ಬೆಟ್‌ವೇ ಬೆಂಗಳೂರು ಬೇಸಿಗೆ ಡರ್ಬಿ: ಸೂಪರ್‌ನ್ಯಾಚುರಲ್‌ಗೆ ರೋಚಕ ಗೆಲುವು

ಬೆಂಗಳೂರು : ಕೊನೆಯ ಕೆಲವು ಮೀಟರ್ಗಳು ಇದ್ದಾಗ ಮಿಂಚಿನ ವೇಗದಲ್ಲಿ ಓಡಿದ ‘ಸೂಪರ್ ನ್ಯಾಚುರಲ್’, ಭಾನುವಾರ ಇಲ್ಲಿ ನಡೆದ ‘ಬೆಟ್ವೇ ಬೆಂಗಳೂರು ಬೇಸಿಗೆ ಡರ್ಬಿ’ಯಲ್ಲಿ ಅನಿರೀಕ್ಷಿತ ಗೆಲುವು ಪಡೆಯಿತು.

. ಪಿ.ಶ್ರಾಫ್ ಅವರಿಂದ ತರಬೇತಿ ಪಡೆದಿರುವ, ಟ್ರೆವರ್ ಪಟೇಲ್ ಅವರು ಜಾಕಿಯಾಗಿದ್ದ ಈ ಕುದುರೆ 2,000 ಮೀ. ದೂರದ ಓಟವನ್ನು 2 ನಿಮಿಷ 9.96 ಸೆಕೆಂಡುಗಳಲ್ಲಿ ಕ್ರಮಿಸಿತು. ಗೆದ್ದ ಕುದುರೆ ₹ 3 ಲಕ್ಷ ಮೌಲ್ಯದ ಟ್ರೋಫಿಯ ಜತೆಗೆ ₹ 1.18 ಕೋಟಿ ಬಹುಮಾನ ಮೊತ್ತ ತನ್ನದಾಗಿಸಿಕೊಂಡಿತು.

. ಪಿ.ಶ್ರಾಫ್ ಅವರಿಂದಲೇ ತರಬೇತುಗೊಂಡಿರುವ ಕಿಂಗ್ಸ್ ರಾನ್ಸಮ್ ಎರಡನೇ ಸ್ಥಾನ ಪಡೆದರೆ, ಮೊಜಿಟೊ ಮೂರನೇ ಸ್ಥಾನ ಗಳಿಸಿತು. ಬೆಂಗಳೂರು ಟರ್ಫ್ ಕ್ಲಬ್ನಲ್ಲಿ ಕಿಕ್ಕಿರಿದ್ದು ನೆರೆದಿದ್ದ ರೇಸ್ ಪ್ರಿಯರಿಗೆ ಡರ್ಬಿ ಸಾಕಷ್ಟು ರಸದೌತಣ ಉಣಬಡಿಸಿತು.

. ಡರ್ಬಿಯ ಹಿಂದಿನ ದಿನದವರೆಗೂ ‘ಫಿಲಾಸಫಿ’ ಗೆಲ್ಲುವ ಫೇವರಿಟ್ ಎನಿಸಿಕೊಂಡಿತ್ತು. ಆದರೆ ಬೆಟ್ಟಿಂಗ್ ಪ್ರಾರಂಭವಾದಾಗ ಹಲವಾರು ಬದಲಾವಣೆಗಳಾಗಿ ‘ರೇಸ್’ ಮುಕ್ತವಾಗಿ ಕಂಡಿತು. ಯಾವುದೇ ಕುದುರೆಯೂ ಗೆಲ್ಲಬಹುದು ಎಂಬ ನಿರೀಕ್ಷೆ ಮೂಡಿಸಿತು.

. ‘ಒನ್ಸ್ ಯು ಗೋ ಬ್ಲ್ಯಾಕ್’ ಕುದುರೆ, ರೇಸ್ ಪ್ರಾರಂಭಕ್ಕೂ ಮುನ್ನ ಗೇಟ್ ಬಳಿ ಗಾಯಗೊಂಡಿತು. ಇದರಿಂದ ಸ್ಪರ್ಧೆಯಿಂದ ಹಿಂದೆ ಸರಿಯಿತು. ಕಣದಲ್ಲಿ 12 ಕುದುರೆಗಳು ಉಳಿದುಕೊಂಡವು.

. ರೇಸ್ನ ಆರಂಭದಿಂದ ಕೊನೆಯ ತಿರುವಿನವರೆಗೂ ಪ್ರಾಗ್ (ಜಾಕಿ–ಆಶಾದ್ ಅಸ್ಬರ್) ಮುನ್ನಡೆಯಲ್ಲಿತ್ತು. ಸಿರೇನಿಯಸ್ (ಜಾಕಿ– ಪಿ.ಪಿ.ದೆಬೆ) ಮತ್ತು ಸಕ್ಸಸ್ (ಜಾಕಿ–ಸಿ.ಎಸ್.ಜೋಧ) ಬಳಿಕದ ಸ್ಥಾನದಲ್ಲಿದ್ದವು. ಸೂಪರ್ ನ್ಯಾಚುರಲ್ ಸೇರಿದಂತೆ ಇತರ ಕುದುರೆಗಳು ಅಲ್ಪ ಹಿಂದ್ದಿದ್ದವು.

