದ ದೇಶಗಳಲ್ಲಿ ಭಾರತ ಅಗ್ರಸ್ಥಾನದಲ್ಲಿತ್ತು. ಆ ಸಂದರ್ಭದಲ್ಲಿ ಭಾರತದಲ್ಲಿ ಈ ಪಿಡುಗಿಗೆ ಕಡಿವಾಣ ಹಾಕಲು ‘ಕಠಿಣ ಕ್ರಮ’ಗಳನ್ನು ತೆಗೆದುಕೊಳ್ಳಲಾಗುವುದು ಎಂದು ಕ್ರೀಡಾ ಸಚಿವಾಲಯ ವಾಗ್ದಾನ ಮಾಡಿತ್ತು. </p>.<p>2023ರ ಅಂಕಿ ಸಂಖ್ಯೆಗಳ ಪ್ರಕಾರ; ಭಾರತದ 5606 ಮಾದರಿಗಳಲ್ಲಿ ಅಥ್ಲೀಟ್ಗಳಲ್ಲಿ ನಿಷೇಧಿತ ಉದ್ದೀಪನ ಮದ್ದು ಬಳಕೆಯು ಶೇ 3.8ರಷ್ಟಿದೆ ಎಂದು ಅಡ್ವರ್ಸ್ ಅನಾಲಿಟಿಕಲ್ ಫೈಂಡಿಗ್ಸ್ (ಎಎಎಫ್) ಪ್ರಕಟಿಸಿತ್ತು. ಇದು 2022ರಲ್ಲಿದ್ದ 3865 ಪ್ರಕರಣಗಳಿಗಿಂತಲೂ ಹೆಚ್ಚು. ಎಎಎಫ್ ರೇಟ್ ಕೂಡ ಆ ವರ್ಷ ಶೇ 3.2ರಷ್ಟಿತ್ತು. </p>.<p>5606 ಮಾದರಿಗಳ ಪೈಕಿ 2748 ಮಾದರಿಗಳನ್ನು ಸ್ಪರ್ಧೆಗಳ ಸಂದರ್ಭಗಳಲ್ಲಿ ಸಂಗ್ರಹಿಸಲಾಗಿತ್ತು. </p>.<p>ನಿಷೇಧಿತ ಉದ್ದೀಪನ ಮದ್ದು ಬಳಕೆ ಪ್ರಮಾಣದಲ್ಲಿ ಭಾರತವು, ಚೀನಾ (28,197 ಮಾದರಿ; 0.2 ಎಎಎಫ್ ರೇಟ್), ಅಮೆರಿಕ (6798 ಮಾದರಿ, ಶೇ 1), ಫ್ರಾನ್ಸ್ (11,368 ಮಾದರಿ, ಶೇ 0.9), ಜರ್ಮನಿ (15,153 ಮಾದರಿಗಳಲ್ಲಿ; ಶೇ 0.4) ಮತ್ತು ರಷ್ಯಾ (10,395 ಮಾದರಿ, ಶೇ1) ದೇಶಗಳನ್ನೂ ಹಿಂದಿಕ್ಕಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
