<p><strong>ಚೆನ್ನೈ</strong>: ಭಾರತದ ಅಗ್ರಮಾನ್ಯ ಆಟಗಾರ ಅರ್ಜುನ್ ಇರಿಗೇಶಿ ಅವರಿಗೆ ಸೋಮವಾರ ಆರಂಭವಾಗುವ ಮೂರನೇ ವರ್ಷದ ಚೆನ್ನೈ ಗ್ರ್ಯಾಂಡ್ಮಾಸ್ಟರ್ಸ್ ಚೆಸ್ ಟೂರ್ನಿಯಲ್ಲಿ ಸ್ವದೇಶದ ವಿದಿತ್ ಗುಜರಾತಿ, ನೆದರ್ಲೆಂಡ್ಸ್ನ ದಿಗ್ಗಜ ಅನಿಶ್ ಗಿರಿ ಅವರಿಂದ ತೀವ್ರ ಸ್ಪರ್ಧೆ ಎದುರಾಗುವ ಸಾಧ್ಯತೆಯಿದೆ.</p>.<p>ಒಂದು ಕೋಟಿ ರೂಪಾಯಿ ಬಹುಮಾನ ಹಣ ಹೊಂದಿರುವ ಈ ಟೂರ್ನಿಯು ಮಾಸ್ಟರ್ಸ್ ಮತ್ತು ಚಾಲೆಂಜರ್ಸ್ ವಿಭಾಗದಲ್ಲಿ 9 ಸುತ್ತುಗಳಲ್ಲಿ ನಡೆಯಲಿದೆ. </p>.<p>ಈ ಹಿಂದೆ ಏಳು ಸುತ್ತುಗಳು ಇರುತ್ತಿದ್ದವು. ಈ ಬಾರಿ 19 ಗ್ರ್ಯಾಂಡ್ಮಾಸ್ಟರ್ಗಳು ಕಣದಲ್ಲಿದ್ದು, ಫಿಡೆ ಸರ್ಕಿಟ್ ಅಮೂಲ್ಯ ಪಾಯಿಂಟ್ಗಳನ್ನು ಗಳಿಸಲು ಅವಕಾಶವಿದೆ. ಅತಿ ಹೆಚ್ಚು ಸರ್ಕಿಟ್ ಪಾಯಿಂಟ್ ಪಡೆಯುವ ಆಟಗಾರ ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಆಡುವ ಅವಕಾಶ ಪಡೆಯುತ್ತಾರೆ. ಹೀಗಾಗಿ ಈ ಟೂರ್ನಿಯಲ್ಲಿ ಪಡೆಯುವ ಪಾಯಿಂಟ್ಸ್ ಸಹ ಮಹತ್ವದ್ದಾಗಲಿದೆ.</p>.<p>2023ರಲ್ಲಿ ಈ ಟೂರ್ನಿಯಲ್ಲಿ ಪಡೆದ ಪಾಯಿಂಟ್ಗಳು ಡಿ.ಗುಕೇಶ್ ಅವರ ಪಾಲಿಗೆ ನಿರ್ಣಾಯಕವಾಗಿದ್ದವು. ಅವರು ಫಿಡೆ ಸರ್ಕಿಟ್ನಲ್ಲಿ ಅತಿ ಹೆಚ್ಚು ಪಾಯಿಂಟ್ಸ್ ಪಡೆದು ಕ್ಯಾಂಡಿಡೇಟ್ಸ್ಗೆ ಆಯ್ಕೆಯಾಗಿದ್ದರು. ಅಲ್ಲಿ ವಿಜೇತರಾಗಿ ನಂತರ ವಿಶ್ವ ಚಾಂಪಿಯನ್ಗೆ (ಆಗ ಡಿಂಗ್ ಲಿರೆನ್ಗೆ) ಚಾಲೆಂಜರ್ ಆಗಿದ್ದರು.</p>.<p>2800ರ ರೇಟಿಂಗ್ ಕ್ಲಬ್ಗೆ ಸೇರ್ಪಡೆಯಾಗಿರುವ ಇರಿಗೇಶಿ, ಸ್ವದೇಶದ ಯುವ ಆಟಗಾರ ನಿಹಾಲ್ ಸರಿನ್, ಜರ್ಮನಿಯ ಯುವತಾರೆ ವಿನ್ಸೆಂಟ್ ಕೀಮರ್ ಅವರನ್ನೂ ಎದುರಿಲಿಸದ್ದಾರೆ. ಕೀಮರ್, ವಿಶ್ವ ಚಾಂಪಿಯನ್ಷಿಪ್ ವೇಳೆ ಗುಕೇಶ್ ಅವರ ನೆರವು ತಂಡದಲ್ಲಿ ‘ಸೆಕೆಂಡ್’ ಆಗಿದ್ದರು.