. ಕೊನೆಯ 400 ಮೀ. ಗಳು ಇದ್ದಾಗ ರೇಸ್ನ ಚಿತ್ರಣ ಬದಲಾಯಿತು. ಎಲ್ಲ ಜಾಕಿಗಳು ಅಂತಿಮ 400 ಮೀ. ನಲ್ಲಿ ತಮ್ಮ ಯೋಜನೆಗಳನ್ನು ಕಾರ್ಯರೂಪಕ್ಕಿಳಿಸಿದರು. ವೇಗ ಹೆಚ್ಚಿಸುವಂತೆ ಕುದುರೆಗಳಿಗೆ ಸೂಚನೆ ನೀಡಿದರು.

. ಗುರಿ ತಲುಪಲು ಕೊನೆಯ 200 ಮೀ. ಇರುವಾಗಲೂ ಪ್ರಾಗ್ ಮುನ್ನಡೆ ಕಾಪಾಡಿಕೊಂಡಿತ್ತು. ಆದರೆ ಭಾರತದ ಅತ್ಯಂತ ಶ್ರೇಷ್ಠ ಜಾಕಿಗಳಲ್ಲಿ ಒಬ್ಬರೆನಿಸಿಕೊಂಡಿರುವ ಟ್ರೆವರ್, ಅತಿಯಾದ ಒತ್ತಡದ ನಡುವೆಯೂ ತಮ್ಮ ಕುದುರೆ ‘ಸೂಪರ್ನ್ಯಾಚುರಲ್’ನ ವೇಗವನ್ನು ಹೆಚ್ಚಿಸಲು ಯಶಸ್ವಿಯಾದರು.

. ಕೊನೆಯ 100 ಮೀಟರ್ಸ್ ಇರುವಂತೆಯೇ ಶರವೇಗದಲ್ಲಿ ಓಡಿ ಎರಡೂ ಕಾಲು ಲೆಂಗ್ತ್ ಅಂತರದಿಂದ ಗೆಲುವು ಪಡೆಯಿತು. ಕಿಂಗ್ಸ್ ರಾನ್ಸಮ್ ಕೂಡಾ ಹಿಂದಿನಿಂದ ವೇಗವಾಗಿ ಮುನ್ನುಗ್ಗಿ ಎರಡನೇ ಸ್ಥಾನ ಗಳಿಸಿತು. ಮೊಜಿಟೊ ಕೂಡಾ ವೇಗ ಹೆಚ್ಚಿಸಿ, ಪ್ರಾಗ್ಅನ್ನು ಹಿಂದಿಕ್ಕಿ ಮೂರನೇ ಸ್ಥಾನ ತನ್ನದಾಗಿಸಿಕೊಂಡಿತು.

. ‘ಕುದುರೆಯ ವರ್ತನೆ ಮತ್ತು ಸಾಮರ್ಥ್ಯ ನಾವು ಚೆನ್ನಾಗಿ ಅರ್ಥಮಾಡಿ ಕೊಂಡಿದ್ದೇವೆ. ನಮ್ಮ ಯೋಜನೆಗಳನ್ನು ಯಶಸ್ವಿಯಾಗಿ ಕಾರ್ಯರೂಪಕ್ಕೆ ಇಳಿಸಿದೆವು. ಕುದುರೆ ಕೂಡಾ ಸ್ಪಂದಿಸಿತು’ ಎಂದರು ಶ್ರಾಫ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಟ್‌ವೇ ಬೆಂಗಳೂರು ಬೇಸಿಗೆ ಡರ್ಬಿ: ಸೂಪರ್‌ನ್ಯಾಚುರಲ್‌ಗೆ ರೋಚಕ ಗೆಲುವು

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!

ಚುರುಮುರಿ | ಒಳಾರ್ಥ–ಗೂಢಾರ್ಥ!

ವಿಶ್ವ ನಂ.1 ಕಾರ್ಲ್‌ಸನ್‌ಗೆ ಸೋಲುಣಿಸಿದ ಗುಕೇಶ್‌

IND vs ENG: ಜೇಮಿ ಸ್ಮಿತ್ 80 ಎಸೆತಗಳಲ್ಲಿ ಶತಕ,ಭಾರತಕ್ಕೆ ಆಂಗ್ಲರ ಪಡೆ ತಿರುಗೇಟು

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

NC Classic | ಭಾರತೀಯ ಅಥ್ಲೆಟಿಕ್ಸ್ ಇತಿಹಾಸದಲ್ಲಿ ಹೊಸ ಅಧ್ಯಾಯ: ನೀರಜ್ ಚೋಪ್ರಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!

ಚುರುಮುರಿ | ಒಳಾರ್ಥ–ಗೂಢಾರ್ಥ!