ಕಿಂಗ್ಸ್ಟನ್ ಕೋರ್ಟ್ ಮತ್ತು ಸಿಟಾರೆ ಕಣದಿಂದ ಹಿಂದಕ್ಕೆ ಸರಿದಿರುವ ಕಾರಣ ಏಳು ಕುದುರೆಗಳು ಮಾತ್ರ ಕಣದಲ್ಲಿ ಉಳಿದಿವೆ.
ಇವುಗಳಲ್ಲಿ ಐದು ಗಂಡು ಮತ್ತು ಎರಡು ಹೆಣ್ಣು ಕುದುರೆಗಳು. ಈವರೆಗಿನ ಸಾಮರ್ಥ್ಯದ ಆಧಾರದಲ್ಲಿ ಪೆಸಿ ಶ್ರಾಫ್ ತರಬೇತಿನಲ್ಲಿ ಪಳಗಿರುವ ಜುಕ್ಕರೆಲ್ಲಿ ಡರ್ಬಿ ಗೆಲ್ಲುವ ನೆಚ್ಚಿನ ಕುದುರೆ ಎನಿಸಿದೆ. ಮುಂಬೈನ ಸ್ಪರ್ಧಿ ಜುಕ್ಕರೆಲ್ಲಿ ಇಂಡಿಯನ್ 2000 ಗಿನ್ನೀಸ್ನಲ್ಲಿ ‘ಎ ಸ್ಟಾರ್ ಈಸ್ ಬಾರ್ನ್‘ಗೆ ಸೋತಿದ್ದು, ಬುಧವಾರ ಟ್ರೆವರ್ ಪಟೇಲ್ ಸವಾರಿಯಲ್ಲಿ ಡರ್ಬಿ ಗೆಲ್ಲುವ ತವಕದಲ್ಲಿದೆ. ಸ್ಥಳೀಯ ಸ್ಪರ್ಧಿಗಳಾದ ಇಟೋಷಾ ಮತ್ತು ಆಲ್ ಅಟ್ರ್ಯಾಕ್ಟಿವ್ ಸವಾಲೊಡ್ಡುವ ನಿರೀಕ್ಷೆಯಿದೆ.