</p>.<p>ಆದರೆ ಅನಿಶ್ ಗಿರಿ ಅವರಿಂದ ಇರಿಗೇಶಿ ಪ್ರಬಲ ಪೈಪೋಟಿ ಎದುರಿಸುವ ನಿರೀಕ್ಷೆಯಿದೆ. ಪ್ರಬಲ ಆಟ ಹೊಂದಿರುವ ಗಿರಿ ಈ ಟೂರ್ನಿಯ ಫೇವರಿಟ್ಗಳಲ್ಲಿ ಒಬ್ಬರಾಗಿದ್ದಾರೆ. ಭಾರತದ ಪ್ರಣವ್ ವಿ ಮತ್ತು ಕಾರ್ತಿಕೇಯನ್ ಮುರಳಿ ಅವರೂ ಈ ಟೂರ್ನಿಯಲ್ಲಿ ಆಡಲಿದ್ದಾರೆ.</p>.<p>ಚಾಲೆಂಜರ್ ವಿಭಾಗದಲ್ಲಿ ಗೆಲ್ಲುವ ಆಟಗಾರ, 2026ರ ಮಾಸ್ಟರ್ಸ್ ವಿಭಾಗದಲ್ಲಿ ಆಡುವ ಅವಕಾಶ ಗಳಿಸಲಿದ್ದಾರೆ.</p>.<p>ಚಾಲೆಂಜರ್ಸ್ ವಿಭಾಗದಲ್ಲೂ ಪ್ರತಿಭಾನ್ವಿತರಿದ್ದಾರೆ. ಡಿ.ಹಾರಿಕಾ, ಆರ್.ವೈಶಾಲಿ, ಹರ್ಷವರ್ಧನ ಜಿ.ಬಿ., ಅಭಿಮನ್ಯು ಪುರಾಣಿಕ್, ಗ್ರ್ಯಾಂಡ್ಮಾಸ್ಟರ್ ಭಾಸ್ಕರನ್ ಅಧಿಬನ್ ಮೊದಲಾದವರು ಪೈಪೋಟಿಯಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ</strong>: ಭಾರತದ ಅಗ್ರಮಾನ್ಯ ಆಟಗಾರ ಅರ್ಜುನ್ ಇರಿಗೇಶಿ ಅವರಿಗೆ ಸೋಮವಾರ ಆರಂಭವಾಗುವ ಮೂರನೇ ವರ್ಷದ ಚೆನ್ನೈ ಗ್ರ್ಯಾಂಡ್ಮಾಸ್ಟರ್ಸ್ ಚೆಸ್ ಟೂರ್ನಿಯಲ್ಲಿ ಸ್ವದೇಶದ ವಿದಿತ್ ಗುಜರಾತಿ, ನೆದರ್ಲೆಂಡ್ಸ್ನ ದಿಗ್ಗಜ ಅನಿಶ್ ಗಿರಿ ಅವರಿಂದ ತೀವ್ರ ಸ್ಪರ್ಧೆ ಎದುರಾಗುವ ಸಾಧ್ಯತೆಯಿದೆ.</p>.<p>ಒಂದು ಕೋಟಿ ರೂಪಾಯಿ ಬಹುಮಾನ ಹಣ ಹೊಂದಿರುವ ಈ ಟೂರ್ನಿಯು ಮಾಸ್ಟರ್ಸ್ ಮತ್ತು ಚಾಲೆಂಜರ್ಸ್ ವಿಭಾಗದಲ್ಲಿ 9 ಸುತ್ತುಗಳಲ್ಲಿ ನಡೆಯಲಿದೆ. </p>.<p>ಈ ಹಿಂದೆ ಏಳು ಸುತ್ತುಗಳು ಇರುತ್ತಿದ್ದವು. ಈ ಬಾರಿ 19 ಗ್ರ್ಯಾಂಡ್ಮಾಸ್ಟರ್ಗಳು ಕಣದಲ್ಲಿದ್ದು, ಫಿಡೆ ಸರ್ಕಿಟ್ ಅಮೂಲ್ಯ ಪಾಯಿಂಟ್ಗಳನ್ನು ಗಳಿಸಲು ಅವಕಾಶವಿದೆ. ಅತಿ ಹೆಚ್ಚು ಸರ್ಕಿಟ್ ಪಾಯಿಂಟ್ ಪಡೆಯುವ ಆಟಗಾರ ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಆಡುವ ಅವಕಾಶ ಪಡೆಯುತ್ತಾರೆ. ಹೀಗಾಗಿ ಈ ಟೂರ್ನಿಯಲ್ಲಿ ಪಡೆಯುವ ಪಾಯಿಂಟ್ಸ್ ಸಹ ಮಹತ್ವದ್ದಾಗಲಿದೆ.