‘ನಮಗೆ ಒದಗಿಸುತ್ತಿರುವ ಆಹಾರ, ಚಿಕಿತ್ಸೆ ಮತ್ತು ಆಕ್ಸಿಜನ್ ಮಟ್ಟದ ಕುರಿತು ಹಾಕಿ ಇಂಡಿಯಾ ಅಧಿಕಾರಿಗಳು ಪ್ರತಿದಿನ ವಿಚಾರಿಸಿಕೊಳ್ಳುತ್ತಾರೆ. ಕೋಚಿಂಗ್ ಸಿಬ್ಬಂದಿ ಹಾಗೂ ಸಹ ಆಟಗಾರರೂ ವಿಡಿಯೊ ಕರೆಗಳ ಮೂಲಕ ಚರ್ಚಿಸುತ್ತಾರೆ. ಈ ಸಂಗತಿಗಳು ನಮ್ಮನ್ನು ಸದಾ ಲವಲವಿಕೆಯಿಂದಿರಲು ನೆರವಾಗಿವೆ. ಇತರ ಆಟಗಾರರು ಅಂಗಣದಲ್ಲಿದ್ದರೆ ನಾವು ಇನ್ನೂ ಪ್ರತ್ಯೇಕವಾಸದಲ್ಲಿದ್ದೇವೆ ಎಂಬ ಅಲ್ಪ ವೇದನೆ ಇದ್ದರೂ ಮಾನಸಿಕ ಸ್ಥೈರ್ಯ ಹೆಚ್ಚಿಸಿಕೊಳ್ಳಲು ಇದು ಅನುಕೂಲವಾಗಿದೆ‘ ಎಂದು ಮನ್ಪ್ರೀತ್ ನುಡಿದರು.