</p>.<p>2023ರಲ್ಲಿ ಈ ಟೂರ್ನಿಯಲ್ಲಿ ಪಡೆದ ಪಾಯಿಂಟ್ಗಳು ಡಿ.ಗುಕೇಶ್ ಅವರ ಪಾಲಿಗೆ ನಿರ್ಣಾಯಕವಾಗಿದ್ದವು. ಅವರು ಫಿಡೆ ಸರ್ಕಿಟ್ನಲ್ಲಿ ಅತಿ ಹೆಚ್ಚು ಪಾಯಿಂಟ್ಸ್ ಪಡೆದು ಕ್ಯಾಂಡಿಡೇಟ್ಸ್ಗೆ ಆಯ್ಕೆಯಾಗಿದ್ದರು. ಅಲ್ಲಿ ವಿಜೇತರಾಗಿ ನಂತರ ವಿಶ್ವ ಚಾಂಪಿಯನ್ಗೆ (ಆಗ ಡಿಂಗ್ ಲಿರೆನ್ಗೆ) ಚಾಲೆಂಜರ್ ಆಗಿದ್ದರು.</p>.<p>2800ರ ರೇಟಿಂಗ್ ಕ್ಲಬ್ಗೆ ಸೇರ್ಪಡೆಯಾಗಿರುವ ಇರಿಗೇಶಿ, ಸ್ವದೇಶದ ಯುವ ಆಟಗಾರ ನಿಹಾಲ್ ಸರಿನ್, ಜರ್ಮನಿಯ ಯುವತಾರೆ ವಿನ್ಸೆಂಟ್ ಕೀಮರ್ ಅವರನ್ನೂ ಎದುರಿಲಿಸದ್ದಾರೆ. ಕೀಮರ್, ವಿಶ್ವ ಚಾಂಪಿಯನ್ಷಿಪ್ ವೇಳೆ ಗುಕೇಶ್ ಅವರ ನೆರವು ತಂಡದಲ್ಲಿ ‘ಸೆಕೆಂಡ್’ ಆಗಿದ್ದರು.</p>.<p>ಆದರೆ ಅನಿಶ್ ಗಿರಿ ಅವರಿಂದ ಇರಿಗೇಶಿ ಪ್ರಬಲ ಪೈಪೋಟಿ ಎದುರಿಸುವ ನಿರೀಕ್ಷೆಯಿದೆ. ಪ್ರಬಲ ಆಟ ಹೊಂದಿರುವ ಗಿರಿ ಈ ಟೂರ್ನಿಯ ಫೇವರಿಟ್ಗಳಲ್ಲಿ ಒಬ್ಬರಾಗಿದ್ದಾರೆ. ಭಾರತದ ಪ್ರಣವ್ ವಿ ಮತ್ತು ಕಾರ್ತಿಕೇಯನ್ ಮುರಳಿ ಅವರೂ ಈ ಟೂರ್ನಿಯಲ್ಲಿ ಆಡಲಿದ್ದಾರೆ.</p>.<p>ಚಾಲೆಂಜರ್ ವಿಭಾಗದಲ್ಲಿ ಗೆಲ್ಲುವ ಆಟಗಾರ, 2026ರ ಮಾಸ್ಟರ್ಸ್ ವಿಭಾಗದಲ್ಲಿ ಆಡುವ ಅವಕಾಶ ಗಳಿಸಲಿದ್ದಾರೆ.</p>.<p>ಚಾಲೆಂಜರ್ಸ್ ವಿಭಾಗದಲ್ಲೂ ಪ್ರತಿಭಾನ್ವಿತರಿದ್ದಾರೆ. ಡಿ.ಹಾರಿಕಾ, ಆರ್.ವೈಶಾಲಿ, ಹರ್ಷವರ್ಧನ ಜಿ.ಬಿ., ಅಭಿಮನ್ಯು ಪುರಾಣಿಕ್, ಗ್ರ್ಯಾಂಡ್ಮಾಸ್ಟರ್ ಭಾಸ್ಕರನ್ ಅಧಿಬನ್ ಮೊದಲಾದವರು ಪೈಪೋಟಿಯಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
